26.. Девиантты мінез-құлықты балалармен жұмыс жасаудың негізгі бағыттарын көрсетіңіз

Девиантты мінезді балалармен жұмыс бағыттары: 1. Девиантты мінез-құлқы бар оқушыларды анықтау (Диагностика) 2. Девиантты мінез-құлқы бар оқушылардың тобын және оның айналасын психологиялық-педагогикалық сүйемелдеу 3. Мәселе бойынша басқа мамандарымен өзара әрекеттесу 4. Білім беру мекемесінің барлық оқушыларымен бірге өмірлік құндылықтарды үгіттейтін тәрбиелік жұмыстарға қатысу. Жұмыс бағыты: Мектеп әкімшілігімен, психолог, дәрігер, педагог психолог, сынып жетекші, ата-аналармен жүргізіледі. Жұмыс жомпарын құру керек. «Қиын» балалармен жұмыс жоспары 4 бөлімнен тұрады: 1. Ұйымдастыру жұмыстары 2. Балалармен жұмыс 3. Ата-аналармен жұмыс 4. Педагогикалық ұжыммен жұмыс.

Бастапқы жұмысты алдын алу ретінде сынып жетекшілерімен бірге тәрбиелік іс-шараларды өткізу қажет. Негізгі мақсаты – өмір құндылықтарын үгіттеу және білім беру мекемесіндегі психологиялық климатты оңтайландыру. Сонымен қоса жоспарда, білім беру ұйымдарда жедел психологиялық көмек алу, сондай-ақ қалалық «сенім телефоны» арқылы жедел көмек алу үшін оқушыларды ақпараттандыру білім беру мекемесінің ақпараттық стендтері, интернет-сайты, БАҚ арқылы жүзеге асырылуы қажет. Мектепте педагогикалық консилиумды өткізу Педагогикалық консилиум - оқушылардың жеке тұлғасын тереңірек зерттеу мақсатында бір сыныпқа сабақ беретін мұғалімдердің кеңесуі және оқушылармен жұмыс жасауда олардың ерекшеліктерін ескеріп, жұмысты дұрыс ұйымдастыруға бағытталған кеңес. Мақсаты: 1) сынып ұжымы мен әрбір оқушының жеке тұлғасының ерекшеліктерін зерттеу; 2) әрбір оқушының жеке тұлғасының дамуына қолайлы жағдайларды ұйымдастыру, біліміндегі, іскерлігіндегі, дағдысындағы кемшіліктерді жоюдың педагогикалық шаралары жүйесін құру. Міндеті: 1) сыныпқа сабақ беретін пән мұғалімдерін әрбір оқушының жеке тұлғасымен, әлеуметтік, өзіне тән психологиялық ерекшеліктерімен таныстыру; 2) сынып оқушыларын дамытуда, тәрбиелеуде және білім беруде негізгі мәселелер айқындалады. Педконсилиумға дайындық барысы 3 кезеңнен тұрады. 1 кезеңде - оқушылардың жеке тұлғасын зерттеудің мақсаттары мен міндеттерін анықталады. 2 кезеңде - әртүрлі сауалнамалық сұрақтар беру арқылы сынып пен оқушы туралы мағлұматтар жиналады. 3 кезеңде - сыныпты, топты, жеке тұлғаны зерттеудің, ата-ана мен оқушының мектепке көзқарасын, білім алу сапасын, тәрбиелілігіне көзқарасын зерттеудің қорытындысы шығарылады.

1.Психопрофилактикалық жұмыс - ата-аналармен оқушылар, ұстаздардың психологиялық білімінің қажет екендігін, әрі оны өз жұмыстарында пайдалану мен жеке басының дамуына септігін тигізетіндігін, әрбір баланың жас кезеңдеріне байланысты жан-жақты дамуына жағдай жасау, интеллектуалдық және жеке тұлғалың қалыптасуына кедергі болатын жәйттарды анықтау, әрі олармен жұмыс жүргізу. Оқу-тәрбие орталықтарының типтеріне байланысты әлеуметтік педагогтың өткізетін психопрофилактикалық жұмысы төмендегілерді қамтиды: 1.Кабинетке келген балаларды психологиялық-педагогикалық тексеруден өткізу; 2.Жасөспірімдердің жеке тұлға ретінде ерекшеліктерін, бейімділігін, ынтасын ашу мақсатында баланың тәртібіне дамуына психологиялық анализ жасау; 3. Баланың психикалық дамуында кедеңсіз құбылыстарды болдырмау үшін жүйелі жұмыстар жүргізу; 4.Тілін дамыта отырып, психологиялық өзгерістерді дамыту; 5.Баланың балабақшаға үйренуі бойынша ата-аналарға кеңестер беру; 6.Жоғарғы топтан мектепке баруға дайындық кезеңінде кездесетін проблемаларды шешуге тырысу, әрі ата-аналарға кеңестер беру. 7.Коррекциялық бағдарламалардың, әдістердің дамуына психикалық ауытқушылығы бар балаларман жұмыс істеу бағытында пайдалану, әрі көмек беру; 8.Көкейкесті кездейсоқ жағдайларда балаларға, жас жасөспірімтерге психологиялық көмек көрсету. 2.Дамыту және психокоррекциялық жұмыстар әлеуметтік педагогтың арнайы жұмыстарында, ата-ананың қатынасымен әр баламен жекеленіп немесе топпен жүзеге асырылады. Дамыту және психокоррекциялық жұмыстар жүзеге асырылады, егер ол жүйке-жүйенің немесе психикалық ауытқулардың нәтижесінде пайда болмаған болса. 3.Кеңес беру жұмыстары; 4.Психодиагностикалық жұмыстар.