Немр дамшлһд

1. Хулдач күүг танд костюм, башмг үзүлхиг суртн. Энүнлə дора өггдсн үгмүд орулад күүндвр тогтатн.

Ода тиим хувц өмсхш, өндр давхргта һосн, сəəхн өңгтə джинс-шалвр, йоста өлг-эдəр уйгдсн хувцн, өдгə цагин хувцн, эдлврəс һарсн хувцн

2. Өдгə цагт баһчуд, медəтнр эс гиҗ дунд наста улс ямаран хувц өмсдгин тускар келтн. Үлгүрнь:

Бүшмүд (ке, асхни, эңгин), майг (ахрхн, ут, өвдгцə, уутьхн), киилг (зузан, гиигн, ахрхн ханцта, ут ханцта, торһн), күлт, девл, дубленк, махла (өлгмр, нооста), башмг (уутьхн хоңшарта, зузан улта)

ТОЛЬ

ахрхн баһчуд башмг беелə боодһа бүс бүч бүшмүд давхрг дарук девл зах зəңгвч зокх зузан кемҗəн күлт күрң майг медəтнр мөсн

- короткий - молодежь - ботинки - варежки - повязка - пояс - шнурок - платье - каблук - следующий - шуба - воротник - галстук - соответствовать - толстый - размер - пальто - коричневый - юбка - пожилые - лед

нəрхн өвдгцə өлгмр товч торһн уйх уйдл ул ультрг уутьхн хааһата хавтх ханцн хоңшар харвр харм төрхд хорма хувц уһах шалвр эрə

- тонкий - по колено - вязанный - пуговица - шелк - шить - шов - подошва - стелька - узкий - закрытый - карман - рукав - морда (у животных) - темноватый - к сожалению - подол - стирать белье - брюки - узор

9. КӨЛГН

1. Текст умштн.

Маршрутн автобусд

Эврəннь общежитяс сурһулин корпус күртл мадн арвн хойрдгч тойгта маршрутн автобусар йовнавидн. Автобус болһнд мөңг авдг күн сууна. Нег йовлһн нəəмн арслң болна.

Урд цагт Элстəр ик шар автобусмуд йовдг билə. Тегəд тиим автобуст оютнр эврəннь студенческ билетəн үзүлəд бүкл сардан йовдг шишлң билет авдг билə. Тиим билетин үннь чигн зөвəр кимд билə. Өдгə цагт өңгəр йовҗ болшго. Медəтнрт чигн тиим зөв уга. Тернь хаҗһр йовдл.

Җолач зогсалын нерəдлһинь келнə. Дарукнь мана. Мадн сурһульдан цаглань ирүвидн.

2. Эн текстд сурврмуд тəвтн.

3. Амн үгəр келтн.

4. Дора өггдсн сурврмуд болн хəрүһинь умштн.

А

1. Ямаран автобус нəəмдгч микрорайон күртл йовна?	1. Нəəмдгч микрорайон күртл негдгч, зурһадгч, арвн йисдгч, хөрдгч, хөрн негдгч автобус йовна.
2. «Бадм цецг» гидг делгүрт яһҗ күрхмб?	2. Тавдгч, хөрн зурһадгч тойгта автобусар.
3. Эн маршрутк альдаран йовҗ йовна?	3. Нəəмдгч микрорайонур.
4. Бичкдүдин поликлиникур ямаран автобус йовна?	4. Хөрдгч болн арвн йисдгч.

Б

1. Би сурһульдан йовҗ йовнав. Чи яһҗ йовнч?	1. Би болхла номин саңгур.
2. Би дарук зогсалд буухв? Чи яахвч?	2. Би цааранднь йовхв.
3. Нанд үүрмг мөңгн уга. Чамд бəəнү?	3. Нанд бəəнə.
4. Би ода бууһад, талдан автобуст суунав. Чи яахвч?	4. Би бас тиигхв.

5. Деер өггдсн сурврмуд умштн. Эврəһəрн хəрүһинь өгтн.

6. Диалог умштн.

А

- Буйн болтха, дөрвдгч микрорайнд яһҗ күрхинь келит.

- Зурһадгч эс гиҗ арвн негдгч тойгта автобуст суутн.

- Ханҗанав.

Б

- Гемəн сурҗанав, эн автобусар университетин дөрвдгч корпуст күрч болхий?

- Уга, энтн тиигəрəн йовхш. Дөрвдгч корпус тал арвн хойрдгч автобус йовна.

- Эн зогсалд ирни?

- Уга, хаалһ һатлад, тер бəəсн зогсалд күлəтн.

В

- Та дарук зогсалд буухвт?

- Уга, би түүнə хөөн буухв.

- Тиим болхла ормарн сольгдхм.

- Нə, тиигий.

Г

- Чи машиһəр аль автобусар йовхч?

- Би автобусар йовнав.

- Автобусар йовх мөңгн бəəнү?

- Үүрмг мөңгн хавтхдм уга, нег тəвн арслң өгхнчн?

- Мə, эн арвадар тəвн арслң бəəнə.

7. Деер өггдсн диалогмудар дамҗад, нег-негнлəһəн күүндтн.

8. Эн үлгүрмүд умшад, тодлҗ автн.

Аавин əмдд – кү тань, актын сəəнд – һазр тань.

Хол һазриг өөр кедг мөрн эрднь, хойр нутгиг иньг кедг күүкн эрднь.

Харңһу сөөд һазр хол, хатуч күүнд нөкд хол.