Қалалық электр тораптарының электрлік жүктемелерін анықтау

4.8. Қаланың орналастырылған коммуналдық—тұрмыстық жүктемесі қоныстық аймақтың әр типі үшін 1 текше метр үй қорына (жалпы немесе төле­нетін тұрғын алаңға) келтірілген меншікті есептік жүк­темесі арқылы анықталады.

4.9. Меншікті есептік жүктемелер Вт/м² жалпы­мемлекеттік нормалар (ҚНжЕ және ҚН) негізінде мы­наларға байланысты белгіленеді:

тұрғын ғимараттардың қабаттарына;

тұрмыста тамақ дайындау үшін қолданылатын энергия тасымалдағыштарға, ыстық сумен жабдық­тау және ғимараттарды жылытуға;

электр аспаптарымен (жекелей алғанда, ауабап­тағыш қондырғылар және т. б.) жарақтану деңгейіне.

4.10. Қалада орналастырылған коммуналдық—тұр­мыстық жүктемелердің есептеу нормативі әр ау­данның (қиыр оңтүстік т.б.) ерекшелігіне байланыс­ты түзетілуі керек.

4.11. Электрлендіру дәрежесі елеулі өзгеріске ұшырамаған құрылыстың есептік нормативін жеткен деңгейден табиғи өсімі 1—1,5% деп есептей отырып қабылдау ұсынылады.

4.12. Шоғырланған тұтынушылардың (объекті­лер­дің) барлық санатының пәрмені бар жүктеме­лерінің өсуі жеткен деңгейден келешек белгіленген дамуын есептей отырып (негізгі өндірістік қуаттың өсуіне үйлесімдікпен) анықталады. Өндірістік қуатын ұлғайту жоспарланбаған объектілер үшін, есептік кезеңнің соңындағы электр жүктемелерін жеткен дең­гейден жылдық табиғи өсімі 1—3% деп есептеп белгі­леу қажет.

4.13. Салынушы (жобаланушы) объектілердің (тұтынушылардың) жүктемелері мына негіздерде белгіленеді:

осы объектіні салудың бекітілген (әзірленген) жобалау құжаттары;

жобаланушы объектіні электрмен жабдықтаудың техникалық шарты берілуі үшін тиісті ведомстволар мен мамандандырылған жобалау ұйымдарының сұ­ратуы.

Алынған деректерді меншікті есептік жүктеме­лерін (электртұтыну) өндірістік қуат бірлігіне жатқызу арқылы салыстырып тексеру қажет. Меншікті жүкте­мелер 2-қосымша, 2.1-кестеде келтірілген.

4.14. Ауылшаруашылық тұтынушыларының эл­ектр жүктемелерін «0,38—110 кВ тораптардың электр жүктемелерін есептеудің Әдістемелік нұсқау­ларына» (Ауылэнергожоба, 1980 ж.) сәйкес анықтау қажет.

4.15. Қалалық электр тораптарына қосылатын жүктемелер құрамын жүктемелердің сәйкес санаты­мен атап көрсету керек:

4.15.1. Номиналь кернеуі 10 (6) кВ электр­қабыл­дағыштар;

4.15.2. Қаласырты тұтынушылары, қалалық эл­ектр тораптарына оларды қоректендіретін тарату то­раптарын қарастырмағанда (белгіленген қуат алу нүктесінен тұтынушыға дейін) транзиттік қосылатын;

4.15.3. Жаңа қоныстық аймақтар (орналастыр­ылған және шоғырландырылған коммуналдық—тұр­мыстық тұтынушылар), сұлбада (ТЭЕ) қарастырыл­маған тарату торабы.

4.15.4. Электр жабдықтау сұлбасы қалалық эл­ектр тораптарының (тарату тораптарын қарастырма­ғанда) 10 (6) кВ тарату орнына (ТО) тек қосылу кө­лемінде ғана шешілетін тұтынушылар. Мұндай жүк­темелер қалалық электр тораптарының сұлба құра­мында (ТЭЕ) 10(6)/0,4 кВ трансформаторлық қуатты қажет етпейді.

4.16. Қажет болған жағдайда ҚО жоғары кернеу­лі шиналардағы толық есептеме жүктемені анық­тау, 35 кВ және одан жоғары шиналардағы олардың жүк­темелерін ПОЭиЭ және «Энергия», «Қазауыл­энер­го­жоба» институттарымен келісе отырып қабыл­дау керек.

4.17. Қала шетінен сырт орналасқан ауыл­ша­руашылық жүктемелерін есепке алуды олардың қа­лалық электр тораптарына (ҚО, ТО) қосылу нүкте­лерін топтау арқылы ірілендіре жасау керек.

4.18. Электрмен жабдықтаудың барлық буын­дарының есептік жүктемесі іске қосылатын тұтыну­шылардың қосынды есептік жүктемелеріне макси­мум­дар­дың үйлеспеуі коэффициенттерін қолданумен анықталады (2—қосымша, 2.2—кесте).

4.19. Қалалық электр тораптарын дамытудың сұлба­сында (ТЭЕ) электрмен жабдықтаудың мына буындарының:

4.19.1. 10(6) кВ трансформаторлардың;

4.19.2. 10(6) кВ тарату тораптары учаскелерінің;

4.19.3. 10(6) кВ тарату орны бөлік шиналары­ның;

4.19.4. 10(6) кВ қоректендіру орталығы бөлік ши-наларының есептік жүктемелері анықталады.

4.20. Қалалық электр тораптарын тұтынушылар туралы бастапқы ақпараттарды жинау, талдау, және жүйелеу барысында олардың жүктемелерінің құра­мын ЭҚҚЕ—ге сәйкес электрмен жабдықтау сенімді­лігінің санатына байланысты белгілеу керек.