VI. Жаңа материалды меңгергенін тексеру кезеңі:

Ауа түссіз, мөлдір болғандықтан түскен күн сәулелерін тез өткізіп жібереді де, одан тікелей қызбайды. Күн сәулелері жер бетін, топырақты қыздырады. Жылу ауаға пештен таралған сияқты жер бетінен таралады. Соған орай ауаның жер бетіне таяу қабаты ғана жақсы жылынады да, биіктеген сайын жылу мөлшері бірте - бірте азаяды. Ауа жер бетінен жылынатындықтан оның температурасы құрлық пен судың үстінде де әр түрлі болады. Ауа жылынғанда жеңіл тартып, жоғары көтеріледі. Оның орнына су бетінен салқын ауа келеді, яғни осы алмасу құбылысынан жел пайда болады. Жер бетіндегі ауаның бір жерден екінші жерге ауысуын жел деп атаймыз.

1. Оқушыларға оқыту:дауыстап-тізбектей.

2. Сұрақтарға жауап.

-Неліктен күн сәлелері ауаны тікелей қыздырмайды?

-Жел қалай пайда болады?

3.Дәптермен жұмыс: желдің анықтамасы

VII. Бекіту кезеңі: Қорытындылау

VIII. Үйге тапсырма беру кезеңі: 51-53 бет оқу, мазмұндау.

Бағалау.

Бекітемін:___________________

Дүниетану

Мерзімі: 2.12.2014

Тақырыбы: Желдің маңызы

Мақсаты:

1. Білімділік: Оқушыларға желдің маңызы, желдің пайда болуын түсіндіру;

2. Дамытушылық: Білімін, тілін дамыту;

3. Тәрбиелік: Білімдікке тәрбиелеу.

Сабақ типі: Аралас сабақ.

Әдісі: Түсіндіру, сұрақ-жауап, әңгімелеу.

Көрнекілігі: Суреттер.

Барысы:

І. Ұйымдастыру кезеңі: Оқушылардың қажетті құрал-жабдықтарын түгендеу, оқушылардың зейінін, назарын жаттығулар орындау арқылы сабаққа аудару.

Психологиялық дайындық кезеңі Оқушылар бірге қайталайды:

Біз бақытты баламыз, Күнде бестік аламыз. Қуанады бізбен бірге Үйде ата анамыз. Ортақ ұран – бірге болу! Мақсатымыз - білім алу. Ұлтын сүйген ұрпақ болып Болашаққа бірге бару!

ІІ. Үй тапсырмасын тексеру кезеңі:

«Жер бетінің ауаны жылытуы» оқыту, түсініктерін әңгімелетіп, сұрақ-жауап арқылы баға беріп үй тапсырмасын бекіту.

ІІІ. Білімді тексеру кезеңі: Сұрақтарға жауап алу -Жер бетіндегі тіршілік үшін ауаның қандай маңызы бар?

-Ауа қандай болады?

-Ауаның тіршілік үшін қажеттігін тағы қалай дәлелдеуге болады?

-Жер бетінде ауа бар екенін қалай оңай білуге болады?

-Төңірегімізде ауа бар екенін қалай оңай білуге болады?

-Ауаның көлемі қандай жағдайға байланысты өзгеріп тұрады?

-Жер бетіндегі тіршілік үшін ауаның қандай маңызы бар?

Қорытындылау

IV.Мақсатын қою кезеңі:Тақырыбын, мақсатын хабалау. Желдің маңызы.

V. Жаңа материалды түсіндіру кезеңі: Жел табиғатта орасан зор жұмыс атқарады. Егер жел болмаса, жауын-шашын бұлт түзілген жерде ғана жауар еді. Мұхиттар мен теңіздердің үстінде ұдайы нөсер құйып, құрлықтың үстінде бір тамшы да тамбас еді. Жел мұхиттың үстінде пайда болған бұлтты құрлыққа айдап алып барады.

Жел ауаны тазартып отырады. Ол елді мекендердің үстінде пайда болған түтінді, шаң-тозаңды басқа жаққа айдап алып кетіп, олардың орнына таза ауа әкеледі.

Желдің күшін адамдар ертеден-ақ пайдалана бастаған. Алысқа жүзетін желкенді кемелер, ұн тартатын жел диірмендері соның айғағы. Қазіргі кезде желқозғағыштар кеңінен қолданылуда. Желдің күшін пайдаланып, электр қуатын алу жөнінде алғашқы қадамдар жасалған.

1.Желдің маңызы жайлы түсінік беру. 2. Желдің пайда болуы жайлы түсіндіру. 3. Желдің күшін өлшейтін аспап( жел бағар)

Сергіту кезеңі: Орнымыздан тұрайық

Алақанды соғайық

Бір отырып, бір тұрып

Біз шынығып алайық.