6. Форма терезесі.

Форма бұл басқа компоненттер орналасатын негіз болып саналады. Форма Windows-тың басқа терезелеріне тән қасиеттерге ие. Ал оның сырт бейнесі Windows-тың нұсқасына байланысты болады. Форманың жоғарғы сол жақ бұрышында басқару менюі орналасқан, тақырып жолы терезенің жоғарғы бөлігінде орналасқан, жоғарғы оң жақ бұрышта жыймалау,жаю,жабу кнопкалары бар. Терезенің түрін қандай да бір кнопкаларды алып тастау немесе тақырып жолын мүлде алып тастап,оны өзгермейтін өлшемді етіп өзгертуге болады. Жобалау кезінде форма нүктеден құралған тормен жабылған. Осы тордың түйіндерінде қолданушы формаға орналастырған компоненттер орналасады. Қосымшаны орындау барысында бұл тор көрінбейді. Кейбір жағдайларда әлдебір модулді жасау барысында форма мүлдем керек болмауы мүмкін. Формаға кез келген компоненттерді қойған соң ,олар бойынша контекстілік анықтаманы алуға болады. Ол үшін керек элементті ерекшелеп алып F1 кнопкасын басу керек. Егер форманың өзінде тұрып F1 кнопкасын басса, форма класы бойынша анықтама көрсетіледі.

7. Редактор коды терезесі.

Редактор коды терезесі С++ Builder 6-да бағдарламалық модульді қарау кезінде оның үш беті болады. Оның екеуі орындалу файлының кодын (Unit.cpp) және тақырыптық файл кодын (Unit.h) көрсетеді. Тақырыптық файлдың коды автоматты түрде Редактор Коды терезесінде көрсетіледі. Редактор коды терезесі толық бағдарламалық редактор болып табылады. Редакторда синтаксистік элементтерді түс және шрифтімен ерекшелеу қолданылады. Жирный шрифтімен С++-тің кілттік сөздері белгіленеді. Жасыл түспен препроцессор директивалары белгіленеді. Көк курсивпен комментарийлер белгіленеді. Редактор Коды терезесінің тақырып жолында орындалып жатқан файл модулінің аты көрсетіледі. Терезенің жоғарғы бөлігіндегі закладкалар егер проектіде бірнеше модуль болса бір модульден екінші модульге өтуге мүмкіндік береді. Егер қайсыбір ашық тұрған модуль керек емес болса,онда оны Редактор кодындағы контесткілік менюде Close Page командасы арқылы жабуға болады. Редактор коды терезесінің сол жақ бөлігінде қарапайым текстілік редакторларға тән күй жолын көруге болады. Оның сол жағында жол мен баған индикаторы орналасқан. Оң жағына таман модификация индикаторы орналасқан,ол “Modified” сөзімен терезедегі кодтың өзгертілгенін және дискіде сақталғанымен сәйкес келмейтінін жеткізіледі. Күй жолының үшінші элементі – стандартты қою режимінің индикаторы. Редактор Коды терезесінде контекстілік анықтама бар.Кодтың қандай да бір сөзі жайлы анықтама алу үшін курсорды осы сөзге әкеліп F1 кнопкасын басу керек. Редактор Коды терезесі тек қана автоматты түрде орналасқан бағадарлама модульдері файлдарын қарап және өзгертумен шектелмеген. Қолданушы File | Open командасы арқылы текстілік файлдарды және Интернетте жқмыс жасау барысында қолданылатын HTML файлдарын ашып және жүктеуіне болады. HTML файлдары редактор терезесінде Code бетінде текстілік түрде көрсетіледі. Бірақ С++ Builder-да мұндай файлдар үшін Preview атты алдын ала қарап шығу беті пайда болады. Онда HTML файлға сәйкес келетін Web беттерді көруге болады. Сонымен қатар тікелей Редактор Коды терезеінен HTML файлдарының сыртқы редакторын шақыруға болады. Ол үшін сол HTML бетте оң жақ кнопканы басып контекстілік менюден html Editor бөлімін таңдау керек. Сол кезде HTML файлдардың сыртқы редакторы шақырылады,онда қолданушы бетті қарап және өзгерте алады. Өзгерткен соң бетті файлда сақтау керек. Сонда ИӨО-ға өткенде өзгертілген файлды редакторға қайта жүктеу туралы сұраныс жіберіледі. Оң жауап болса, Редактор Кодында өткізілген өзгертулердің нәтижесі бар файл жүктелген болады.