Есептiк электрлiк жүктемелер

Қалалық (кенттік) электр тораптарының тұтыну-шылары мен электр жүктемелерінің жіктелуі.

4.1. Қала (кент) аумағындағы тұтынушыларды мынандай белгілері бойынша айыра тану қажет: ведомствоға тиістілігі, электр тұтыну және электр жүктемелерінің шамасы, электр қабылдағыштардың номенклатурасы мен жеке қуаты, электр энергиясы­ның сапасы мен электрмен жабдықтау сенімділігінің талапқа сайлылығы.

4.2. Сыртқы электрмен жабдықтаудың сұлбасын шешудің қағидасы бойынша қалалық (кенттік) тұты­нушылар мынандай үш топқа бөлінеді:

4.2.1. Жүктемелері шамамен 20—30 МВт және одан көбірек, көбінесе өнеркәсіптік сипаттағы тұтыну­шылар. Мұндай тұтынушылардың сыртқы электрмен жабдықтау сұлбасы электрмен жабдықтау торап­та­рының деңгейінде, қағида бойынша, абоненттің ба­лансында және қызмет көрсетуінде болатын әрі бас­қа тұтынушылар қосылмайтын 110 (35) кВ және одан жоғары кернеулі төмендету қосымша станция­лары­ның қажетті санын орналастыру арқылы шеші­леді.

4.2.2. Жүктемелері 4—7—ден 20—30 МВт—қа дейін­гі ауқымдағы өндірістік сипаттағы тұтынушылар. Мұн­дай тұтынушыларды сыртқы электрмен жабдық­тау бір қосымша станцияның әртүрлі бөлік шинасы­нан (немесе әртүрлі қосымша станциядан) тұтыну­шының балансында болатын және солармен қызмет етіле­тін, 10 (6) кВ кернеумен шегіне жеткенше өткізу­ге қа­білетті екіден кем емес қуат беру арнасы ар­қылы 6—10 кВ кернеу деңгейінде шешіледі. Мұндай тұтыну­шылар қоректенетін қосымша станциялар, әдетте электрмен жабдықтау ұйымына жатады және әртүрлі ведомстволардағы қиындыққа ұшыраған абонент­тер­дің электрмен жабдықтау кешенін бірік­тіруге арналады.

4.2.3. Жүктемелері 4—7 МВт-тан аз тұтынушы­лар. Тұтынушылардың бұл тобы үшін сыртқы электр­мен жабдықтау сұлбасын шешудің дұрыстығы 0,38—10 кВ электр тораптары имараттарын біріктіру болып табы­лады. Бұл топтың 0,38—10 кВ электр тораптары има­раттарының кешені, өзінің негізгі көлемі жағынан, электр жабдықтау ұйымына тиесілі және сонымен қызмет етіледі.

4.3. Электр энергиясын тұтынушылар өзінің та­ғайындалуы жағынан мына санаттарға жіктеледі:

орналастырылған коммуналдық-тұрмыстық тұ­ты­нушылар;

шоғырланған коммуналдық-тұрмыстық тұтыну­шылар;

қаланы инженерлік қамту жүйесінің тұтынушы­лары;

өнеркәсіп, құрылыс, көлік және тағы басқа тұтынушылары.

4.4. Орналастырылған коммуналдық-тұрмыстық тұтынушыларға қаланың (кенттің) барлық тұрғын ғи­мараттары (бөлмелері), сонымен бірге жергілікті (ау­дандық) мәні бар қоғамдық ғимараттар (бөлмелер) жатады.

4.5. Шоғырланған коммуналдық-тұрмыстық тұ­тынушыларға жалпықалалық және қала сырты мәні бар (әкімшілік—шаруашылық мекемесі, байланыс ме­кемесі және кәсіпорны, ағарту, мәдениет, денсаулық сақтау, қоғамдық тамақтандыру, сауда және халыққа коммуналдық-тұрмыстық қызмет көрсету) қоғамдық ғимараттар (кешендер) жатады.

4.6. Инженерлік қамту жүйесінің тұтынушылары­на сумен жабдықтау және канализация объектілері (суалғы имараттары, сорғы бекеті және айдау, таза­лау имараттары, жөндеу—өндірістік базасы т.б.), қала іші көліктері, соның ішінде электрлендірілген (тар­тымдық қосалқы станциялар, депо, жылжымалы сос­тав паркі, автобаза, жөндеу—өндірістік базасы т.б.), энергиямен жабдықтау (қазандықтар, жылу орын­да­ры, газ тарату орны, газразрядты станция, газ, жылу, электр және т.б. тораптардың жөндеу—өндіріс­тік ба­залары), сыртқы жарықтандыру.

4.7. Өнеркәсіп, көлік тағы да басқалардың тұ­ты­нушылар санатына өнеркәсіп, құрылыс, қала сыр­ты көліктері кәсіпорындары, сондай-ақ, алдыңғылар са­натына жатқызылмаған объектілер, сонымен бірге өндірістік автокөлік базасының қоймалары, жинақтау-баптау басқармасы, әртүрлі ведомстволардың басқа арнаулы сипаттағы тұтынушылары жатқызыла­ды.