§ 1. Жалпы ережелер

      120. Қызметі аз учаскелер мен кірме жолдарда поездардың қозғалысы кезінде байланыс құралы ретінде электр жезлдық жүйені және телефонды қолдануға жол беріледі.       Электр жезлдық жүйе кезінде аралықты поездың иеленуіне рұқсат болып машинистке тапсырылатын осы аралықтың жезлы қызмет етеді.       121. Электр жезлдық жүйе құрылғысы жезлдық аппараттардан бірден артық жезлды алуға жол бермейді. Бағыттамалық постылардың жайларында орнатылатын жезлдық аппараттар осы станция бойынша кезекшінің рұқсатынсыз аппараттан жезлды алу мүмкіндігіне жол бермейді.       122. Әрбір жезлдың реттік нөмірі, сериясы және аралықты шектеуші станцияның атауы болады. Әрбір аралыққа жезлдың өз сериясы сәйкес келеді. Бір сериялы жезлдық аппараттарды кемінде үш аралықтан жиіге, ал тораптарға кірулерде – аралықты шектеуші екі станцияда да екіден артық аралықта жезлдық аппараттар орнатуға, онда поездар болмаған кезде сомасында жезлдардың жұп саны болғанда жол беріледі.        123. Аралықтан станцияға кері қайтушы итергіш локомотиві бар поездарды жөнелту жүргізілетін станциялардың жезлдық аппараттары кілт-жезлы бар аспаптармен толықтырылады.       Кілт-жезл бар аспаптармен толықтырылған жезлды аппараттың құрылымы аппараттан негізгі жезлды алғанға дейін кілт-жезлды алуға немесе кілт-жезл алынған кезде негізгі жезлды алуға жол бермейді.       124. Келесі станцияға дейін итергіш локомотиві бар поездарды жөнелту жүргізілетін станциялардың жезлдық аппараттарының бұрамалы жезлдары болады. Әрбір бұрамалы жезл екі бөліктен: «жезлдан» және «билеттен» тұрады. Бұрамалы жезлдары бар жезлдық аппараттар сондай-ақ уақытты шектеумен поездар қозғалысын ұйымдастыруда да қолданылады.       125. Станция бойынша кезекші келген поездан алынған жезлды сол аралыққа жөнелтілетін поезд арқылы жезлдық аппарат арқылы өткізбестен береді; бұл жағдайда оған поезд жөнелтілетін көрші станция бойынша кезекшіден алдын ала келісім алу қажет. Кілт-жезлдары бар жезлдық аппараттары бар станцияларда жезлды жезлдық аппарат арқылы өткізбей беруге тыйым салынады.       126. Жезлдармен алмасу негізінен станция бойынша кезекшінің үй-жайында механикалық жезл ауыстырғыштардың көмегімен немесе қолмен жүргізіледі. Жезлдарды қолмен алмасу кезінде жезлдар жезл әпергіштерге салынады. Поездарды тоқтаусыз өткізу кезінде жезлдарды шығу алқымдарында алмасуды жүргізуге тыйым салынады.       127. Тыйым салынады:       1) поездарды тоқтаусыз өткізу немесе олардың кесте бойынша 5 минуттан артық емес аялдауы оқиғаларынан басқада поезд жөнелтуге дайын болғаннан ерте жезлды алуға рұқсат сұрауға;       2) қолданыстағы жезлдарды аппаратқа салынбаған күйінде сақтауға;       3) жезлдарды көрші аралыққа тасуға.

