Немр дамшлһд

1. Та үр күүкəн һəəхүлд дуудхар бəəнəт. Телефоһар күүндвр тогтатн.

2. Эврəннь үүртəн җиңнүлснə тускар келтн.

3. Дора өггдсн үгмүд болн үгин ниицлһд олзлад, диалог тогтатн.

Телефона тойг, долан тооһас тогтсн тойг, тавн тооһас тогтсн тойг, телефона тойгарн сольлцх, удан эс гиҗ ахр дун, хаҗһр тойгар җиңнүлх, хəрүһинь соңсх, хəрүһинь күлəх, нег-негндəн җиңнүлх, тойгнь оңдарҗ одҗ, тойгнь сул биш.

ТОЛЬ

бачм билг гишң гөрəсн иргчдəн маңһдур мергн нег кевəр нөкəдүр оңдарх сольлцх то түүнəс даву ульг урҗ өдр хайг халу дөрх хорлтан күргх чинр эсрңдəн

- спешная, срочная - талант - подобно - сайгак - в будущем - завтра - меткий - в одном состоянии - послезавтра - изменяться - обмениваться - число - более того - назойливость - позавчера - адрес - температурить - причинять вред - значение - в будущем

11. Эмнлһнə хора

1. Текст умштн.

Би гемнҗəнəв

Амрлһна өдрəр би һаза конькиһəр дошад, киитн аһар киилн йовҗ, бийдəн гем олҗ авув гиҗ сангдна. Өцклдүр асхар бийм эвго болв. Цуг бийм заратрулад, даарулад одв. Сөөднь болхла халу дөрүв. Юм зальгхд болн киилхд күнд болв. Өрүнднь хоолм болн толһам өвдв. Тегəд көдлмштəн одлго, эмч дуудулув.

Эмч ирəд, намаг хəлəһəд, шинҗлəд, əвртə гидгəр царцҗт гиҗ медүлв. Ода көдлмштəн одлго орндан кевттн, эрк биш бичүлсн эм уутн гиҗ закв. Тиигчкəд: «Һурвн-дөрвн өдртəн бийəн эмнүлҗəһəд поликлиникт иртн, зуг эн өдрмүдт му болад бəəхлə, дəкəд намаг дуудтн», - гиҗ келв. Һурвн өдртəн эмчин өгсн эм ууһад, би көл деерəн босув.

2. Эн текстд сурврмуд тəвтн.

3. Амн үгəр келтн.

4. Дора өггдсн сурврмуд болн хəрүһинь умштн.

1. Бийтн ямаран?	1. Гемтсн бəəдлтəв. Ханядн-тому ирв.
2. Халун бəəнү?	2. Һучн долан болн тавн халутав.
3. Эмч тал одлт?	3. Уга, гер талан дуудуллав.
4. Яһҗ бийəн эмнүлҗəнт?	4. Өдрт һурв дəкҗ эм уудв, бал зуурсн халун үс ууһад, эмəр хоолан зəəлдв.

5. Деер өггдсн сурврмуд умштн. Эврəһəрн хəрүһинь өгтн.

6. Диалог умштн.

Регистратурт

- Мендвт! Би эмчүр бийəн бичүлхəр бəəнəв.

- Бичүлтн. Урднь ирлт?

- Уга, түрүн болҗ ирҗəнəв.

- Тиим болхла, карточкт бичхмн. Нерн-уснтн ямаран?

- Бадмин Дорҗв.

- Кедүдгч җилə?

- Миңһн йисн зун тəвн һурвдгч.

- Тана хайгтн ямаран?

- Ленина нертə уульнц, далн доладгч гер.

- Ямаран эмч кергтə?

- Нанд терапевт эмч кергтə.

- Болв, эн тало автн. Терапевт хойр часас авн дөрвн час күртл көдлх, арвдгч тойгта кабинет.

- Ханҗанав.