І. Теориялық оқытудың әдістері.

1. Монолог түрінде жүргізілетін әдіс. Бұл әдіс бойынша теориялық сабақ өткізуде оқытушының рөлі басым. Оқытушы ақпаратты ауызша жеткізеді, ал оқушылар болса атқарушы рөлінде болады, олардың іс-әрекеті берілген үлгі бойынша ұйымдастырылады.

2. Көрнекілік әдіс. Оқытушы оқу материалын демонстрациялау арқылы тәжірибе түрінде түсіндіреді. Оқушылардың іс-әрекеті репродуктивті.

3. Диалог түрінде жүргізілетін әдіс оқытушы теориялық материалдарды диалог ретінде баяндайды.

4. Эвристикалық әдіс. Оқу материалы әңгімелесу арқылы беріліп, ол оқушыларға нұсқау ретінде жеткізіледі. Жаңа оқу материалын түсіндіруде проблемалық сұрақтар қойылып, оны оқушылар оқытушы көмегімен шешеді.

5. Іздену әдісі. Оқытушы мен оқушының өзара іс-әрекеті іздену арқылы ұйымдастырылады.

6. Алгоритмдік әдіс. Типтік есептер шығару барысында оқытушы оқушыларды белгілі бір жүйеде жасалған, алгоритм арқылы ұйымдастырады.

7. Бағдарламалап оқыту әдісі. Бұл әдіс оқу үрдісін бағдарламалаған оқу-әдістемелік құралдар көмегімен іске асырылады.

Іі. Өндірістік оқыту әдістері.

Өндірістік оқытудың (Н.Е. Эрганов бойынша) мынадай түрлері бар:

• еңбек әрекетін көрсету әдісі;

• диалог әдісі;

• эвристикалық әдіс.

• жаттығу әдісі;

Кейінгі кезде теориялық немесе өндірістік оқытудың белсенді әдістері кең жолға қойыла басталды. Мысалы, Ресей ғалымы С.М. Вишнякованың жіктеуі бойынша оның мынадай әдістері бар, ол төменгі суретте көрсетілген

Д әріс № 7. Кәсіптік оқыту формалары.

Дәріс жоспары:

1. Кәсіптік оқытуды ұйымдастыру формалары

2. Сабақ – оқу үрдісін ұйымдастырудың негізгі формасы

1. Кәсіптік оқытуды ұйымдастыру формалары

Кәсіби оқыту формаларының жалпы сипаттамасы. Кәсіби оқытуды ұйымдастыру деп инженер – педагог пен оқушы арасындағы, сабақ кезінде, топқа бөлінгенде не жұмыс орны мен өндіріс орнында оқыту кезінде жүргізілетін іс-шараларды айтады.

Олардың негізгі белгілерін сипаттайтын мыналар:

• Сабақтың дидактикалық мақсаты;

• Уақытты – кеңістік айқындылық (сабақ режимі, өткізілетін орны, білім алушылар құрамы).

• Сабақ құрылымы, не жұмыс кезеңдерінің білізділігі;

• Оқушылардың өзіндік жұмыстары деңгейі.

Оқыту формасын дұрыс ұйымдастыру мынадай мақсаттарға қолжетімдікті қамтамасыз етеді:

1. дидактикалық;

2. тәрбиелік;

3. педагогикалық үрдіс мақсатының дамытушылығы;

Мұнымен қатар оқыту формасының мынадай ерекше атқаратын қызметін де атап өту керек:

• ықпалдастық;

• комммуникативтілік;

• басшылық сипаты.

Ықпалдастық (интегративті) қызметі оқытудың мақсаты, мазмұны, әдістері мен құралдары, оның түрін дұрыс ұйымдастыруына қарай педагог пен оқушы әрекетінің біртұтастық, жүйелік белгілерін анықтайды.

Коммуникативтік қызмет деп оқушылардың өзара әрі педагог пен оқу – үрдісі кезіндегі қарым – қатынасы, белсенділігі мен сипаттамасы оқыту түріне тікелей қатысы бар екендігін көрсетеді. Оқуды ұйымдастыру қызметі ондағы оқыту, тәрбие істеріне басқару қызметіне дайындау құрамы болып табылады. Оқу үрдісін ұйымдастыру кезеңіндегі барлық қызметтердің жиынтығы басқару мазмұнын құрап, сабақ өткізу оның басты көрінісі екендігінде дау жоқ.

Басшылық сипаттағы қызмет арқасында оқушыларды басқару құралы ретінде іске асырылады.