Эмчин кабинетд

- Мендвт!

- Мендвт! Өөрдəд суутн. Юн болҗ одв?

- Толһам болн хоолм өвдҗəнə.

- Аман сектн. «А-а» гиҗ ду һарһтн! Ода болхла хувцан тəəлтн, тана зүркитн болн оошкитн соңссув.

- Буйн болтха, соңстн.

- Та ангин гидг гемəр гемтҗт. Ода эм ууһад бийəн эмнүлх кергтə. Би танд рецепт бичүлҗ өгнəв. Эндр аптект эм хулдҗ автн. Өдрт һурв дəкҗ уух кергтə.

- Ханҗанав. Сəн бəəтн.

- Сəн йовтн.

Аптект

- Эм бичүлҗ болхий?

- Танд рецепт бəəнү?

- Э, бəəнə.

- Эмтн эндр асхар долан часла белн болх. Каасст дөрвн зун хөрн арслң орултн. Чекинь нанд авч иртн, би тало өгнəв.

- Страховой компаньд өгх квитанц авч болхий?

- Боллго, паспортан өгтн болн страховой компанин неринь бичтн.

- Орсаһар эс гиҗ латин үзгəр бичхмб?

- Күнд эс болхла латин үзгəр чигн бичтн.

7. Деер өггдсн диалогмудар дамҗад, нег-негнлəһəн күүндтн.

8. Эн үлгүрмүд умшад, тодлҗ автн.

Эврəн зовлң эс эдлсн күн - күүнə зовлң меддго.

Гемин эк – бузр.

Эмч кедү сəн болвчн бийəн эмнҗ чаддго.

Немр дамшлһд

1. Текст умштн.

Университетин профилакторь

Мана университетд профилакторь гидг эмнлһнə болн амрлһна учреждень бəəнə. Энүнд оютн болһн орҗ чадҗана. Бүкл һурвн долан хонгтан өдрин туршарт һурв дəкҗ сəн шимтə хот ууһад, эмчнрт бийəн үзүлəд, зəрмснь бийəн базһулад, бас олн зүсн процедур келгүлҗ бəəнə.

Эн хойрдгч общежитин герт бəəнə, зуг үүднь талдан. Энд йир цевр болн төвкнүн, юңгад гихлə талын улс нааран ирхш, күүнə кү вахтермуд орулхш. Нааран нурһлҗ шүүврт белдх цагт оютнр орхан шунна.

2. Университетин профилакторьт ямаран эмнлһнə тетклһ авч болх?

3. Тана бəəдл-җирһлд учрсн, эмчнрлə харһсн йовдлын тускар келтн.

ТОЛЬ

аран баһлцг белкүсн бората бузр будта бурһсн модн бүдрх бүркг бөөр гем гесн гиҗг гиинх һаң дошх һуй зальгх заратрулх зүркн илх киилх киртə көвң күзүн мааҗх маңна махмуд нəəхлх нөөр оошк өскə өрч таңна тəрлһн тому

- коренной зуб, клык - кисть - поясница - ненастный - грязный - туманный - верба - спотыкаться - пасмурный - почки - 1.вина, 2.болезнь - живот - затылок - ныть - зной - скользить - ляжка - глотать - знобить - сердце - гладить - дышать - грязный - вата - шея - царапать - лоб - телосложение - раскачиваться - сон - печень - пятка - грудь - нёбо - прививка - простуда

сарул судцн тавг таша толһан экн тоха түркх үй хавсн хальтрх ханядн харан хоол хорн хумха хурһн хутхх царцх цевр цох цунцг чееҗ чигчə чилгр чиңнх шав шар бусллһн шилв шүдн шүлсн шүрвсн эвго болх эдгх эм эрг эргх

- светлый - вена - ступня - бедро - мозг - локоть - мазать - сустав - ребро - подскользнуться - кашель - зрение - горло - яд - указательный палец - размешивать - застывать - чистый - висок - душный - грудь - мизинец - ясный - слушать - рана - изжога - голень - зуб - слюни - жила - нехорошо себя чувствовать - вылечиться - лекарство - берег - кружиться