Тэма 10. Спонсарства і мецэнацтва

Спонсарства як асаблівая сувязь (спецыфічныя ўзаемаад­носіны) паміж спонсарам, з аднаго боку, і падзеяй, агенцтвам або ўласнасцю – з другога, пры якой спонсар робіць наяўна або іншым чынам нейкі ўнёсак у абмен на доступ да вы­карыстання камерцыйнага патэнцыялу культурнай падзеі ці мерапрыемства.

Спонсарства як сродак прасоўвання тавараў і паслуг. Пры­сутнасць рэкламных матэрыялаў арганізацыі спонсара ў пра­сторы культурнай падзеі. Спонсарства як частка стратэгічна спланаванай працы па прасоўванні.

Агульнае і адметнае ў спонсарстве і мецэнацтве. Галоўныя пабуджальныя чыннікі спонсарства і мецэнацтва.

Маркетынг “з выпадку” як стратэгічна спланаваная праца па прасоўванні, прызначаная павялічыць узровень продажаў кампаніі ці палепшыць яе становішча на рынку.

Аналіз патэнцыяльнай карыснасці кампаній-спонсараў. Аналіз дынамікі росту выдаткаў на спонсарства, рэкламу, прасоўванне продажаў (за перыяд з 1990-х гг. да сёння).

Асаблівасці вядзення перамоў аб спонсарскім пагадненні. Методыкі вымярэння аддачы ад спонсарскіх укладанняў. Тыпавая заяўка на спонсарскую падтрымку.

С е м і н а р 10

1. Асноўныя мэты спонсарскай дзейнасці. Найбольш важ­кія крытэрыі адбору карпаратыўных спонсараў.

2. Набор крытэрыяў, якімі кіруецца спонсар пры вызначэнні практычнай аддачы ад спонсарства.

3. Звесткі аб дынаміцы росту выдаткаў на спонсарства, рэкламу, прасоўванне продажаў у апошняе дзесяцігоддзе.

4. Прынцыповае адрозненне мэт спонсарства і мецэнацтва.

Тэма 11. Маркетынгавая інфармацыйная сістэма. Тры тыпы даных

Маркетынгавая інфармацыйная сістэма (МІС) як аснова­творная частка маркетынгавага працэсу. Тры тыпы даных: унутраныя, першасныя і другасныя.

Крыніцы атрымання ўнутраных даных: бухгалтарская сіс­тэма; справаздачы па продажы; спісы кліентаў, падпісчыкаў, пастаўшчыкоў; персанал кампаніі; папярэднія даследаванні; рэйтынг карпаратыўнага вэб-сайта.

Тыпы даследаванняў, якія дазваляюць атрымаць першас­ныя даныя: зандзіруючае, апісальнае, адзінкавае.

Працэс пераходу ўнутраных даных (пасля правя­дзен­ня маркетынгавага даследавання) у разрад першасных даных. Другасныя даныя як інфармацыя, якая дазваляе ацаніць узро­вень і развіццё попыту на пэў­ны прадукт, склад прадуктовага рынку і структуру галіны. Малыя затраты часу і грошай як галоўная асаблівасць атрымання і выкарыстання другасных даных.

Характарыстыка метадаў апытання. Тэхнічныя прыёмы збору і апрацоўкі даных.

С е м і н а р 11

1. Маркетынгавая інфармацыйная сістэма як крыніца неаб­ходнай інфармацыі для прыняцця рашэнняў пры высокім узроўні дасведчанасці.

2. Тыпы даных, якія выкарыстоўваюцца ў маркетынгавай інфармацыйнай сістэме. Вызначэнне тэрміну “ўнутраныя даныя”. Асноўныя крыніцы атрымання гэтых даных. Вартас­ці і недахопы афіцыйных даных у параўнанні з прыватнымі данымі.

3. Асноўныя крыніцы афіцыйных і прыватных даных.

4. Тыпы маркетынгавага даследавання: зандзіруючае, апі­сальнае, адзінкавае.

Л а б а р а т о р н ы я з а н я т к і 3

1. Падрыхтоўка рэкламнага паведамлення і PR-паслання з улікам спецыфікі праекта. Аналіз механізмаў уздзеяння дру­каваных і электронных СМІ на працэсы прыняцця рашэння аб набыцці прадукту ці паслугі.

2. Пошук, адбор і ўзаемадзеянне з карпаратыўнымі спон­сарамі. Заключэнне спонсарскага пагаднення. Методыкі вы­мярэння аддачы ад спонсарскіх укладанняў.

3. Тэхналогіі маркетынгу “з выпадку” і шляхі дасягнення максімальнай эфектыўнасці ад іх выкарыстання.

4. Тэхнічныя прыёмы збору і апрацоўкі даных, якія былі атрыманы ў выніку маркетынгавага даследавання.