7 Тақырып. Қоғамның саяси – аумақтық ұйымдасуы

Тапсырмалар:

1. Қоғамның саяси – аумақтық ұйымдасуы ұғымының мазмұнын ашу, мысал келтіру

2. Саяси – аумақтық құрылымдарға сипаттама беру

Әдістемелік нұсқаулар

1. Негізгі және қосымша әдебиет көздерінің көмегімен қоғамның саяси-аумақтық ұйымдасуы дегеніміз не ? Олар қай кезеңде етек алды? Құрылу мақсаттары сияқты сұрақтардың мазмұнын ашатын САҚ жазбаша сипаттама беру

2. Саяси – аумақтық құрылымдарға: НАТО, ЕуроОдақ, ШОС, АСЕАН т.б. (кемінде 7 САҚ-ға) 3 - кесте түрінде сипаттама беру

3 – кесте

№	САҚ аталуы	Құрылған жылы	Құрылу мақсаты	Құрамындағы елдер

Негізгі әдебиет: [1,3,4,5,7,8,9,15,17,19,21,23,25,48,57,59,61]

8 Тақырып. Дүниежүзілік жүйе және шекараларды зерттеулердің қазіргі қағидаларының байланыстылығы

Тапсырмалар:

1. Әскери шешімдердің жүйелі қағидаларына жазбаша түсіндірме

2. Экономикалық байланыстарға әсерін сипаттау

3. Саяси екіжақты, көпжақты келісім түрлері

Әдістемелік нұсқаулар

1. Негізгі және қосымша әдебиет көздерін пайдаланып, әскери шешімдерге: АҚШ-Ирак, Ауғанстан; Израиль-Палестина; Армения-Таулы Карабах; Грузия: Оңтүстік Осетия-Абхазия туындау себептері мен әскери шешімдерінің тиімді-тиімсіз жақтарының жазбаша түсіндірмесін беру. Әр тақырыпшаға жекелеп тоқталу міндетті, немесе, студент таңдауы бойынша 1 тақырыпшаға баяндама әзірлеу. Баяндамаға қойылатын талаптарды алдыңғы жұмыстар бойынша қарау.

2. Жоғарыда аталған әскри шешімдердің аймақтың экономикалық байланыстарына әсеріне нақты статистикалық мысалдармен негіздеу

3. Негізгі және қосымша кезеңдік басылымдар көмегімен саяси екіжақты, көпжақты келісімдерді Каспий теңізі (5 мемлекет) немесе т.б. мысалында негіздеу керек.

Негізгі әдебиет: [1,3,4,5,7,8,9,15,17,19,21,23,25,48,57,59,61]

9 Тақырып. Дүние жүзінің қазіргі саяси картасы, оның қалыптасу кезеңдері

Тапсырмалар:

1. Кекін картаға дүние жүзіндегі монархиялар мен федерацияларды, федерациялық құрылымдағы монархия елдерін түсіру

2. Әлемдегі даулы территорияларды кескін картаға түсіру

3. Аймақтық шиеленіс аудандарын (мысалы, Араб-израиль шиеленісі, Бөлінген Кипр шиеленісі т.б.), саяси тұрақсыз аймақтарды (Латын Америкасы елдерін, Африка елдерін т.б.) кескін картаға түсіріп, таңдау бойынша сипаттама беру

4. НАТО ұйымына мүше елдерді кескін картаға түсіру

Әдістемелік нұсқаулар:

Бірінші тапсырманы орындау үшін негізгі әдебиет көздеріне және әлемнің саяси картасы түсірімдеулерінің 4-ші бетіне сүйеніп, дүние жүзінің кескін картасына тиісті шартты белгілермен әлемдегі мемлекетті басқарудың монариялық, федерациялық және федерациялық құрылымдағы монархия тобындағы елдерді шекараларымен, астаналарымен түсіру, осы негізгі ұғымдарға жазбаша сипаттама беру.

Екінші тапсырмада екі ел арасында таласушылықты, өзара бөлісе алмау шиеленістерін тудырып, осы күнге дейін даулы территория статусінда қалып отырған жерлерді (мысалы, Фолкленд аралдары, Батыс Сахара т.б.) кескін картаға түсіру, талас тудырып отырған елдерді көрсету. Тапсырманы орындау үшін әлемнің саяси картасы түсірімдеулері топтамасының 7-ші бетін пайдалану керек

Үшінші және алтыншы тапсырмалар әлемнің саяси картасы түсірімдеулері топтамасының 8-ші бетін пайдалану арқылы жүзеге асырылады.

Төртінші тапсырманы орындау үшін саяси карта түсірімдеулері топтамасының 9-шы бетін пайдалану арқылы жүзеге асырылады.

Негізгі әдебиет: [1,3,4,5,7,8,9,15,17,19,21,23,25,48,57,59,61]