Тэма 12. Планаванне і кантроль працэсу маркетынгу. Аўдыт маркетынгу

Цыклы планавання, маніторынгу і кантролю. Сувязь абра­най маркетынгавай стратэгіі з паспяховасцю выканання кар­паратыўнай місіі ўстановы культуры. Суаднесенасць іерархіі задач з іерархіяй стратэгій. Распрацоўка кампанентаў марке­тынгавага плана, у лік якіх уваходзяць: сітуацыйны рынак; пастаноўка задач і вызначэнне стратэгій; ацэнка рэсурсаў; вызначэнне рыначнага комплексу; практычная рэалізацыя плана.

Аўдыт маркетынгу (або маркетынгавая рэвізія) як дэталё­вае, сістэматычнае, перыядычнае, крытычнае вывучэнне ары­ентацыі маркетынгу кампаніі ў рамках яе пэўнага сацыя­культурнага асяроддзя. Асноўныя кампаненты аўдыту марке­тынгу: аналіз знешняга асяроддзя, у якім існуе прадпрыем­ства, а таксама яго мэт і стратэгій у сферы маркетынгу; рэвізія арганізацыйнай структуры кіравання маркетынгам і эфектыўнасці рэалізацыі асноўных функцый маркетынгу ў кампаніі; вызначэнне фінансавай эфектыўнасці мерапрыем­стваў па маркетынгу, бюджэту маркетынгу.

С е м і н а р 12

1. Сутнасць цыклаў планавання, маніторынгу і кантролю маркетынгу.

2. Сувязь абранай маркетынгавай стратэгіі з карпаратыў­най місіяй установы культуры.

3. Узаемазалежнасць іерархіі задач і іерархіі стратэгій.

4. Адрозненне працэсаў стратэгічнага планавання ў аргані­зацыі культуры ад аналагічнага працэсу ў традыцыйным (таварным) маркетынгу.

Тэма 13. Асноўныя стратэгіі маркетынгу. Матрыца Ансофа “Рынак – прадукт”

Асноўныя карпаратыўныя стратэгіі: стратэгія канкурэнцыі і стратэгія развіцця. Тыпы стратэгіі канкурэнцыі: лідар; кінуць выклік; паслядоўнік; спецыяліст.

Стратэгіі, заснаваныя на пары “рынак – прадукт”. Матрыца Ансофа “Рынак – прадукт”. Лініі паводзін, характэрныя для чатырох асноўных стратэгій, якія вызначае матрыца Ансофа: пранікненне на рынак, развіццё рынку, развіццё прадукту, дыверсіфікацыя.

С е м і н а р 13

1. Сутнасць карпаратыўных стратэгій канкурэнцыі і развіцця.

2. Асаблівасці тыпаў стратэгій канкурэнцыі: лідар; кінуць выклік; паслядоўнік; спецыяліст.

3. Сутнасць стратэгій, заснаваных на пары “рынак – пра­дукт”. Матрыца Ансофа “Рынак – прадукт”.

4. Сумеснае выкарыстанне розных падыходаў, прадугле­джаных матрыцай Ансофа.

Тэма 14. Сацыяльная стратыфікацыя і ацэнка спажывецкіх пераваг

Значэнне фармальных сістэм сацыяльнага расслаення для дасягнення мэт маркетынгу. Стратыфікацыя і сацыяльная ідэнтыфікацыя. Стратыфікацыя як галоўны паказчык, які вызначае межы і формы сацыяльнага ўзаемадзеяння. Ідэн­тыфікацыя пераменных, якія вызначаюць сацыяльны клас. Эканамічныя пераменныя; пераменныя ўзаемадзеяння; палі­тычныя пераменныя.

Аналіз спажывецкіх паводзін на аснове сацыяльнай ідэн­тыфікацыі. Праблема крышталізацыі сацыяльнага статусу. Сацыяльная мова.

С е м і н а р 14

1. Сутнасць пераменных, якія вызначаюць сацыяльную страту (сацыяльны слой).

2. Стратыфікацыя і сацыяльная мова.

3. Сацыяльная накіраванасць PR і рэкламы.

Тэма 15. “Новая эканоміка культуры” і трансфармацыя маркетынгавых стратэгій на сучасным этапе

Шматвектарны характар сучаснага эфектыўнага маркетын­гу ў сацыяльна-культурнай сферы. Спалучэнне інтарэсаў устаноў культуры, органаў улады і бізнесу.

Шляхі актывізацыі рэсурсаў, якія выкарыстоўваюцца пры рэалізацыі некамерцыйных праектаў.

Аналіз спецыфікі сфер дзейнасці, найбольш прывабных для спонсараў.

Дабрачынная дзейнасць як недзяржаўная форма абагуль­нення і пераразмеркавання рэсурсаў.

Прыярытэтныя напрамкі дабрачынных праектаў і непа­срэдныя аб’екты: дзяржаўныя (бюджэтныя) арганізацыі і ўстановы; грамадскія (недзяржаўныя) арганізацыі; непасрэд­на фізічныя асобы, якія маюць патрэбу ў дапамозе; дабра­чынныя фонды.

Тэхналогіі і мадэлі карпаратыўнай сацыяльнай адказнасці (КСА): адмоўнае і станоўчае.

С е м і н а р 15

1. Шматвектарны характар сучаснага маркетынгу ў сферы культуры.

2. Спецыфіка сфер дзейнасці, найбольш прывабных для спонсараў.

3. Адметныя рысы дабрачыннай дзейнасці як формы аба­гульнення і пераразмеркавання рэсурсаў з недзяржаўнага сектара.

4. Тэхналогіі і мадэлі карпаратыўнай сацыяльнай адказ­насці (КСА).

Л а б а р а т о р н ы я з а н я т к і 4

1. Распрацоўка кампанентаў маркетынгавага плана. Этапы працэсу маркетынгу: ацэнка рэсурсаў і практычная рэаліза­цыя плана.

2. Практычнае выкарыстанне стратэгій, прадугледжаных матрыцай Ансофа, у арганізацыях культуры.

3. Прагназаванне спажывецкіх паводзін на аснове сацыяль­най ідэнтыфікацыі.