§ 2. Поездарды қабылдау және өткізу

      128. Поездың келуі алдында станция бойынша кезекші алдын ала оны қабылдау үшін маршрут дайындайды және кіру сигналын ашады. Поездың станцияға келуі бойынша жезл станция бойынша кезекшіге тапсырылады, ол поездың толық құрамда келгеніне көз жеткізіп және жезлдың ол келген аралыққа тиесілігін тексеріп, жезлдың нөмірін ДУ-2, 3 нысанындағы поездар мен локомотивтер қозғалысы журналына жазады, жезлды жезлдық аппаратқа салады және телефон арқылы жөнелту станциясын поездың келуі туралы хабардар етеді.       Жезлдық аппараттар бағыттамалық постылар жайларында орналасқан станцияларда келген поездан жезл бағыттамалық постының кезекшісіне тапсырылады, ол поездың толық құрамда келгеніне көз жеткізіп және жезлдың осы аралыққа тиесілігін тексеріп, оны жезлдық аппаратқа салады және оның нөмірін ДУ-2, 3 нысанындағы поездар мен локомотивтер қозғалысы журналына жазу үшін станция бойынша кезекшіге хабарлайды.       129. Итергіш локомотиві бар поездың келуі бойынша станция бойынша кезекші поездық локомотивтің машинисінен жезлдың бірінші бөлігін және итергіш локомотивтің машинисінен екінші бөлігін алып, екі бөлігін бұрап қосады, сонан соң жезлды жезлдық аппаратқа салады.       130. Поезды жөнелту үшін станция бойынша кезекші оған поезд жөнелтілетін станция бойынша кезекшіден телефон арқылы осы Нұсқаулықтың 24-қосымшасына сәйкес нысан бойынша келісім сұрайды.       Станция бойынша кезекші, егер поезды қабылдау үшін кедергі болмаса телефон арқылы осы Нұсқаулықтың 25-қосымшасынасәйкес нысан бойынша келісім береді және жезлды алуға рұқсат етеді.       Жөнелту станциясы бойынша кезекші аппараттан жезлды алып, оның нөмірін поездар қозғалысының журналына жазуға және жөнелтілетін поездың машинисіне тапсыруға міндетті.       Жөнелту станциясы бойынша кезекші аппараттан жезлды алып ДУ-2, 3 нысанындағы поездар мен локомотивтер қозғалысы журналына оның нөмірін жазады және жөнелтілетін поездың машинисіне тапсырады.       131. Жезлдық аппараттар бағыттау постыларына шығарылған станцияларда алынған жезлдың нөмірі станция бойынша кезекшіге және бағыттау постысының кезекшілеріне хабарланады.       Егер станциялар бойынша кезекшілер алдына ала келетін поездың жезлымен қарсы поезды жезлдық аппарат арқылы өткізусіз жөнелту туралы келіссе, онда ДУ-2, 3 нысанындағы поездар мен локомотивтер қозғалысы журналдарына (екі станцияның да) осы поездың нөміріне қарсы осы Нұсқаулықтың 26-қосымшасына сәйкес белгі қойылады.       132. Электр жезлдық жүйемен жабдықталған аралыққа поезды шығу бағдаршамы бар жолдан жөнелту кезінде жезл болған жағдайда бұл бағдаршамның тыйым салушы көрсеткішінен қызыл оты сөнулі болғанда айлы-ақ оты бойынша өтуге рұқсат етіледі.       Егер айлы-ақ отты жағу мүмкін болмаса поезды жөнелту жезл бойынша жүргізіледі. Бұл жағдайда станция бойынша кезекші машинисті (жеке, бағыттамалық постының кезекшісі немесе сигнал беруші арқылы, радиобайланыс арқылы) айлы-ақ отты жағу мүмкін емес және маршруттың поезды жөнелтуге дайын екендігі туралы хабардар етеді.       Поезды шығу семафоры бар жолдан жөнелту кезінде жезл сонымен қатар шығу семафорының тыйым салушы көрсеткішінен өтіп кетуге арналған құқық та болып табылады.       133. Егер поезды жөнелту үшін жезлды алған соң, соңғысы қандай да бір себептермен жөнелтілмесе, станция бойынша кезекші жезлды аппаратқа салуға, бұл туралы көрші станция бойынша кезекшіні хабардар етуге және ДУ-2, 3 нысанындағы поездар мен локомотивтер қозғалысы журналында осы Нұсқаулықтың 27-қосымшасына сәйкес белгі қояды.       134. Поезды кейіннен жөнелту станциясына қайтумен жөнелту кезінде жезл локомотивтің машинисіне беріледі. Көрші станция бойынша кезекші поездың жөнелтілгені де, аралықтан оралғаны туралы да хабардар етіледі.       135. Бүкіл аралыққа жүретін итергіш локомотиві бар поезды жөнелту кезінде жетекші локомотивтің машинисіне «Билет» жазуы бар жезл, ал итергіштің машинисіне жезлдың «Жезл» жазуы бар екінші бөлігі беріледі.       Жөнелту станциясы бойынша кезекші жолды сұрату кезінде көрші станция бойынша кезекшіні оған итергіш локомотиві бар поездың бара жатқандығы туралы хабардар етеді.       Итергіш локомотив барлық аралық бойынша поездың құрамына тіркеліп жүрген жағдайларда жезл тек жетекші локомотивтің машинисіне ғана тапсырылады.       136. Егер жезлдық аппараттар бұрамалы жезлдармен жабдықталса, онда поезды құрамға тіркелген барлық аралық бойынша жүретін итергіш локомотивсіз жөнелту қажет болғанда жезлдың қолданысы тоқтатылады және поездар қозғалысы телефондық байланыс бойынша жүзеге асырылады.       137. Аралықтан станцияға қайтушы итергіш локомотиві бар поездарды жөнелту кезінде жетекші локомотивтің машинисіне жезл, ал итергіштің машинисіне – кілт-жезл беріледі.       Кілт-жезлдар сондай-ақ вагондарды аралықтарға жанасатын кірме жолдарға беруді (алуды) ұйымдастыруда, сондай-ақ жөнелтілген поездың артынан олардың кейіннен станцияға оралуымен шаруашылық поездарының қозғалысы пайдаланылуы мүмкін.       138. Егер жезлдық аппараттар кілт-жезлдармен жабдықталмаса, онда аралықтан станцияға қайтушы итергіш локомотиві бар поездарды жөнелту қажет болғанда жезлдық жүйенің қолданысы тоқтатылады және поездар қозғалысы телефондық байланыс бойынша жүзеге асырылады.