4.1. Арнамалы емес

БЕЛСЕНДІРІЛГЕН КӨМІР

(Activated charcoal)

Шығарылу түрі. Таблетки 250 мг

Қолдану көрсеткіштері мен мөлшерленуі.

Диспепсия, ішектегі шіру және ашу үдерістерімен жүретін аурулар (метеоризм), қышқылдықтың жоғарлауы және асқазан сөлінің гиперсекрециясы, диарея, жедел уланулар (алкалоидтармен, гликозидтермен, ауыр металл тұздарымен), улы синдромды аурулар — тамағам токсикоинфекциялары, дизентерия, сальмонеллез, күйік ауруының токсемия сатысында және септикотоксемия, созылмалы бүйрек жетіспеушілігі, созылмалы және вирусты гепатиттер, бауыр циррозы, бронхиальды демікпе, атопиялық дерматит, рентгенологиялық зерттеулерге дайындау (газдың түзілуін төмендету үшін). Ішке, сулы жүзгін түрінде немесе таблеткада. Сулы жүзгін уланғанда және интоксикацияларда — 20–30 г қолданылады, қышқылдық жоғары және метеоризм кезде — 1–2 г-нан 3–4 реттен тәулігіне. Таблеткалар (0,5 немесе 0,25 г) — метеоризм және диспепсия кезінде 1–3 данадан 3–4 реттен тәулігіне. Ішектің ашу және шіру үдерісімен жүретін ауруларда, асқазан сөлінің секрециясы жоғары кезде емдеу курсының ұзақтығы 1-2 апта. Ересектер 10 г-нан (бір қапшықтың құрамын) тәулігіне 3 реттен ішетін тамақ арасында қолданады; 7 жасқа дейінгі балаларға — 5 г-нан, 7–14 жасқа— 7 г-нан қабылдау. Курстың ұзақтығы — 3–15 күндей.

Кері көрсеткіштері.

Жоғары сезімталдық, АІЖ жаралы аурулары, асқазаннан қан кетулері, бір мезгілде антитоксикалық заттармен тағайындау, әсері сіңірілгеннен кейін дамитындарда (метионин ж.т.б.).

Сақтандыру.

Атмосфераға газ немесе бу бөліп шығаратын заттардан бөлек жеке, құрғақ жерде сақтау ұсынылады. Ауада (әсіресе ылғалды ортада) сақтау сорбционды қабілетін төмендетеді.

Әрекеттесуі: 1 қосымшаны қара.

Жанама әсерлері

Диспепсия, АІЖ майлардың, ақуыздардың, витаминдердің, гормондардың, қоректі заттардың және т.б. заттардың сіңірілуінің төмендеуі; іштің қатуы немесе іштің өтуі, нәжістің қара түске боялуы; белсендірілген көмір арқылы гемоперфузия жасау кезінде эмболия дамуы мүмкін, геморрагия, гипогликемия, гипокальциемия, гипотермия, гипотензия.

Саудаға тіркелген атауы: Активированный уголь

Смектит 

(Diosmectit)

Шығарылу түрі. Ішке қолдануға арналған суспензия дайындау үшін ұнтақ

Қолдану көрсеткіштері мен мөлшерленуі.

Жедел және созылмалы диарея, сол сияқты балаларда; АІЖ аурулары кезінде ауырсыну синдромын симптоматикалық емдеу (эзофагит, гастродуоденит, асқазан мен ұлтабардың жара аурулары, тоқ ішектің аурулары, ішек шаншулары). Ішке, эзофагит кезінде — тамақтан соң, басқа жағдайларда — тамақ қабылдау арасында. Ересектерге — 3 пакеттен (9 г), әр пакетті ½ стақан суға еріту. Жедел диарея жағдайында, емнің басында тәуліктік мөлшерді екі есе жоғарлатуға болады. 1 жасқа дейінгі балаларға — 1 пакеттен тәулігіне (3 г), 1–2 жасқа — 2 пакеттен тәулігіне (6 г), 2 жастан үлкендерге — 2–3 пакеттен тәулігіне (6–9 г).

Кері көрсеткіштері.

Жоғары сезімталдық, ішек өтпеуі.

Сақтандыру.

Егер ауыру сезімі қызбамен жүрсе немесе құсумен немесе 7 күн емдегеннен кейін сақталса, дәрігердің кеңесі керек. Іштің қатуының дамуы мөлшерге тәуелді асқыну (мөлшерді төмендеткенде басылады) және емді жалғастыруға кедергі жасамайды.

Әрекеттесуі: 1 қосымшаны қара.

Жүктілік: Қолдану мүмкін.

Емшекпен емізу: Қолдану мүмкін.

Жанама әсерлері

Іштің қатуы.

Саудаға тіркелген атауы: Смектит, Сорбена