Лекция №6 Гидротехникалық құрылымдағы сүзілу өтімділігін анықтау

1. Сұрақ. Сүзгілік есептеулер, негізгі тәсілдері

Сүзілуді есептеулердің кәзіргі кездегі тәсілдерін үш топқа бөлуге болады.

Бірінші топқа- гидромеханикалық тәсілдер жатады, олар сүзілу ағынның қозғалуы сұрақтарды математикалық физиканың есептері деп қарастыруға негізделеді. Бұл тәсілдермен сүзілу ағынының барлық параметрлерін аналитикалық жолмен анықталады және гидродинамикалық тор тұрғызылады.

Екінші топқа- тәжірибелік тәсілдерді жатқызуға. Олардың ішінде ең көп тарағаны электродинамикалық аналогия (ЭГДА). Бұл тәсілдің көмегімен флютбеттің кез келген жер астындағы нұсқасының гидродинамикалық торын тұрғызуға болады.

Сүзгілік есептеулерді бөгет денесінің, оның негіздері ме н жағалауларының беріктігіне, бөгет пен жағалаулардың беткейлеріне есептеулер жүргізу үшін; бөгет конструкциялары мен өлшемдерінің олардың сүзгіге қарсы және кәріздік қондырғыларының тиімді және үнемділігін барынша негіздеу үшін жүргізеді.

Сүзгілік есептеулер арқылы депрессиялық қисықтың орналасуын белгілейді; бөгет денесі мен негіздері арқылы өтетін сүзілген су өтімділігін, төменгі бьефтегі кәріздегі сүзілу ағынының арын градиенті мен жылдамдығын анықтайды.

Есеп су торабының қалыпты жағдайы үшін жүргізіледі. Яғни жоғарғы және төменгі бьефтерде әдеттегі іркілген деңгей сақталған жағдайда . Инженерлік тәжірибеде есептеулер үшін Н.А.Павловскийдің жуықтау әдісін немесе эквиваленттік кескін әдісін қолданады.

Жуықтау әдісінде есептеулер екі тәуелсіз пайымдаулар бойынша жүргізіледі. Алдымен бөгеттің су өткізгіштігін, ал негізінің су өткізбейтіндігін есептейді. Бұл нобай үшін бөгет денесінің сүзілу өтімділігін (q_T) анықтап, депрессия қисығын тұрғызады. Сосын бөгетті су өткізбейтін қылып есептеп, негізінен өтетін сүзілу өткізгіштігін (q₀) формула бойынша анықтайды:

q₀=K₀*T ; (6.1.)

мұнда К_о – негіз топырағының сүзілу коэффициенті;

Т – негіздің су өткізгіш қабатының қалыңдығы;

Н₁ және H₂ жоғарғы және төменгі бьефтердегі судың деңгейі;

n – В_пл/Т байланысы арқылы анықталатын түзету коэффициенті;

В_пл – негіз бойынша бөгеттің ені.

Кесте 6.1.

Түзету коэффициенттерінің мәндері.

Впл/Т	20	5	4	3	2	1
n	1.15	1.18	1.23	1.30	(1.44	1.87

Себебі бөгеттің әртүрлі қимадағы өлшемдері мен судың арындары әртүрлі. Сондықтан сүзілу өтімділігін анықтағанда аңғардың бүгілген әртүрлі учаскелерінің сипатты нүктелерін алып, солар үшін, жеке сүзулер есептеулерін жүргізеді. Ал, толық өтімділікті сол өтімділіктердің қосындысы ретінде анықтайды:

Q_тол = Q₁+…Q_n, (6.2.)

Бөгет денесі арқылы өтетін толық сүзілу өтімділігіне арналған есептік схеманың конструкциясы 2.11 суретте келтірілген. Мұнда: Q_тол – бөгет денесінен өтетін жалпы сүзілу өтімділігі; Q₁…Q_n – бөгеттің тиісті учаскелеріндегі сүзілу өтімділігі;

Q₁=q₁*B₁ Q₂=q₂*B₂…Q_n=q_n*B_n;

мұнда q₁…q_n – бөгеттің тиісті учаскелерінен өтетін үлесті сүзілу өтімділігі;

B₁…B_n – бөгет учаскелерінің ені (2.11 суретті қараңыз).

Бөгет жақтауы арқылы өтетін жалпы сүзілу өтімділігі:

Q_жақ=Q_тол+Q⁰_жал; (6.3.)

мұнда Q⁰_жал – бөгет негізінен өтетін жалпы сүзілу өтімділігі, м³/с.

Q⁰_жал=q₀*L ; (2.13)

мұнда q₀ – бөгет негізіндегі үлесті сүзілу өтімділігі, 1 м-ге м³/с.

L – негізінің ұзындығы, м.