Немр дамшлһд

1. Тана өрк-бүлд темдглгддг байрта өдрмүдин тускар келҗ өгтн. Танад кен

гиичлҗ ирнə?

2. Хүрмин гиичнриг яһҗ тосдгин тускар келтн.

3. Тана үүрин һарсн өдр болхла, та ямаран йөрəл тəвдвт?

ТОЛЬ

асхн əрүн əрүн седклəсн бəəшң белдх боран буульх, магтх бүрүл гиих давста дамҗад дуудх дуудулх иньг керг кимд күлəх күндлх нөкд болх өмəрəн өнр

- вечер - чистый, светлый - от всего сердца - дворец - готовить - ненастье - хвалить - сумерки - переставать (о дожде) - соленый - через - звать - вызывать - друг - дело - дешевый - ждать - уважать - помогать - вперед - многодетный

сергəх сөң таньлдх тевчх темдглх тосх тоох түүҗ авх үнтə үр хамдан ханлтын үг харһх хəрх хөөн цол чиксн махн шарсн шимтə элвг

- восстанавливать, освежать (в пам.) - тост - знакомиться - терпеть, простить - отмечать - встречать - угощать - собирать - дорогой - друг - вместе - благодарность - встретиться - возвращаться домой - после - 1.звание 2. свободное время - колбаса - жареный - сочный - обильный

3. КҮҮНƏ ЧИРƏ ЗҮСН

1. Умштн.

Мини үр көвүнə дү күүкн

Өцклдүр би эврəннь үр көвүнүр гиичт одлав. Эн намаг дү күүкнлəһəн таньлдулв. Энүнə нерн Альма, эн хөрн хойрта, ахасн һурвн җил дү.

Альма мел ахиннь бəəдлтə, эн өндр нурһта, ке цогцта сəəхн күүкн. Бас эн цəəвр үстə, ик хар нүдтə, сəəхн күмсгтə болчкад, тааста инəмсглтə.

Өцклдүр Альма цаһавр өңгтə бүшмүдтə билə. Эн бүшмүд Альмад йир зокаста. Ахиннь келсəр, дү күүкнь даңгин кееһə бүшмүд болн нань чигн сəəхн хувц өмсхдəн дурта.

Ах дү хойр йир серглң болн ниич болсар, мадн əвртə гидгəр эн асхан давулувидн. Нанд мини үүрин дү күүкн йир таасгдв, энүнлə таньлдсндан би йир байрта үлдүв.

2. Эн текстд сурврмуд тəвтн.

3. Амн үгəр келтн.

4. Дора өггдсн сурврмуд болн хəрүһинь умштн.

А

1. Өцклдүр Та альд билəт?	1. Эврəннь үүрүрн гиичт одлав.
2. Эн Таниг кенлə таньлдулв?	2. Эврəннь дү күүкнлə.
3. Энүнə нерн кемб?	3. Энүнə нерн Альма.
4. Эн кедүтə?	4. Эн хөрн хойрта.
5. Эн ахиннь бəəдлтəй?	5. Э, эн йир ахан дураҗ.
6. Эн ямаран нурһта?	6. Эн өндр нурһта.
7. Энүнə үснь ямаран?	7. Энүнə үснь цəəвр.
8. Эн ямаран нүдтə?	8. Эн ик хар нүдтə.
9. Эн ямаран бүшмүд өмсҗ?	9. Альма цаһавр өңгтə бүшмүд өмсҗ.
10. Эн бүшмүднь күүкнд зокмҗтай?	10. Бүшмүд Альмад йир зокаста.
11. Альма ямаран хувц өмсхдəн дурта?	11. Эн кееһə бүшмүд болн нань чигн сəəхн хувц өмсхдəн дурта.

Б

1. Ах дү хойрас Альма ахий?	1. Уга, Альма дү.
2. Эн дунд нурһтай?	2. Уга, эн өндр нурһта.
3. Энүнə үснь харий?	3. Уга, энүнə үснь цаһавр.
4. Энүнə нүднь бор өңгтəй?	4. Уга, энүнə нүднь хар.
5. Эн хар бүшмүд өмсҗий?	5. Уга, эн цаһавр бүшмүд өмсҗ.

5. Деер өггдсн сурврмуд умштн. Эврəһəрн хəрүһинь өгтн.

6. Диалог умштн.

А

- Өцклдүр би театрт нег күүкнлə таньлдув.

- Үнəрий? Эн ямаран?

- Йир сəəхн. Эн харвр үстə болн тааста инəмсглтə.

- Энүнə нүдн ямаран?

- Нүднь? Хар болҗ медгдв.

- Эн өндр нурһтай?

- Уга, эн дунд нурһта.

- Энүнə нернь ямаран?

- Энүнə нерн Байрта.

Б

- Маңһдур мана багт шин соңсач ирхн чигн.

- Альдас медвч?

- Би энүнлə эндр хот уудг хорад таньлдув.

- Эн альдас ирҗ?

- Эн Əəдрхнəс. Өндр нурһта, ке сəəхн цогцта, ик хар нүдтə көвүн.

- Энүнə хувцнь ямаран?

- Эн бор костюмта, цаһан киилгтə билə.

- Эн сахлтай?

- Уга, энүнд сахл чигн, өргни сахл чигн уга.

7. Деер өггдсн диалогмудар дамҗад, нег-негнлəһəн күүндтн.

8. Эн үлгүрмүд умшад, тодлҗ автн.

Күүнə кеермҗ ухан, күлгин кеермҗ хурдн.

Нур дунд нуһсн сəəхн, нутг дунд номтань сəəхн.