21.. Суицидтік мінез-құлықтағы балалармен әлеуметтік педагогтың жұмыс әдістері, әдістемесін анықтаңыз

«Суицид» латын тілінен алынған «өзін-өзі өлтіру, өзіне қол салу» деген мағынаны білдіреді. Тағы бір синонимдік мағынасы - қасақана өз өмірін қию. Суицидтік м.қ алдын алу үшін, жұмыс келесі бағыттарда жүргізілуі қажет:1.суицидтік қауіпі бар оқушыларды анықтау: 2.суицидтік қауіпі бар балалар тобын және оның айналасын психологиялық-педагогикалық сүйемелдеу: 3.аталған сұрақтар бойынша денсаулық сақтау мамандарымен өзара әрекеттесу: 4.білім беру мекемесінің барлық оқушыларымен бірге өмірлік құндылықтарды үгіттейтін тәрбиелік жұмыстарға қатысу.Бастапқы алдын алу ретінде сынып жетекшілерімен бірге тәрбиелік іс-шараларды өткізу қажет. Негізгі мақсаты – өмір құндылықтарын үгіттеу және білім беру мекемесіндегі психологиялық климатты оңтайландыру. «Мен өмірді таңдаймын» акциясы, «Өмір тамаша» сынып сағаты, «Менің сезімдері мен эмоцияларымның әлемі», «Өзіңді түсін» тренингтік сабақтар, «Өзіңе ие болуға үйрен», «Психологиялық қысымды жою тәсілдері», «Стрессіз емтихандар» тақырыптарындағы психологиялық-педагогикалық топтық кеңестер, «Мен және менің отбасым» отбасылық спартакиадасы, «Стресспен күрес әдістері» тақырыбындағы профилактикалық лекторий, психологтарды, психотерапевттерді, суицидологтарды және т.б. тартумен ата-аналар жиналысын өткізу. Жасөспірімдерді психологиялық-әлеуметтік түзетудің ең оңтайлы әдістері топтық түзету жұмысына қосу болып табылады, онда олар қиын өмірлік жағдайларды құрылымды шешуді үйренеді. Педагогикалық көмекті ұйымдастыру:1.Бала тұлғасының дамуы үшін жайлы жағдай жасау; 2.Білімдегі, икемділіктегі және қабілеттегі олқылықты үнемі қадағалап, қосымша білім алу, көмек және кеңес беру жүйесін анықтау; 3.Жетістік, мақұлдау, қолдау, мейрімділік жағдайын жасау; 4.Оқушылар қызметінің, олардың жетістіктерінің нәтижелерін талдау; 5.Оң өзгерістерді көтермелеу; 6.Авторитарлық педагогикадан ынтымақтастық және қамқорлық педагогикасына ауысу; 7.Ата-аналарға педагогикалық көмек көрсету.Шығармашылық бос уақытты және іспен қамтылуын ұйымдастыру:1.Балалардың қызығушылықтарын және қабілеттерін зерттеу, қоғамға пайдалы қызметке, секцияларға, үйірмелерге тарту; 2.Отбасы тарапынан қажетті күтім мен бақылауы жоқ балаларға мезгілдік лагерьермен ұзартылған күн топтарын ұйымдастыру.

22. Мектептегі әлеуметтік педагог іс-әрекетінің негізгі бағыттарын көрсетіңіз

1991 жылдың мамыр айының 20-да КСРО халыққа Білім беру жөніндегі Мемлекеттік комитеті «Әлеуметтік педагог» мамандығын бекітті. Мектептегі әлеуметтік педагогтың білім беру жүйесіндегі алатын орны ерекші. Әлеуметтік педагог-ол тәрбиеші емес, сынып жетекшісі, тәлімгер емес, ол белгілі бір нормадағы қызметті үйлестіруші.

Негізгі қызметі – адамды өмірге, қоғамға бейімдеу. Мектептегі әлеуметтік педагогтың басты мақсаты – оқушының әлеуметпен жан-жақты қарым-қатынас ортасын құру. Әлеуметтік педагогтардың негігі жұмыс нысаны балалар мен жасөспрімдер болып табылады. Ол-әртүрлі әлеуметтік-мәдени орталардағы балалармен тәрбие жұмысын ұйымдастыратын маман, жеке тұлғамен оны қоршаған шағын ортаның психологиялық-педагогикалық ерекшеліктерін зерттейді, оқушылармен тәрбиеленушілердің қызығушылықтары мен мұқтаждықтарын, мінез құлқындағы ауытқушылықтарын, шиеленісті жағдайларды анықтайды және уақтылы көмек көрсетеді, жеке тұлға мен білім беру мекемесінің, отбасының, ортаның билік органының арасында делдал ретінде әрекет етеді; оқушылардың құқықтары мен бостандықтарының жүзеге асуына ыңғайлы және қауіпсіз жағдай құрады; олардың өмірі мен денсаулығын қорғауға, жалпыға білім берудің орындалуына, салауатты өмір салтын насихаттауға көмектеседі; балалардың таланттарын дамыту үшін оларға жағдай жасайды.

Қиын баламен жұмыс жүргізу:

• Нақты есебін алу

• Мінездеме жазу

• Арнайы бақылау дәптерін жүргізу

• Ата-анасымен байланыс дәптері

• Жүргізілген іс-шараларға қатысуын бақылау

• ЖӨИ қызметкерлерімен кездесу өткізу

• Маңызды нәтижесі бар сана-сезімге әсер ететін тәрбие сағаттар өткізу

• Сабақтан тыс үйірме, секцияларға қатысуын қадағалау

• Психологиялық, педагогикалық зерттеулер жүргізу.

Әлеуметтік педагог мектепте негізгі бағыттарда жұмыс жасайды:

1.Диагностикалық қызмет;

2.Өз қызметінде көмекті қажет ететін балаларды анықтау;

3.Кәмелетке толмағандардың, ата-аналардың құқықтық тәрбиесін ұйымдастыру;

4. «Қиын» оқушылармен жұмыс

5.Сынып жетекшілері, медициналық қызметкерлер, ата-аналар комитетімен, пән мұғалімдерімен қарым-қатынасты үйлестіру.