6.3. Кеден сараптамасын жүргізудің технологиялық кестесі

Кеден сараптамасының технологиясын кеден практикасына тән объектілер – сыра үлгісінде көрсетуге болады.

Бір мамандықтағы сарапшылар тобы комиссиялық сараптама жүргізген кезде, кеден зертханасының бастығы сараптама тобының жетекшісін тағайындайды. Зерттеудің нәтижелерін бірлесе бағалауға қатысқан және бір пікірге келген барлық сарапшылар жалпы ой-тұжырымға қол қояды. Сарапшылар арасында әр түрлі пікірлер болғанда, олардың әр қайсысы немесе сарапшылардың бір бөлігі жеке қорытынды жасауға құқылы.

4-сурет. Кеден сараптамасын жүргізудің технологиялық кестесі

6.4. Кеден рәсімдерінің бұзушылық түрлері мен кезеңдері

Сараптамалардың өндірісі туралы кеден органдарының шешімі:

• сараптамаларды жүргізу туралы тапсырмалар;

• сараптамаларды тағайындау туралы қаулылыр түрінде ресімделеді.

Сараптамаларды жүргізу туралы тапсырма кеден ережелерін бұзу туралы іс басталғанға дейін, кедендік бақылау немесе кедендік ресімдеу жүргізу процесінде сараптама өндірісінде қажеттілік туған кезде ресімделеді.

Сараптамаларды тағайындау туралы қаулы кеден ережелерін бұзу туралы іс бойынша өндіріс процесінде іс басталғаннан кейін шығарылады. Зерттеу үшін ұсынылған тауарлардың сынамалары мн үлгілері сараптамаға сынамалар мен үлгілер алу актілерімен бірге жіберіледі. Тауарлардың сынамалары мен үлгілері, сондай-ақ сараптамаға жіберілген заттай дәлелдемелер тиісті түрде оралуы және оралымның сақталуын қамтамасыз ететін ярлыкпен мөрленуі тиіс.

Бұзушылық түрлері:

• қайта өндіру өнімдерін шығару санын бұзу, қайта өндіру басқа тауарлармен алмастыру;

• жалған, жарамсыз және заңсыз жолмен алынған құжаттарды немесе басқа тауарларға және көліктік құралдарға жататын құжаттарды ұсыну, сондай-ақ сәйкестендірудің жалған құралдарын не басқа тауарларға және көліктік құралдарға жататын сәйкестендірудің түпнұсқалық құралдарын пайдалану;

• төленген кеден төлемдерін қайтаруға құқық беретін нақты емес мәліметтерден тұратын құжаттарды кеден органдарына ұсыну, төлемдерді алу немесе тиісті негізсіз толық емес көлемде қайтару.

Лек – кеден шекарасы арқылы өткізуге арналған және сапасын куәландыратын бір құжатпен немесе бір жүк кеден декларациясымен ресімделген кеден органына ұсынылатын сапасы мен атауы бойынша біртектес тауардың біртектес тұтынушылық немесе көліктік тарада, бір технологиялық үлгі бойынша жасалған құйылымның бір күнде және т.б.) кез келген саны.

Таңдау – бастапқы үлгісін құрастыру үшін оралымның әрбір бірлігінен бір рет қабылдануға алынған тауардың белгілі бір саны.

Сынама – барлық зерттелетін өнімнің орташа құрамына сәйкес келетін жалпы массадан алынған аз ғана сан, орташа құрам.

Кеден рәсімдерінің кезеңдері:

• кеден шешімі;

• кедендік ресәмдеу – кеден органы тұлғасының және олардың өкілдерінің рұқсатымен жеткізу орнына тауарларды жеткізгеннен кейін тауарлардың сынамалары мен үлгілерін алуы;

• кедендік бақылау – кеден органының сынамалары мен үлгілерді алуды жүзеге асыратын мамандарды, сарапшыларды тартуы;

• кеден ережелерінің бұзушылығын немесе кеден ісі саласындағы

қылмыстарды табу. КЕБ туралы істі бастауды, жүргізуді және қарауды сарапшының, маманның қатысуымен қарастырады;

• ұсталған тәркіленген тауарлармен операциялар және олардың мемлекет меншігіне жүгінуі;

• шағымдарды қарау, КЕБ туралы істерге қатысты сотта іс қарау;

• мүдделі тұлғаларда: мемлекеттік органдарда, ұйымдарда, кәсіпорын мен азаматтарда кеден практикасы бойынша арнайы білімдерді талап ететін мәселелердің пайда болуы.