Немр дамшлһд

1. Эн сурврмудт хəрү өгтн.

Тана өрк-бүлтн ямаран? Кедү күүнəс тогтна? Эдн кедүтə? Эднə эрдм ямаран? Танд ах-дүүнр бəəнү? Эдн кенə бəəдлтə? Танд авһнр, һаһанр бəəнү? Тана өрк-бүл альд бəəнə? Тана гер ямаран? Тана геритн кен ахулна? Хот-хоолын делгүрт кен одна? Өрк-бүлтн сул цаган яһҗ давулна? Байрин өдрмүдт ю кенə? Та эврəн нурһлҗ кенəс сүв-селвг сурдвт?

2. Дора өггдсн үлгүр олзлад эврəннь өрк-бүлин тускар келҗ өгтн.

Үлгүрнь:

Мини өрк-бүл

Би 1990 (миңһн йисн зун йирдгч) җилд Хальмг Таңһчин ар үзгт бəəх бичкн селəнд төрлəв. Мини өрк-бүл ик, зурһан күүнəс тогтна, эннь: эк, эцк, ах, хойр дү көвүн болн би. Нанд эгч, дү күүкн уга. Мана гер ик биш, ода энүнд эк-эцкм болн дү көвүдм бəəнə. Урднь би чигн эднтəһəн бəəдг билəв.

Мини эцк школд көдлнə. Эн багш. Үдин хөөн көдлмшəсн ирчкəд, сул цаг бəəхлə, эн мана садт таварлад, газет-журнал умшхдан йир дурта.

Мини эк эмч. Эн бичкдүдин поликлиникд көдлнə. Эн өндр нурһта болчкад, йир сəəхн. Эн ут хар үстə, көк нүдтə. Мини эк ду дуулхдан йир дурта. Мана садт көдлхлəрн, эн даңгин хальмг улсин дуд дуулна.

Мини хамгин бичкн дү көвүн школд сурна. Эн теннис наадхдан йир дурта. Эн энҗл школан төгсəҗəнə. Эцкм энүг Москва балһснур ик сурһульд илгəх саната.

Мини хөөтк дү көвүм көгҗмин школд сурчана. Би даңгин эврəннь бичгтəн энүнə тускар, сурһулиннь тускар соньмсдв.

Мини ахм болхла Сиврт бəəнə. Эн инженер. Эн өрк-бүлтə, көвүн күүкн хойрта. Энүнə авальнь бас инженер. Эдн хоюрн электростанцд көдлнə. Күүкднь болхла бичкдүдин садт орна.

Би болхла ода Санкт-Петербургт ик сурһульд сурчанав. Дару-дарунь эк-эцктəн бичг бичəд, хəрүһинь күлəнəв. Эк-эцкм бичгтəн мана балһсна бəəдл-җирһлин тускар, шин йовдлмудын тускар бичнə. Сурһулян төгсəһəд, би эрк биш эңкр балһсндан ирəд көдлх санатав.

3. Та сул цагтан ю кедвт? Дора өггдсн үгмүд олзлад, келҗ өгтн.

көдлмшт одх, сул цаг, хаалһ, герин көдлмш, үдин, асхни хот, амрлһн

4. Эврəннь өдрин диг-дарани тускар келҗ өгтн.

ТОЛЬ

аваль авһ бергн айс алд алднд анд ар үзг асхн хот ах ахулх ач баз бөл гергн бəəдл-җирһл белг бергн давулх даңгин дацң делгүр делм дорд үзг (зүн үзг) дү җиңнүлх зе зерг илгəх көдлх саната көгҗм күлəх күлг

- первая жена (муж) - жена дяди (по отцу) - мелодия - сажень - около - названный брат - север - ужин - старший брат - прибираться - 1.внук 2. племянник - мужья сестер - двоюродные - жена - жизнь - подарок - жена старшего брата - проводить (время) - всегда - факультет - магазин - полусажень - восток - младший - звонить - внук (по дочери) - степень - присылать, отсылать - хочет работать - музыка - ждать - скакун

мартх наадх наһцх наһц эгч нурһлҗ отхн оютн өмн үзг сойл соньн сул цаг сүв-селвг таварлад төгсəх төркн төрл төрх урдаснь урднь ууһн үдин хот үй үрдүд хадм эк хадм эцк хəрд һарх худнр хурах цаһан төр болх (фразеол) эңкр эр эм эрк биш

- забывать - играть - брат матери - сестра матери - в основном - младший ребенок - студент - юг - культура - интересный - свободное время - совет - сидеть свободно - заканчивать - родители, родня (замуж.женщины) - родня - рождаться - заранее - раньше - старший ребенок - обед - поколение - дети - теща, свекровь - тесть, свекр - выходить замуж - сваты - собирать - рожать - милый, дорогой - мужчина - женщина - непременно