28. Сақтандыру қызметін консервациялау

Сақтандыру (қайта сақтандыру) ұйымын консервациялау уәкілетті органның шешімі бойынша сақтандыру (қайта сақтандыру) ұйымына қатысты оның қаржылық жағдайын сауықтыру және жұмыс сапасын жақсарту мақсатында әкімшілік, заңдық, қаржылық, ұйымдық-техникалық және басқа да іс-шаралар мен рәсімдер кешенін мәжбүрлеп жүргізуді білдіреді.

Сақтандыру (қайта сақтандыру) ұйымы:

1) төлем қабілеттілігі маржасының жеткілікті нормативін орындамаған;

2) заңда көзделген негіздердің кез келгені бойынша консервациялауға ұшырауы мүмкін.

Консервациялау режимін белгілеу уәкілетті органның шектеулі (бір жылға дейін) мерзімге сақтандыру (қайта сақтандыру) ұйымын басқару жөніндегі уақытша әкімшілікті тағайындауын көздейді.

Сақтандыру (қайта сақтандыру) ұйымын консервациялау сақтандыру (қайта сақтандыру) ұйымының өз қаражаты есебінен жүзеге асырылады.

Уәкілетті органның консервациялауды жүргізу туралы шешіміне сақтандыру (қайта сақтандыру) ұйымының акционерлері сот тәртібімен он күн мерзімде шағымдана алады. Аталған шешімге шағымдану сақтандыру (қайта сақтандыру) ұйымын консервациялауды тоқтата тұрмайды.

Сақтандыру (қайта сақтандыру) ұйымына консервация жүргізу туралы шешім.

Уәкілетті органның сақтандыру (қайта сақтандыру) ұйымына консервация жүргізу туралы шешімі:

1) сақтандыру (қайта сақтандыру) ұйымының атауын және оның орналасқан жерін;

2) сақтандыру (қайта сақтандыру) ұйымын консервациялау туралы шешімнің негіздемесін;

3) консервациялау әрекетінің басталуы мен мерзімін;

4) сақтандыру (қайта сақтандыру) ұйымының қызметіне қойылатын шектеулер тізбесін;

5) уақытша әкімшіліктің дербес құрамын;

6) консервациялау режимінде тұрған сақтандыру (қайта сақтандыру) ұйымының басшы қызметкерлеріне өз жұмысы туралы есепті, табысы туралы декларацияны, меншiгiнiң бар екендігі және мөлшері туралы мәліметтерді дайындау және осы құжаттарды уақытша әкiмшiлiкке беру туралы нұсқамасын;

7) уақытша әкімшіліктің ұсынымын қамтуға тиіс.

Уәкiлеттi орган сақтандыру (қайта сақтандыру) ұйымына консервация жүргізу туралы шешiмдi Қазақстан Республикасының бүкіл аумағына таратылатын мерзiмдi екі басылымда жариялайды.

29. Жинақтаушы зейнетақы қорларының қызметін лицензиялау

ЖЗҚ зейнетақы жарналарын тарту және зейнетақы төлемдерін жасау жөніндегі қызметтерді жүзеге асыруға ж/е зейнетақы активтерін басқару жөніндегі қызметті жүзеге асыруға арналған лицензиялар негізінде жүзеге асыруға құқылы.

ЖЗҚ зейнетақы жарналарын тарту және зейнетақы төлемдерін жүзеге асыру қызметін жүзеге асыру құқығына лицензия алу үшін уәкілетті органға мынадай құжаттарды:

1) Лицензия алуға арналған өтінішті;

2) жарғылық капиталдың барынша төмен мөлшерін төлегенін растайтын төлем құжаттарының (төлем тапсырмасы, кассалық кіріс ордері) көшірмесін;

3) ЖЗҚ-ның директорлар кеңесі бекіткен ішкі аудит қызметі туралы ережесін;

4) штат кестесін (ЖЗҚ-ның қызметкерлерінің тегін, аттарын, бар болса - әкесінің аттарын, атқаратын лауазымдарын көрсете отырып);

5) Зейнетақымен қамсыздандыру туралы заң талаптарына сәйкес жаңадан құрылған жинақтаушы зейнетақы қорының басшы қызметкерлеріне ұсынылатын тұлғалардың құжаттарын;

6) ЖЗҚ-ның зейнетақы қағидаларын 3 (үш) данада (қағидалардың бір данасы келісілгендігі туралы белгісі бар лицензияны берген кезде қайтарылады);

7) ЖЗҚ-ның есеп саясатын;

8) ЖЗҚ-ның ұйымдық құрылымын;

9) үй-жайдың, ұйымдық техниканың, телекоммуникациялық жабдықтың бар екендігін растайтын құжаттарды;

10) Қағидалардың нысан бойынша жинақтаушы зейнетақы қорларының автоматтандырылған ақпарат жүйесін құруға және оның қауіпсіздігін қамтамасыз етуге қойылатын талаптардың орындалуын растайтын құжаттарды.