21.5. Көз қарашығын кеңейтетін (мидриатикалық) заттар

АТРОПИН

(ATROPINE)

Шығарылу түрі. Ерітінді (көз тамшысы) (сульфат) 0,1%, 0,5%, 1% [ӘДҰ ұсынылған].

Қолдану көрсеткіштері мен мөлшерленуі.

Қарашықты кеңейту үшін және аккомодация салы^С. Көздің қабыну ауруларында қызметтік тыныштық жасау үшін (ирит, иридоциклит, хориоидит, кератит), көздің жарақатында, көз торының орталық артериясының эмболиясы мен тарылуында. Циклоплегиялық рефракция, көзге тамызу, ересектерге 1 тамшыдан (1%) екі реттен күніне 1-2 күн алдын емшара алдында немесе бір рет 1 тамшыдан (1%) емшара алдында; балаларға 3 айдан – 1 жасқа дейін (0,1%), 1–5 жасқа (0,1–0,5%), 5 жастан үлкендерге (0,5–1%), 1 тамшыдан екі реттен күніне 1-3 күн алдын емшара алдында немесе 1 сағат алдын емшара алдында. Ириттер, увеиттер, көзге тамызу, ересектерге 1 тамшыдан (0,5 немесе 1%) күніне 4 реттен, балаларға 1 тамшыдан (0,5 немесе 1%) күніне 3 реттен.

Кері көрсеткіштері

Жоғары сезімталдық. Жабық бұрышты глаукома немесе оған бейім болып келгенде.

Сақтандыру.

Жабық бұрышты глаукоманың жедел ұстамасын туғызуы мүмкін, әсіресе егде жастағы немесе алысжітілік адамдарда; 3 айдан кіші нәрестелерге көз тамшысы ретінде қолданғанда, жүйелік ықпалының тәуекелі бар – бұндай жағдайларда көз майы ретінде қолданған дұрыс. Жарыққа жоғары сезімталдық және көрудің анық еместігін туғызуы мүмкін. Орындалуда арнайы амалдарды талап ететін қызметтерді, көру қабілеті толық қалпына келмегенше орындауға болмайды, мысалы техникамен немесе көлік жүргізу сияқты әрекеттер.

Әрекеттесуі: 1 қосымшаны қара.

Жүктілік: FDA категориясы С.

Емшекпен емізу: Төс сүтіне өтеді. Лактацияны баяулатуы мүмкін. Ұзақ қолдану ұсынылмайды.

Жанама әсерлері

Өтпелі күйдіру және көздің ішкі қысымының жоғарлауы; ұзақ қолданғанда жергілікті тітіркендіру, қызару, ісіну мен конъюнктивит дамуы мүмкін; қатынасты дерматит; жасы кіші балаларда және егде жастағыларда жүйелік улы әсері байқалуы мүмкін.

Саудаға тіркелген атауы: Атропин сульфат.

21.6. Вирустарға қарсы заттар

Ацикловир

(acyclovir)

Шығарылу түрі. Көз майы

Қолдану көрсеткіштері мен мөлшерленуі.

Ұшықтық кератит^А. Ленталы майды 10 мм төменгі конъюнктивальды қапшыққа жағады күніне 5 реттен (әр 4 сағатта). Жазылғаннан кейін емді 3 күндей жалғастырады.

Кері көрсеткіштері

Жоғары сезімталдық. Жас балаларға (3 жастан кші).

Сақтандыру.

Ашылған көз майының түбегін 1 айдан артық қолданбауы керек.

Әрекеттесуі: 1 қосымшаны қара.

Жүктілік: FDA категориясы С. Плацент арқылы өтеді. Жүйелік қолдануға болмайды.

Емшекпен емізу: Төс сүтіне өтеді.

Жанама әсерлері

Күйдіру, тітіркендіру. Сирек аллергиялық реакциялар.

Саудаға тіркелген атауы: Ацикловир, Виролекс, Ациклостад.

Идоксуридин

(Idoxuridine)

Шығарылу түрі. Ерітінді (көз тамшысы) 0,1%

Қолдану көрсеткіштері мен мөлшерленуі.

Кератиттер немесе кератоконъюнктивиттер, herpes simplex (жай ұшық вирусымен) туғызған. Көзге тамызу, ересектерге және балаларға — 1 тамшыдан әр сағат сайын күні бойы және 2 сағаттан түнде, жақсаруына қарай тамызу жиілігін азайту (инфекцияны бақылау) 1 тамшыдан әр 2 сағаттан күндізгі уақытта және әр 4 сағат сайын түнгі уақытта, кейін сауыққаннан соң 3-5 күндей жалғастыру, толық жазылғанша, ең жоғарғы емделу ұзақтығы 21 күн.

Кері көрсеткіштері

Жүктілік, бор қышқылынан тұратын басқа препараттармен бір мезгілде қолдану.

Сақтандыру.

Қасаң қабақтың терең жаралары; ұзақ немесе шамадан тыс көп қолдану қасаң қабақты зақымдауы мүмкін; препараттың қолдану жиілігі мен ұзақтығын жоғарлатпау керек, 7 күннен кейін жақсару болмаса қолдануды доғару керек; бір мезгілде кортикостероидтармен қолдану.

Әрекеттесуі: 1 қосымшаны қара.

Жүктілік: FDA категориясы С. Плацент арқылы өтеді. Қолдануға болмайды.

Емшекпен емізу: Төс сүтіне өтеді.

Жанама әсерлері

Кейде: күйдіру, шаншу, тітіркендіру, ауыру, конъюнктивит, ісіну, қабыну, фотофобия, қышыну; сирек аллергиялық реакциялар.

Саудаға тіркелген атауы: Идоксуридин