Кернеуі 0,4—10 кВ тораптар.

18.11. Қалалар мен кенттердің қоныстық аума­ғында кернеуі 10 кВ дейінгі (қоса санағанда) электр тораптары биіктігі 4 қабат және одан жоғары ғи­мараттары бар құрылыс аудандарында, қағида бо­йынша, кабельмен, ал 3 қабатқа дейінгі құрылыс аудандарында әуе желілерімен орындалуы керек.

18.12. Кернеуі 1000 В дейінгі әуе желілерінің сымдары, қағида бойынша, сыртқы жарықтандыру­дың сымдарымен ортақ тіректе орналасуы керек.

18.13. Кернеуі 10 (6) кВ тарату тораптарында алюминий талсымды кабельдердің қимасын, оларды жердегі орда төсегенде 35 мм² кем емес қабылдау керек.

18.14. Кабельдер тікелей жерге, орға төселуі керек. Техникалық—экономикалық негіздеу бар бол­ғанда кернеуі 0,4—10 кВ кабельдерді каналдарда, блоктарда, коллекторларда және тоннелдерде, ал транзиттік кабельдер тұрғын және қоғамдық ғимарат­тардың үйасты қабаттары мен техникалық еден-астыларында тұрғын ғимараттардың электржабдық­тарын жобалаудың нұсқауларының және жаппай салынатын қоғамдық ғимараттардың электржабдық­тарын жобалаудың нұсқауларының талаптарын есеп­ке ала төселуі рұқсат етіледі.

18.15. ҚО—нан ТО—на дейінгі кабель желілерін оларды жерде төсегенде, қағида бойынша, әртүрлі трассада төсеу керек. Ерекшелік ретінде, ортақ трассада, бірақ әртүрлі орда төсеуге рұқсат етіледі.

18.16. Жетілдірілген жабуы бар жолдар арқылы өту, тереңдігі 1 м—ден кем емес тікелей жерге төселе­тін негізгі желілердегідей қималы кабельдермен қарас­тырылуы керек. Жолдың жабуын ашпай кабел­дерді ауыстыру үшін кабельдермен бір орда, тесік аузы тығыз жабылған резервтік құбырлар (кабел­дердің резервтік кесіндісінсіз) төсеуді қарастыру керек (кабельдер саны үшке дейін болғанда — бір құбыр, ал кабельдер саны үштен көп болғанда — екі құбыр).

18.17. Кернеуі 0,4—10 кВ әуе желілері үшін темір­бетонды тіректер қолданылуы керек. Бір ұйыммен қызмет көрсетілген жағдайда, кернеуі 0,4 кВ және 10 кВ сымдарды бірге ортақ тірекке іліп қолдану рұқсат етіледі.

18.18. Қосалқы станциялар (ҚО); ТҚС, ТО, соны­мен бірге барлық кернеулер үшін әуе желілерінің тіректері, белгіленген тәртіп бойынша бекітіл­ген, тип­тік болуы тиіс.

18.19. Қалалық электр тораптарында кірпіштен, панельден, блоктан және басқадан жасалған ТҚС—мен қатар заводта жасалған ЖТҚСС (жинақы транс­форматорлық қосалқы станция, сыртқы) кеңінен қол­дану ұсынылады, әуе тораптары бар аудандарда діңгектік ТҚС қолдануға рұқсат етіледі.

Негізделген жағдайда ғимараттарға жапсарлас салынған ТҚС және жерасты ТҚС мен ТО қолдануға рұқсат етіледі. Қоғамдық ғимараттарда ТҚС орналас­тырған кезде жаппай салынатын қоғамдық ғимарат­тардың электржабдықтарын жобалаудың нұсқау­ларының талаптары сақталуы тиіс.

18.20. 10 (6) кВ кернеуге РАҚ құрылғысын жүк­теме ажыратқыштарын пайдаланып орындау рұқсат етіледі.

18.21. Жерде төселетін барлық кернеулер үшін кабель желілеріндегі (металл қабықшалы және болат сауытты) кезбе токтардан болған тоттануды бақылау үшін бақылау—өлшеу орны орнатылуы жөн.

Кабель желілерін тоттанудан қорғау шарасы МСТ 9.602.—89 (Тоттану мен тозудан Қорғаудың бірыңғай жүйесі. Жерасты имараттары. Тоттанудан қорғаудың жалпы талаптары) талаптарына сәйкес қарастырылуы керек.

1-қосымша