14 Сұрақ. Кеден органдарының лауазымды адамдарының құқықтық мәртебесі.

25-бап. Кеден органдарының талаптарын орындаудың мiндеттiлiгi

1. Кеден органдары мен олардың лауазымды адамдарының талаптары Қазақстан Республикасының кеден заңдарына сәйкес аталған талаптар өздерiне қатысты қойылатын барлық адамдардың орындауы үшiн мiндеттi.

2. Кеден органдары мен олардың лауазымды адамдарының талаптарын орындамау, сондай-ақ кеден органдарының лауазымды адамдарына жүктелген мiндеттердi орындауға кедергi жасайтын басқа да iс-әрекеттер Қазақстан Республикасының заңдарында белгiленген жауапкершiлiкке әкеп соқтырады.

26-бап. Кеден iсi саласындағы ақпаратқа қатынас

1. Кеден органдарына басқа мемлекеттiк органдар, сыртқы экономикалық және кеден iсi саласындағы өзге де қызметке қатысушылар табыс еткен мәлiметтер Қазақстан Республикасының кеден заңдарына сәйкес кеден саласында ғана пайдаланылады.

2. Мемлекеттiк құпиялардан, коммерциялық немесе заңмен қорғалатын өзге де құпиядан тұратын мәлiметтi, сондай-ақ сыртқы экономикалық және кеден iсi саласындағы өзге де қызметке қатысушыларға қатысты құпия ақпаратты, осы баптың 3-тармағында көзделген жағдайларды қоспағанда, жария етуге, кеден органдары лауазымды адамдарының жеке мақсаттарына пайдалануына, сондай-ақ үшiншi тұлғаларға беруге болмайды.

3. Кеден органдары ресми сұрату бойынша мәлiметтердi Қазақстан Республикасының мынадай мемлекеттiк органдарына:

1) құқық қорғау органдарына - кеден iсi саласында құқық бұзушылық жасаған адамдарды заң бойынша қудалау мақсатында;

2) соттарға - олардың талап етуi бойынша;

3) жедел-iздестiру қызметiнiң субъектiлерiне - кеден iсi мәселелерi жөнiндегi уәкiлеттi орган мен тиiстi жедел-iздестiру қызметi субъектiлерiнiң бiрлескен актiлерiмен белгiленетiн тәртiппен олардың iс жүргiзуiндегi материалдар бойынша;

4) Қазақстан Республикасының өзге де мемлекеттiк органдарына - Қазақстан Республикасының заң актiлерiне сәйкес табыс етедi.

4. Кеден органдары мәлiметтердi басқа мемлекеттердiң кеден немесе құқық қорғау органдарына және халықаралық ұйымдарға Қазақстан Республикасының халықаралық шарттарына сәйкес табыс етедi.

5. Мемлекеттiк органдар Қазақстан Республикасының заңдарына сәйкес өздерi алған ақпараттың құпиялылығын қамтамасыз етедi.

19 КЕДЕНДІК РӘСІМДЕУ ТҮСІНІГІ. Кедендік рәсімдердің түрлері

Кедендік реттеу мақсатында тауарларға қатысты кедендік рәсімдердің мынадай:

1) ішкі тұтыну үшін шығару;

2) экспорт;

3) кедендік транзит

4) кеден қоймасы;

5) кедендік аумақта қайта өңдеу;

6) кедендік аумақтан тыс қайта өңдеу;

7) ішкі тұтыну үшін қайта өңдеу;

8) уақытша әкелу (жіберу);

9) уақытша әкету;

10) кері импорт;

11) кері экспорт;

12) бажсыз сауда;

13) жою;

14) мемлекеттің пайдасына бас тарту

15) еркін кедендік аймақ;

16) еркін қойма;

17) арнайы кедендік рәсім түрлері белгіленеді.

2. Осы баптың 1-тармағының 15) және 16) тармақшаларында көрсетілген кедендік рәсімдер Қазақстан Республикасының халықаралық  шарттарында және (немесе) Қазақстан Республикасының Үкіметі айқындайтын тәртіппен белгіленеді. Кедендік рәсімді таңдау және өзгерту:

1. Тұлғаның таңдауы бойынша кеден одағының кедендік шекарасы арқылы өткізілетін тауарлар осы Кодексте көзделген тәртіппен және шарттарда белгілі бір кедендік рәсіммен орналастырылады.

2. Тұлға осы Кодекске сәйкес таңдалған кедендік рәсімді басқа рәсімге өзгертуге құқылы. Кедендік рәсіммен орналастыру: Кеден органының осы Кодексте белгіленген тәртіппен тауарды шығарған күні тауарларды кедендік рәсіммен орналастыру күні болып саналады. Тауарларды кедендік рәсіммен орналастырудың шарттарын сақтауды растау міндеті: Тауарларды кедендік рәсіммен орналастырудың шарттарын сақтауды растау міндеті декларантқа жүктеледі. Кедендік рәсімдер шарттарының сақталуын кедендік бақылау:

1. Кеден одағы тауарларының мәртебесіне ие болмайтын тауарлар орналастырылған кезде кедендік рәсімдер шарттарының сақталуын кедендік бақылауды осы Кодексте белгіленген тәртіппен кеден органдары жүргізеді.

2. Кеден органы тауарларды шығарған мемлекеттен өзге кеден одағына мүше мемлекеттің аумағындағы, осы баптың 1-тармағында көрсетілген тауарларға қатысты кедендік бақылау осы Кодекстің 20-тарауына сәйкес жүргізіледі.