Алғашқы трамвай қай жерде жүрген?

Жер шарындағы алғашқы электр қуатымен жүретін трамвай бірінші рет Берлин көшелерінде 1881 жылы пайда болыпты. Содан бірте-бірте қаланың басқа да бөліктерімен байланысатын көлікке айналған. Сағатына 40 шақырым шапшаңдықпен қозғалатын ол бұған дейінгі 8 ат жегілген трамвайдан әлдеқайда артық еді. Сөйтіп 1902 жылы атпен жүретін осындай трамвай пайдаланудан қалды.

Зоогигиена туралы түсінік

Зоогигиена /ауылшаруашылық малдар гигиенасы/ малды дұрыс бағу, күту, азықтандыру және пайдалану арқылы олардың денсаулығын сақтап, мол өнім алуды зерттейтін ғылым саласы.

Бұл ғылым малдардың организміне әсер ететін ортаны зерттейді /атмосфераны, климатты, топырақты, судың құрамын т.б./ Ол малдың денсаулығына теріс әсерін тигізетін жағымсыз факторларды әлсіздендіруге және керісінше малдың денсаулығын күшейтуге арналған жүйелерін реттей отырып, мал басын өсіруге және жас төлдің ауырмауына ерекше назар аудара отырып, малды дұрыс суару мен азықтандыруына көп көңіл бөледі.

Зоогигиенаның ең бір аса көңіл бөлетіні малды жазда, немесе қыста ұстағанда оларды аурулардан алдын - ала сақтау шараларын зерттеу болып табылады.

Малдың өніп өсуіне және басын сақтауға, жас төлдің өсуіне жағдай жасауға зоогигиена ғылымы ерекше көңіл бөледі. Зоогигиена малдың денсаулығынан тиісті хабарлар ала отырып оларды дұрыс бағудың, күтудің, азықтандырудың арқасында олардың денсаулығын сақтау жолдарын зерттейді.

“Ветеринарлық- санитария” мамандығының ерекшелігі неде?

Санитария латынның sanіtas /денсаулық/ деген сөзінен шыққан. Сондықтан бұл ғылымға денсаулыққа қатысты мәселелер, атап айтқанда, адам мен жануарлардың тіршілік ортасы және олардың тіршілігіне қатысты барлық қажеттіліктері /азық, су, ауа, жарық, т.б./ жатады.

Ветеринария-ең маңызды мамандықтардың бірі. Дастарханға келетін мал өнімдерінің бір грамы болмасын вет-санитария дәрігерінің тексеруінсіз өтпейді. Ветеринария дәрігерлерінің жемісті еңбегінің арқасында көптеген жануарлардан адамдарға жұғатын жұқпалы аурулардан алдын-ала сақтандырылады.

Ветеринарлық- санитария дәрігері бұл мал өнімдерін өндіретін мал шаруашылығы, ет және сүт өңдейтін мекемелердің, базарлардың, ветеринарлық- санитарлық жағдайын қадағалайтын маман. Мал шаруашылығы өнімдерінің тұтынушыларға сапалы болып жетуі және тұрғындардың денінің сау болуы ветеринарлық- санитарлық дәрігердің жұмысына тікелей байланысты.

“Кедендік ветеринарлық сараптау” жұмысына маманданған ветеринарлық-санитарлық дәрігер, мал шаруашылығы өнімдерімен шикізатын тексереді.

Ветеринарлық медицина мамандығы

Бүкіл жер шары тұрғындарының денсаулығы мал дәрігерінің жұмысына байланысты, себебі көптеген жұқпалы аурулар жануарлар мен адамдарға тән. Мал дәрігерлері өз жұмысында мал мен құстардың, жабайы және зоопарк жануарларының, сонымен қатар балық, бал арасы және басқа да тірі организмдердің ауруларын анықтау, емдеу және сақтандыру жұмыстарымен айналысады. Мал дәрігері - ветеринариялық зертханаларда, клиникаларда, дәріханаларда, шаруа қожалықтарында және фермерлік шаруашылықтарда, зоопарктерде, циркте, қорықтарда, ветеринарлық ғылыми-зерттеу мекемелерінде, жоғары және орта арнайы ветеринарлық оқу орындарында, кедендік бақылау агенттігінде, ет, сүт, тері, жүн, өңдеу мекемелерінде жұмыс істей алады.