1.5. Мәліметтер қорын жабу және ашу.
Берілгендер қорын жабу үшін оның терезенің «Жабу» түймесін шерту немесе Файл – Жабу (Файл – Выход) командасын беру жеткілікті. (БҚ .mdb кеңейтілуі бойынша сақталады).
БҚ-ны ашу үшін Access-ті іске қосқан кезде көрінетін терезеден БҚ-ны ашу ауыстырып қосқышын белсендендіріп, атауын екі рет шертсе болғаны. Тізімде ол көрінбесе, терезеде орнласқан «Басқа файлдар...» қатарының екі рет шертілуі тиіс. «Берілгендер қоры файлын ашу» сұхбаттық терезе көрінеді (терезені ашу үшін Файл – Берілгендер қорын ашу (Файл – Открыть база данных) командасын беруге немесе Ctrl+O клавиштерін басуға болады).
Терезеде орындауға мүмкін іс-әрекеттер:
«Файлдар типі» өрісінен БҚ типін («База данных») таңдау;
«Бума» өрісінен БҚ файлы енгізілген диск/буманы таңдау;
терезеде көрінген файл атауын таңдап, OK батырмасын шерту.
1.6. Кесте. Кестені қолдан құру. Кестені сақтау.
Кесте – берілгендер қорының негізігі объектісі. Кесте құру үшін БҚ терезесін ашып, Кеслер – Құру (Таблицы – Создать) командасын беру керек. Жаңа кесте (Новая таблица) сұхбат терезесі ашылады. Оған кесте құрудың үш режимі енгізілген:
кесте режимі (режим таблицы) – кестені қолдан құру;
кестелер шебері (мастер таблиц) – кестені автоматты түрде құру;
конструктор.
1.6.1. Кестені қолдан құру технологиясы.
«Жаңа кесте» терезесінен «Кесте режимі» қатарын таңдап, OK батырмасын шерту керек (режим қатарын екі рет шертуге де болады). Access тағайындаған «Кесте1» - (Таблица1) кестесінің уақытша атауы.
Ретімен оның Өріс1; Өріс2; ... тақырыптарын екі реттен шертіп, олардың орнына құрылатын кестенің өріс тақырыптарын енгізу.
Ұяшықтарға жазу элементтерін (өріс мәндерін) енгізу. Ұяшыққа ендірілген элемент оған сыймаса, оны ескерудің қажеті жоқ. Көрінісін сақтағыңыз келсе, көрсеткішті өріс тақырыбының шетіне әкеліп, баған сызығын әдеттегідей әрі-бері жылжытуға болады. Қатені түзеу үшін BS не Del клавиштерін пайдалану жеткілікті.
Терезенің жабу пернесін шертіп, терезені жабу. Access кесте құрылымын сақтау сұралатын сұхбат терезесі шығады. Оның Иә пернесін шерту керек. Ескерту. Кесте не басқа БҚ обьектілерінің берілгендері клавиатурадан ендіріліп, бекітілген сайын Access оларды автоматты түрде сақтап отырады.
Кесте атауы сұранылатын терезе көрінеді. Access уақытша тағайындаған атауды өзгерткіңіз келсе, жаңа атау ендіріп (мысалы, санат), ОК пернесін шерту керек.
Кілттік өріс құруды сұрайтын сұхбат терезесі ашылады. Егер, Иә түймесін шертсеңіз, Access автоматты түрде кестеге Код атаулы есептегіш өрісті қосып қояды. Бұл өріс келешекте қажет болмаса, Жоқ түймесін шерту.
Құрылған кесте БҚ-ның Кестелер бөліміне жазылып қояды.
Жазылған кесте мазмұнын көріп шығу үшін БҚ терезесінің Кестелер қондырмасын ашып, кесте атауын, одан әрі Ашу (Открыть) түймесін шерту жеткілікті.
Access кесте өрістері типтерін оларға ендірілетін мәндер бойынша автоматты түрде анықтап отырады. Бірақ кейде өріске енгізілген бүтін сандық берілгендер типін мәтіндік деп белгілейді. Кесте құрылымын өзгерту керек болса, “Конструктор” режимін пайдалану керек.
3-сурет. Кестені қолдан құру.