Немр дамшлһд

1. Текст умштн. Медсəн амн үгəр келтн.

«Балтика» гидг гиичлүр

«Балтика» гидг гиичлүрт давхр болһнд гишң ресторанмуд, бармуд көдлнə, һанцхн цə уудг чигн салу өрə бəəнə. Туристнриг теткдг өөдəн медрлтə үс хəəчлдг, нүр-һар цеврлдг, цогц-махмуд базһдг улс көдлнə. Халун уурта бийəн уһадг орм чигн бəəнə. Асхн болһн концерт болна.

Давхр болһнд хувц-хунр уһадг, цеврлдг, ясдг туслмҗ бəəнə. Күнд аца зөөдг чигн, эмч дууддг чигн, өрүнд кергтə цагла серүлдг чигн улс өдр-сө уга нөкд болхдан белн. Эн цуг өңгəр кегддг дөң.

Энүнə деер мөңгəн орулад бас олн зүсн тус үзҗ болхмн. Эн дотр цецгə, хот-хол хорад авч ирлһн, чачр, чемода яслһн, билет хулдҗ авлһн, ямаран болвчн һəəхмҗд одлһн болн нань чигн.

2. Та түлкүрəн хорад үлдəчкҗт, үүдн хаагдҗ одв. Яһҗ, ямаран үг олзлҗ, давхрин маначиг дуудхмн, дөң сурхмн. Олзлх үгмүд: мартчкҗв, хорадан яһҗ орхмб, буйн болтха, немр түлкүр.

3. Деерк текст олзлад диалог тогтатн.

ТОЛЬ

ацан базһх батлҗ авх богд бумблв бүдлүр гемән сурх һарч ирдг хора һәәхүл давхр давшур дүңгәнә зовх манач нәәмәдлһн нүүх өңгәр өөдән медрлтә соньмсх тал дунд

- груз - массажировать - закрепить - владыка - памятник - ванна - извиниться - туалет - выставка - 1.двойной 2.этаж - лестница - возвышается - страдать - сторож - нанимать - кочевать - даром - очень образован. - интересоваться - посередине

талвң тетквр тииз тойг тосхлт тохавчта сандл тус түлкүр у уур үкүг хаһлх төр хармнх хотл балһсн цогц-махмуд цутхлң шивә чачр ясх

- площадь - обеспечение - печать - номер - строительство - кресло - помощь - ключ - просторный - пар - шкаф - тема, которую нужно раскрыть - жалеть - столица - тело - центр - крепость - навес - чинить

6. Хот уудг хора

1. Умштн.

Мана хот уудг хора

Мана институтын хот уудг хора негдгч давхрт бəəнə. Энд мадн нурһлҗ ик завсрт һарад, үдин хотан уунавидн, зəрмснь, общежитьд бəəх оютнр, өрүни чигн хотан эдлнə.

Эн касс. Кассин өөр эндрк меню бичəтə. Би энүг хəлəчкəд, шөл, хуурсн мах боднцгтаһинь болн хойр компот авхар шиидүв. Мини үр болхла шарсн заһс болн ноһамл авв. Маднд мана хот уудг хора таасгдна.

2. Эн текстд сурврмуд тəвтн.

3. Амн үгəр келтн. Деернь эврə тоолвран немтн.

4. Дора өггдсн сурврмуд болн хəрүһинь умштн.

А

1. Хот уудг хоратн хойрдгч давхрт бəəнү?	1. Уга хот уудг хорамдн негдгч давхрт бəəнə.
2. Та өрүни хотан долан часла уудвт?	2. Уга, өрүни хотан нəəмн часла уудвидн.
3. Та гертəн үдин хотан эдлдвт?	3. Уга, үдин хотан институтын хот уудг хорад эдлдвидн.
4. Та үсəр кесн хотд дуртавт?	4. Уга, би үсəр кесн хотд дургов.

Б

1. Буфет болн хот уудг хора альд бəəнə?	1. Буфет хойрдгч давхрт бəəнə, хот уудг хора болхла негдгч давхрт.
2. Үдин хотан альд эдлдвт?	2. Үдин хотан институтд, асхни хотан общежитьд эдлдвидн.
3. Үдлə ямаран хот уудвт?	3. Үдлə борщ болн шарсн мах авдв.
4. Та шарсн махнд дуртавт?	4. Э, би шарсн махнд йир дуртав.

5. Деер өггдсн сурврмуд умштн. Эврəһəрн хəрүһинь өгтн.

6. Диалог умштн.

А

- Мендвт! Эн ширə сулый?

- Э, сул. Суутн. Эн меню бəəнə, авад хəлəтн.

- Маднд хуурсн хавст, соуста заһс, ээзгə, тос болн хойр стака адамчин шүүс авад ирит, буйн болтха.

- Кофе уух болвзат?

- Уга, ханҗанавидн. Кедү күрв?

- Зун тəвн арслң болв.

- Болҗана, эн автн.

Б

- Бадм, чамд асхни хот таасгдви?

- Э. Йир амтта болн гиигн болҗ медгдв.

- Чамдан гиһəд белдлəв.

- Ханҗанав, хəəмнь минь. Чамаг хот белдхдəн əвртə гиҗ даңгин тоолдв.

В

- Байрта! Əвртə сəəхн амтта торт болһҗч! Яһҗ кевч, рецептынь келхнчн.

- Эрк биш келнəв! Энтн «Наполеон». Хойр зун тəвн грамм тос эс гиҗ маргарин, һурвн стака һуйр, һурвн зун грамм өрм кергтə. Цугинь зуурад киитрүлд тəвхмн. Дəкəд тавн əңгд хуваһад, элдəд болһхмн. Хавтха болһниг кремəр наахмн.

- Креминь яһҗ кедвч?

- Күнд биш. Һурвн зун грамм тос болн əмтəхн өткн үс зуурхмн.

- Ханҗанав. Эрк биш эврəн кенəв.

Г

- Тер күүндврəн ууратн! Хот тəвтн.

- Геснчн өлсчəнүй?

- Э.

- Халулхмб, аль көрəд уга гиҗ тоолҗанч?

- Халулхм биш, халун кевтəн бəəһə.

- Нанд болхла хот уух дурн күрчəхш.

Д

- Махнчн шатсн угай?

- Уга.

- Альков, амсҗ үзсв.

- Амстн, буйн болтха.

- Деернь бас чигн бурш болн давс нем.

З

- Нə, дурн күрсəн шүүҗ ав

- Хойр ик порц морожен болн уста үзмин шүүс авхм бəəҗ, зуг үнтə болх.

- Бичə əəһəд бə, би мөңгинь өгнəв.

7. Деер өггдсн диалогмудар дамҗад, нег-негнлəһəн күүндтн.

8. Эн үлгүрмүд умшад, тодлҗ автн.

Урна урл тоста.

Һар көндрхлə, амнчн көндрдг.