Елбасы әрбір қазақстандықтың спортты жанына серік етіп, дене шынықтырумен шұғылдануын ұсынып отыр, Алайда, оның барысында түрлі жарақат алушылар да бар.Ендеше, одан қалай сақтануға болады?
Алдымен, ұқыптылық пен жинақылық қажет. Жаттығуға барған кезде басқа ойларға немесе керексіз әңгімелерге алаңдауға болмайды. Тек өз қимылыңа ,жаттығу техникасының дұрыс орындалуына көңіл бөлу керек. Одан соң, қауіпсіздік техникасын білген жөн. Әр спорт түрінің өз ережесі бар.Мәселен, күрес залында жаттығу кілеміне арқасын беріп отыруға тыйым салынады. Тренажер залындағы ауыр снарядтарға жаттығушының жанындағы адамдар да абайлағаны абзал. Залдағы төсеніш пен құралдардың да талапқа сай
болғаны жөн.Мәселен, ұратын қап дұрыс ілінбесе, түсіп кетіп, адамның аяғын сындыруы ықтимал.Немесе, өрмелейтін арқан қажалып, үзіліп кетуі мүмкін.
Спорттық костюм мен аяқ киімнің де өзіне шақ таңдалғаны қажет. Ұзын шалбар аяққа оралып, жаттығу барысында кедергі келтіреді. Ал, сапасыз аяқ киім жүгірген кезде тізе мен жіліншек буындарының ауруына соқтырады.Жалпы, жаттығу алдында бұлшық етті қыздырып алған абзал.Әйтпесе, сіңірі созылып, қозғалысты тежейді.Ал, жаттығудың жаңа түрін меңгерген кезде алдымен қозғалыс техникасының дұрыс орындалуына назар аударған жөн.Сонымен қатар, түнде жұмыста болып,ұйқы қанбаса, ауыр жаттығулар жасамай, жай қозғалыспен шектелу керек. Ең бастысы-жаттығу барысында жарақат алған адам соңына дейін емделуі тиіс.Жалпы, жаттықтырушыға көп нәрсе байланысты. Жаттығу арнайы бағдарлама бойынша және адамның мүмкіндігі ескеріліп жүргізіледі.Тағы бір назар аударатын нәрсе – жаттығу алдында міндетті түрде дәрігерге көріну.Мәселен, кейбір жаттығуларға шектеу қоюға тура келеді. Өзіне сай емес жаттығуларды таңдаған адамның
саулығы сыр беруі ықтимал.
«О,Спорт сен бейбітшіліксің!»- деген олимпиадалық ойындарды өткізудің ту ұстаушысы болған Пьер де Кубертэн. Олимпиада эмблемасы бір-бірімен, өріле қосылған бес сақинадан жасалады. Олар: Көкшіл, қара, қызыл (жоғарғы жақтары), сары және жасыл түстен тұрады.Бұл бес құрлық елдерінің туларында кездесетін түстер. Сақиналардың бір-бірімен өріле қосылуы- бес құрлық спортшыларының олимпиадалық қосғалысқа бір жеңнен
Қол, бір жағадан бас шығарып, күш жұмсайық деген ниетін аңғартатын белгі.(символ)
Күш- сыртқы қарсылықты жеңе білу қабілеттілігі немесе осы қарсылыққа бұлшық еттердің жиырылуы арқылы қарсы әрекет жасау.
Шыдамдылық- жұмыс қабілеттілігі біртіндеп төмендеген жағдайда организмнің ұзақ уақыт жұмыс жасау мүмкіндігі.
Икемділік- жаңа қозғалыстарды жылдам меңгеру және өзгермелі жағдай талаптарынан
кенеттен туындайтын қозғалыс әрекетін өзгерте білу қабілеттілігі.
Сумен шынығу- тазалық процедурасының ең тиімділерінің бірі.
Сумен сүртіну- ең қарапайым процедура болып табылады.
Су процедурасы дұрыс жасалмаса, онда тері бозарып, көп жағдайда көгереді, қалтырау болады.
Шынығудың негізгі ережелері: Жүйелілікті сақтау, организмнің жеке ерекшеліктерін есепке алу.