1 Жас 6 айдан - 2 жасқа дейін

Аталған жастағы балаларда қалыптасатын қабілеттер:

- заттар-құралдарды қолдану, олармен әрекет ету, пішінді, көлемді, түсті, дыбысты ажырата білу;

- неғұрлым күрделі заттармен әрекеттерді орындау – таяқшалары бар сақинамен, аулағышпен, қарпығышпен сәйкес келетін ойыншықтар мен шарларды жылжыту, алу және орындарын ауыстыра білу;

- қазықшаларды ылғал құмға және тесіктері бар арнайы үстелге балғамен қағып кіргізе білу;

- заттарды өлшеміне қарай таңдай білу және оларды ажырата білу;

- конустық және тік негізге түсі және өлшемі бойынша іріктей отырып бірнеше сақиналардан пирамида жинай білу, қарама-қайшы өлшемдегі және көлемі мен саны әртүрлі 2-3 сақинадан тұратын пирамиданы жинастыра білу;

- біртекті заттарды ортақ белгісі: пішіні, түсі бойынша топтастыра білу.

Дамыту үшін:

- ұсақ қол моторикасын дамыту үшін заттармен нәзік қимылдар жасау. Дидактикалық ойындарда және тұрмыста балалардың сенсомоторлық «көз-қол» үйлесімділігін қалыптастыру;

- естуді дамыту үшін түрлі дыбыс шығаратын заттармен (қоңыралару, аспалы металл таяқшалар, шиқылдайтын ойыншықтар, музыкалық ойыншықтар) таныстыру;

- қабылдауды дамыту үшін бір мезгілде екі қасиетті: түс пен өлшемді, пішін мен өлшемді, пішін мен түсті дидактикалық және ұлттық ойыншықтарды,тұрмыстық заттарды қолдана отырып ажырату; негізгі төрт түсті (қызыл, көк, сары, жасыл) ажырату, 4 түрлі реңнің құрамдасуын: қызыл - қызылғылт сары, сары-қызылғылт сары, көк- күлгін, сары - ақ түсті таңдау ;

- логиканы дамыту үшін пішіні, түсі, көлемі бойынша бір-біріне ұқсас заттарды сәйкестендіру және топтастыру.

Күтілетін нәтижелер:

- ересектердің көмегімен қарапайым құрылыстар құрастыра біледі;

- іс-әрекет орындауға болатын қарапайым заттар - құралдарды қолданады;

- екі орындық, үш орындық дидактикалық ойыншықтарды жинастыра біледі;

- 2–3топтан тұратын қарама-қарсы өлшемдегі cақиналарды пирамидаға жинастырады; ересектердің көмегімен 4–5 және одан да артық түрлі өлшемдегі cақиналарды пирамидаға жинастырады;

- біртекті заттарды ортақ белгісі (өлшемі, пішіні) бойынша топтастыра біледі;

- заттармен іс-әрекеттерді орындайды, 2-ден, кейіннен 3 бөлшектен тұратын заттарды іріктеуде қосымша-бөлшектерге сәйкес таңдайды;

- ұқсас пішінді қақпақтарды қораптарға іріктейді;

- түсі мен өлшеміне қарамастан таныс заттарды таниды және көрсетеді;

- негізгі төрт түсті ажыратады (қызыл, көк, сары, жасыл); тәрбиешінің ұсынысымен бір түсті заттарды іріктейді;

- екіден кем емес түсті атай біледі;

- ересектердің нұсқауларын түсінеді және айналасындағы кеңістіктен заттарды таба алады;

- әртүрлі пішіндегі (тесіктерге) ойықтарға сәйкес заттарды сала білуді меңгерген.

Жаратылыстану

1 жастан 1 жас 6 айға дейін

Тірі және өлі табиғат құбылыстары туралы бастапқы түсініктерін қалыптастыру.

Заттарды, олардың белгілерін, қарапайым әрекеттерді тани білуге, табиғат бұрышындағы аквариумдағы балықтарды, жемсауытқа ұшып келетін құстарды, үй құстары мен жануарларды (ит, мысық, қоян, тотықұс) бақылауға, шөпті, гүлдерді, ағаштарды (бұталарды) ажыратуға және оларға қамқорлық жасай білуге үйрету.

Заттарды, еңбек құралдарын, жануарларды, кейбір еңбек әрекеттерін білдіретін сөздермен сөздік қорларын толықтыру.

Өсімдіктер мен жануарларға деген қызығушығы дамыту, оларға қамқорлық жасауға тәрбиелеу.

1 жас 6 айдан - 2 жасқа дейін

Аталған жастағы балаларда қоғам өміріндегі кейбір нақты жағдаяттар жайлы қарапайым ұғымдар қалыптасады.

Балалар үйренеді:

- қоршаған ортадағы және суретте берілген заттарды, көлік түрлерін,үй жануарларын танып, олардың дауыстарына еліктеуді;

- жануарлардың ерекшеліктерін, іс-қимылдарын,белгілерін ажыратады және атайды;

- табиғат құбылыстарын бақылап, оларды атайды;

- гүлдеп тұрған бөлме өсімдіктерінің әсемдігіне көңіл бөледі;

- кейбір көкөністер мен жемістер жайлы біліп, оларды суреттерде және шынайы тани біледі;

- су мен құмның қасиеттерін біледі.

Режимдік сәттер барысында танымдық қабілеттерін қалыптастыру үшін қоршаған ортамен таныстыруды қамтамасыз етуде, түрлі заттардың қасиеттерімен, пішіндерімен, түстерімен танысу мақсатындаойындар ұйымдастырылады.