§ 1. Жалпы талаптар

      279. Станцияның техникалық құралдарын пайдалану тәртібі станцияның техникалық - өкімдік актісінде белгіленеді, станциялар бойынша поездарды қауіпсіз және кедергісіз қабылдау, жөнелту және жүруі, станция ішілік маневрлік жұмыстың қауіпсіздігін және еңбекті қорғауды сақтау регламенттеледі.       Станцияның техникалық-өкімдік актісінің талаптары барлық қызметтердің қызметкерлері үшін міндеті болып табылады.       280. Қабылдау немесе жөнелту үшін маршрут дер кезінде даярлануы тиіс, кіру (шығу) бағдаршамы ашық, қабылданатын (жөнелтілетін) поезд машинисі сигналдың ашық жағдайын дер кезінде қабылдауы тиіс және станцияға кірер алдында поездың белгіленген жылдамдығын азайтуға немесе станциядан жөнелту кезінде поезды кідіртуге рұқсат етілмейді.       281. Әрбір поезды қабылдау және жөнелту алдында станция бойынша кезекші жолға және қабылдау (жөнелту) маршрутына шығуы бар және маневрлерді, сондай-ақ олардан поездың жүру маршрутына жылжымалы құрамның шығу мүмкіндігін жоққа шығаруға болмайтын жолдарда бағыттаманы күзет жағдайына орнату арқылы тоқтатады.       282. Станция бойынша кезекшіге сигналды ашуға немесе маневрлерді нақты тоқтатуға көз жеткізуге дейін поездарды қабылдау немесе жөнелту бойынша басқаша рұқсат етуге тыйым салынады.       Маневрлерді тоқтату, станция бойынша кезекшілерге өкімдер беру және оларды орындау станцияның техникалық-өкімдік актісінде белгіленеді.       Станцияның сұрыптау-жөнелту паркінде маневрлерді жүргізу Ұлттық темір жол компаниясы - «Жол бөлімшесі» филиалы белгілейді және станцияның техникалық-өкімдік актісінде көрсетіледі.       283. Бағыттама және сигналдарды орталықтандырумен жабдықталған станцияларда поездарды қабылдау және жөнелту маршруттары бойынша барлық операциялар станция бойынша кезекшінің жеке өзімен немесе оның нұсқауы бойынша орталықтандыру посттарындағы оператор орындайды. Атқарушы посттары бар орталықтанған бағыттамаларды басқару кезінде поездарды қабылдау немесе жөнелту маршруттарын даярлау туралы барлық өкімдер станция бойынша кезекші орталықтандыру постысы операторына береді және басқару аппаратындағы тиісті әрекеттердің өкімін растайды. Берілген өкімдерді орындау ұзақтығының дұрыстығын орталық аппаратты басқару аспаптарының көрсеткіштері бойынша бақылауға алынады.       Поездарды қабылдау, жөнелту, өткізу поездары маршруттарын әзірлеу кезінде бағыттамаларды және сигналдарды орталықтандыру құрылғыларын пайдалану, сонымен қатар станциялар бойынша кезекшілер және посты операторларының іс-қимылдары СОБ құрылғыларын пайдалану тәртібі туралы нұсқаулықта және станцияның техникалық-өкімдік актісімен белгіленеді. Осы құжаттарда орталықтандырылған және орталықтандырылмаған бағыттамалар ретінде станциялардағы қызметкерлердің іс-қимыл тәртібі белгіленеді.       284. Орталықтандырылмаған бағыттамасы бар станцияларда поездарды қабылдау немесе жөнелту маршрутын дайындау туралы өкімдерді станция бойынша кезекші маршрутты дайындауға қатысатын бағыттама постылардың барлық аға кезекшілеріне бір уақытта келіссөздердің берілген регламентін сақтай отырып береді. Егер бағыттама постыларының аға кезекшілерінің кезекшілігі белгіленбесе, маршрутты әзірлеу туралы өкімді бағыттама постыларының тікелей кезекшілері береді.       Поездарды қабылдау және жөнелту бойынша маршруттарды әзірлеуде қабылдау жолының қарама қарсы соңында кіру (шығу) алқымында орналасқан бағыттама постылары орналасуы тиіс, сонымен қатар басқа постылар, солар арқылы поездарды қабылдау немесе жөнелту маршрутына жылжымалы құрамның жөнелтілуі мүмкін.       285. Бағыттама посттарды немесе атқарушы посттарды әзірлеу туралы өкімдер орталықтандыру станциясы кезекші тиісті сигналдың дер кезінде ашылуын қамтамасыз ететін уақыт ішінде барлық қажетті операциялардың аяқталу мүмкіндігі есебінен беріледі.       286. Станция бойынша кезекші маршрутты әзірлеу дұрыстығын басқару аппараты аспаптарының көрсеткіштері бойынша тексереді.       Мұндай аспаптары жоқ станцияларда станция бойынша кезекші бағыттама постыларының аға кезекшілері немесе бағыттама постылардың кезекшілерінің баяндамалары бойынша маршрутты әзірлеу дұрыстығын тексереді.       287. Егер станциядағы жекелеген бағыттамалар бағыттама посттан елеулі ара қашықтықта орналасқан болса, онда олардың жағдайын және жарамдылығын тексеру әрбір қабылданатын және жөнелтілетін поезд алдында емес, кезекшілікті қабылдағанда және кезекшілік уақыты ішінде мерзім сайын, техникалық-өкімдік актісінде белгіленеді.       