29. Қабылдау бөлімшесі мейірбикесінің негізгі қызметтері.

1) Жұмыс орнын дайындау, егу бөлмелеріне қажетті барлық заттарды түгелдеу;

2) Науқастың жолдамасымен танысу және кезекші дәрігердің бөлмесіне алып бару;

3) Өзі келіп түскен науқастың шағымдарын тыңдау және кезекші дәрігерге жіберу;0

4) Түскен науқастардың дене қызуын өлшеу (003 формасы);

5) Ауру тарихының төлқұжаттық бөлімін толтыру, науқастарды педикулезге қарау;

6) Дәрігердің тағайындаған нұсқауларын орындау;

7) Процедуралық қарау және таңу бөлмесінде жұмыс жасағанда асептика мен антисептика ережелерін сақтау;

8) Нұсқауларға сәйкес шприцтерді, аспаптарды және материалдарды залалсыздандыру;

9) Жұқпалы аурулар және педикулез жайлы телефонограммаларды, белсенді шақыруларды санитарлық – эпидемиологиялық станцияға уақытында беру;0

10) Жедел және реанимациялық дәрігерге дейінгі көмек көрсете білу керек

30. Қабылдау бөлімшесінің негізгі медициналық құжаттары.

1. Қабылданған және қабылданбаған сырқаттарды тіркеу журналы.

2. ф. №ООЗ/у. Ауруханадағы сырқаттың медициналық картасы

3. ф. №004/у. Дене қызуын белгілейтін қағазы

4. ф. №058/у. Жұқпалы ауруларға жедел хабарлама

5. ф. №089/у. Туберкулез, вен.аурулар, грибоктар, биттеген, қотырмпен түскен сырқаттарды тіркеу журналы.

6. Жедел операция қабылдаған сырқаттарды тіркеу журналы

7. Антирабикалық сарысуды қабылдаған сырқатты тіркеу картасы.

31. Антропометрия туралы түсінік, оны жүргізу техникасы. Антропометрия-бұл адам денесінің морфологиялық ерекшеліктерін тексеру, өлшеу әдістеріне мыналар жатады: дене салмағын анықтау, бойының ұзындығын өлшеу, кеуде аумағын өлшеу.

32. Науқасқа санитарлық-гигиеналық тазалық жүргізудің негізгі түрлері. 1. Толық тазалау (ванна, душ қабылдау); 2. Жартылай тазалау (дененің бөліктерін сүрту). Тазалық сақтау шаралары қабылдау бөлімшесінен басталады. Бұл шаралары санпропусникте жүргізіледі. Қандай санитарлық тазалауды өткізу керектігін тек дәрігер анықтайды. Ваннаны қабылдау ұзақтығы 10-15мин. аспау керек.

33. Педикулез анықталғанда науқасқа санитарлық-гигиеналық тазалық жүргізудің негізгі түрлері. Егер бит немесе сірке табылса, ауруды шешіндірместен кушеткаға отырғызып, қолда бар ерітінділердің бірімен тазалайды, яғни дезинсекция (жұқпалы аурулардың қоздырғыштарын тасымалдайтын зиянды жәндіктерді жою) жүргізіледі. Педилин, Нитифор, Антибит ертінділерінң бірімен тазалайды.

Іс- әрекеттер:

1. Орамалды байлап, халат пен биялай киіңіз.

2. Науқасты клеенкалы кушеткаға отырғызыңыз.

3.Ерітінді жағылған шашты қалпақтың астында 20мин ұстаңыз

4. 15-20 минуттан кейін жылы сумен жуыңыз

5. Шашты сірке қышқылы ерітіндісімен шайыңыз

6. Шашын майда тарақпен тараңыз 10-15 мин.

7. Науқастың киімін зарарсыздандыру камерасына өткізу үшін қапқа

салыңыз.

8. Медициналық картаның мұқаба бетінің оң жақ бұрышына педикулез

табылған туралы «Р» деген белгі қойыңыз.

9. Науқаспен байланыста болған заттар мен жабдықтарды да жоғарыда

аталған дезинсекциялық ерітіндімен тазалаңыз.

10. Мейірбикенің орамалын, халатын, биялайын, қапқа салып,

зарарсыздандыру камерасына өткізіңіз.

11. Ф-058 «Жұқпалы ауру туралы жедел хабарламаны» қағазын толтырып,

жергілікті санитарлық эпидемиологиялық станцияға жіберіңіз.