33.Тура уақыт жүйелерін жасауда кездесетін негізгі қиындықтар

ЭЕМ-да , әдетте сыртқы оқиға ретінде программалаушының көз қарасы бойынша аппараттық үзіліс беру болып саналады. Қазіргі заманғы көп міндетті операциялық жүйелерде аппараттық үзіліске ядро реакция береді. Мұнан соң үзіліс драйверлер көмегімен қолданбалы программаға да өтуі мүмкін. Көп міндетті жүйеде бір мезгілде бірнеше тапсырма орындайтын болғандықтан, үзілісті жіберу үшін ядро осы мезетте жұмыс істеп тұрған процессті тоқтптып, керекті процессті іске қосып, оған үзілісті тапсыруы керек. Бұл жағдайда белгілі уақыттың қажетті болуына байланысты үзіліс процесске айтарлықтай кешіктірумен жеткізіледі. Сонымен қатар үзілісті қабылдаған процессті ары қарай жұмыс істеуінің ерекшеліктеріне сәйкес ақпараттың өңделуі минималды уақыт аралығында орындалатынына сенімді болуға болмайды. Себебі компьютерлер бір процессормен жабдықталса және бір мезгілде бірнеше тапсырма берілсе, олардың бірінің екіншісіне өтуі міндетті түрде орындалады. Нәтижесінде компьютер мүмкіндігінше жылдам жұмыс істейтін болса да, реакция беру уақыты үлкен болуы мүмкін.

34.Тура уақыт жүйелерінде қолданылатын технологиялар: can-интерфейс

Қазіргі кезде кез келген өнеркәсіп орындардың дамуы компьютерлік жүйелері мен технологияларының көмегінсіз мүмкін емес. Мұндай жүйелердің маңызды бөлігі деректерді жинау, ақпарат алмасу, технологиялық жабдықтарды басқару, өндірістік процесстерді бақылау, т.б. әрекеттерді жүзеге асыруға арналған желілер болып табылады. Желінің параметріне қойылатын талаптар олардың қолданылу саласына байланысты анықталады. Дегенмен кез келген желі үшін адаптивтілігі, өміршеңдігі және ашықтығы сияқты талаптар маңызды болып табылады. Адаптивтілігі ретінде желі немесе элементтердің конфигурациясы өзгерген жағдайларды икемдеп алу мүмкіндігі түсініледі. Өміршеңдігі жүйенің сыртқы ортасының әсер етуі кезінде қалыптасқан функцияларын орындай алу мүмкіндігі білдіреді. Желінің ашықтығы оның қызмет етуін тоқтатпай, модернизациялау мүмкіндігі деп түсініледі. Қазіргі кезде түрлі желілік технологиялар көп қолданылады. Дегенмен микропроцессорлар мен микро контроллерлердің алуан түрлі жабдықтарға кеңінен ендірілу алуан түрлі электрондық құрылғыларды біріктіретін желілерді қолдану қажеттілігін туғызды. Мұндай мәселелерді шешудің жоғары тиімді нәтижелердің бірі CAN (Controller Area Network) желілік интерфейсі болып табылады. Бүгінгі күні CAN интерфейс алатын микроконтроллердің стандарты тізбекті интерфейс болып табылады.

Өзінің ерекше белгілеріне және желілік контроллердің арзандығымен және желіні ұйымдастыру қара-мен байланысты. CAN интерфейс мына салаларды қолданылады:

• Кез келген мобильдік жүйе (автомобиль, автобус, поездар, самолет, кеме, т.б.)

• өндіріс орнында (станоктардан бастап роботтарды басқару жүйесіне дейін)

• басқару және бақылау жүйелерінде (өрт қауіпсіздігін басқару және өрт сөндіру жүйесін басқаруда), қорғау және сигнализация жүйесін басқаруда, түрлі датчиктермен құрылғылар ақпарат жинауда, т.б.)

• медицинада

• тұрмыста

CAN интерфейсінің жетістіктері

• монтаж және жөндеудегі қарапайымдылық (физикалық шинасы бар болғаны экрандалған және экрандалмаған сымдар жұбынан және олардың ортақ сымнан тұрады , барлық саны - 3 сым)

• жоғары деңгейдегі сенімділік (3 сымның кез келгені үзілсе не қысқарған болса да, контроллер желінің жұмысын қамсыздандырады); тіптен 2 сым үзілген жағдайда да негізгі жүйенің функцияларының бөлігі үзілген ішкі жүйелердегі жұмысын жалғастырады.

• Желілік икемділік және кеңейту жеңілдігі (жаңа құрылғыларды желіге қосу бұрыннан бар программалық құралды өзгертуді қажет етпейді)

• Хабарламаларды жіберудің приоритеттігі

• Бір мезгілде бірнеше құрылғылардың хабарлама жіберу мүмкіндігі

• Ақпаратты жіберу кезінде пайда болатын қателерді анықтау және шектеу механизмінің болуы

• Деректерді жіберудің жоғары жылдамдығы

• Деректермен тура уақыт режимінде алмасу мүмкіндігі

• Толық синхронды жүйені жасау мүмкіндігі