Бұдан басқа, мұндай бағыттамалардың жағдайы мен жарамдылығы, егер маршрутты әзірлеу алдында маневрлік жылжулар, тексеру мен жөндеулер үшін ауыстырылған жағдайда міндетті түрде тексерілуі тиіс. Мұндай бағыттамалар бақылау құлыптарымен жабдықталған болуы тиіс, олардың кілттері басқару аппаратында болуы тиіс, ал кілт тәуелдігі болмаған кезде – станция бойынша кезекшіде болуы тиіс.       Мұндай тәртіпті қолдануға рұқсат еткен станция тізбесін Ұлттық темір жол компаниясы - «Жол бөлімшесі» филиалы бекітеді.       Мұндай бағыттамалардың жағдайын тексеру тәртібі станцияның техникалық - өкімдік актісінде көрсетіледі.       288. Поездарды қабылдау немесе жөнелту үшін маршрут дайындығы туралы баяндаудан кейін бағыттама посттары кезекшілері, сигналистері және станция бойынша кезекшісі маршруты дайын поезд поезд станциядан келмейінше немесе станциядан жөнелтілмейінше басқа қызметкерлерге беруге тыйым салынады. Поездардың келуіне дейін немесе жөнелтуі бойынша кезекшілік ауысымы қажет болғанда қайтадан жұмысына кірісетін қызметкер кезекшілікті тапсыратын қызметкердің осы операцияны орындауына сілтеме жасамай-ақ маршрутты орнату дұрыстығына өзі көз жеткізеді.       289. Жолаушылар поезы тұрған жолаушылар ғимараты мен жолдар арасында орналасқан жолдардағы жүк поездарын тоқтатуға негізінен жол берілмейді. Ерекше жағдайда жүк поездары жолаушылар ғимараты мен жолаушылар поезының арасында тұрақтаған жағдайда жүк поезы тарқатылуы тиіс, және жолаушыларға арнап (егер өтпеде көпір немесе тоннель болмаса) жасалуы тиіс. Бұл ретте құрама бригада жоқ станцияларда Ұлттық темір жол компаниясы - «Жол бөлімшесі» филиалы жергілікті нұсқаулықты бекітеді, осы операцияларды орындау үшін тартылуы мүмкін қызметкерлер тізімін көрсете отырып жүзеге асырады.       Егер поезды, маневрлік құраманы немесе жолаушылар поезы мен жолаушылар ғимараты арасында орналасқан жолдар бойынша локомотивті өткізу қажет болса, станция және вокзал бойынша кезекшілер жолаушыларды отырғызу және түсіру қауіпсіздігін қамтамасыз ететін шараларды қабылдайды.       Жолаушылар поезы тұрған жолаушылар ғимараты мен жолдар арасында орналасқан жолдар бойынша поездар мен маневрлік құраманы өткізу станцияның техникалық - өкімдік актісінде көзделуі тиіс.       290. Жолдарды қабылдау-жөнелту электрлік оқшаулағышы жоқ аралық станциялар бойынша кезекшілер жолаушылар және почта-багаж поездарын қабылдау алдында поезд диспетчеріне қандай жолда поезд қабылдануы тиіс екенін баяндайды.       291. Поезды жолда қабылдау немесе жолдан жөнелту бұл үшін станцияның Мұндай бағыттамалардың жағдайын тексеру тәртібі станцияның техникалық - өкімдік актісінде көзделмеген, тек ерекше жағдайда поезд диспетчерінің рұқсаты бойынша жол берілуі мүмкін. Мұндай жолдарда жолаушылар, почта-багаж, жүк жолаушылар және адамдар поездарын қабылдауға рұқсат етер алдында поезд диспетчері өз әрекеттерін тасымалдау бөлімшесі бойынша кезекшімен келіседі. Бұл жағдайда жолаушылар, почта-багаж, жүк жолаушылар және адамдар поездарын қабылдау және жөнелту маршрутында оларды орнату дұрыстығын, маршрутта бағыттама жағдайын оған бақылауға мүмкіндік беретін басқару аппаратының станциясы бойынша кезекші болмаған кезде станция бастығы немесе оның орынбасары, станция, посты немесе парк бойынша кезекшілер тексереді.       292. Станцияның техникалық - өкімдік актісінде көзделмеген жолдағы жолаушылар поезын қабылдау туралы, сонымен қатар кесте бойынша тоқтауы станциядағы жолаушылар поезының кідіруі туралы станция бойынша кезекші радио байланыс бойынша локомотив машинисін хабардар етеді.       Бір машинист қызмет көрсететін жолаушылар поезын қабылдау және жөнелту алдында станция бойынша кезекші, диспетчерлік орталықтанумен жабдықталған учаскелерде - поезд диспетчері маршруттың дайын екендігі, сигналдың ашық немесе қажет жағдайда поезды мәжбүрлі кідірту туралы машинисті хабардар етеді. Станциялар тізімі, станция бойынша кезекші жергілікті жағдайға және поездар қозғалысының өлшемдеріне байланысты мұндай хабарламаны поезд машинисіне дер кезінде бере алмайды, бұл реттегі поездар қозғалысының қауіпсіздігін қамтамасыз ету Ұлттық темір жол компаниясы - «Жол бөлімшесі» филиалының жергілікті нұсқаулығымен белгіленеді.       293. Орталықтанған бағыттамасы бар станцияларда станция бойынша кезекші қажет жағдайда электр тартқышы бар поездарды қабылдау немесе жөнелту үшін нұсқалық маршруттарды пайдалану қажеттілігі кезінде осындай поездың жүру маршруты бойынша байланыс желісінің бар екеніне көз жеткізеді.