16 Гадзін 40 хвілін.

Разносяцца вясёлыя найгрышы скрыта i дуды, заліхвацкія пераборы гармоніка, рытмічныя ўдары бубна. Пачынаецца шэсце фальклорных герояў.

На чале грамады — Несцерка з кіем у руцэ i торбай за плячыма. Верхам на кані едуць волат, цмок, Баба-Яга, воўк, лісіца, авечка, журавель. За iмi — дэкаратыўна аформленая павозка цыркавых артыстаў, якія па ходу кідаюць рэплікі гледачам, жангліруюць, паказваюць нескладаныя фокусы. За павозкай ідуць артысты на хадулях, важак з мядзведзем — "студэнтам смаргонскай акадэміі". (пераапрануты), павозка з шырмай i тэатрам-батлейкай, за якой скамарохі робяць пантамімныя pyxi, а таксама "жывыя батлеі" — артысты, апранутыя ў касцюмы лялек. Шэсце заканчвае група "цыганоў", якая выконвае пад гттару танец, i фальклорная група, што спявае вясёлыя беларускія прыпеўкі.

Вясна.

Не Пярун грамы абрынуў

З бурай-навальніцай —

Гэта Несцерка з сябрынай

Едзе весяліцца.

З беларускага фальклору

У паход к нам рушыў —

Самы час у гэту пору

Разгавецца душам.

Артысты маляўніча размяшчаюцца на эстрадзе i вакол яе. Несцерка падыходзіць да мікрафона.

Несцерка.

Добры вечар, людзі-дабрадзеі!

Exaлi ж мы да вас

хто на вазе, хто на казе,

хто на кожнай назе па чарзе.

Прывезлі ж мы вам

смеху мяшочак,

чароўны гаршчочак,

на рыбу кручочак.

Вашыя вочы да дзіваў ахвочы:

глядзіце батлейку,

чорну цыганейку,

мішку-разумейку.

Вучан мішка не па кніжках,

але мае прэміі —

ён студэнт даўно вядомай

смаргонскай акадэміі.

Мы смяшылі вашых дзедаў,

намі жылі кірмашы.

А хто нас да сюль не ведаў –

пазнаеміцца спяшы!

17 Гадзін.

Гучыць радыёканцэрт з жартоўных беларускіх песень ("Чаму ж мне не пець", "Бацька добры, бацька добры...", "Як мне, траве, зелянеці ", "Як паедзем мы ў госці ", "Салавей спявае звечара ў даліне", "Матылі " і інш.). Пачынаецца забаўная праграма Вясны, якую праводзяць фальклорныя гepoi. Яны запрашаюць пакатацца на арэлях, удзельнічаць у спаборніцтвах хадзьбы на хадулях, конкурсе асілкаў, рыбнай латарэі, атракцыёнах "Перахват", "Падчапі гаршчок" i інш. На танцавальнай пляцоўцы праводзіцца конкурс культарганізатараў раёна, на які кожная культасветустанова выстаўляе свайго ўдзельніка.

На ледзяной эстрадзе паказваецца слайд-фільм "Поры года”, а ў дзіцячым гарадку — мультфільмы веснавой тэматыкі.

На эстрадных пляцоўках парку адкрываецца фестываль беларускага фальклору, у якім прымаюць удзел вакальныя i фальклорныя групы, тэатр-батлейка i "жывыя батлеі", цыркавыя артысты, важак з мядзведзем.

На адной з палян каля раскладзенага вогнішча побач з кібіткай-эстрадай пачынаюцца жартоўнае гаданне пераапранутых цыганоў, конкурс народнага танца, а на цэнтральнай эстрадзе — частушачнікаў, на які кожная культасветустанова выстаўляе свайго ўдзельніка.

18 Гадзін.

Каля веснавога вогнішча пачынаецца танцавальная дыска-праграма "Беларускі сувенір", у якой разам з фальклорнымі творамі ў апрацоўцы для вакальна-інструментальных ансамбляў гучыць музыка ў выкананні аркестраў i ансамбляў беларускай народнай песні. Тры невялікія танцавальныя аддзяленні праводзяць Сакавік, Красавік і Май. Пасля першага вальса плошча запаўняецца шумам завірухі, завываннем ветру i звонам капяжу. З'яўляецца Сакавік з блакітным шaлiкaм у руках. У яго аддзяленні — хуткія танцы, загадкі, вiктарыны.

Плошчу залівае птушыны спеў. З'яўляецца Kpacaвiк, у руках якога — зялёны шалік. Праходзіць танцавальнае аддзяленне гэтага месяца ў праграме якога калейдаскоп народных i сучасных бальных танцаў, аўкцыён сельскагаспадарчых раслін, конкурс на выкананне полькі-весялухі.

Над плошчай чуецца пошчак салауёў. На эстрадзе з'яўляецца Май - юнак з чырвоным шалікам. У яго аддзяленне ўваходзяць карагоды, фінал конкурсу выканаўцаў частушак. У гэтым конкурсе ўдельнічаюць i два выканаўцы, задача якіх — пераспяваць адзін другога.