Қорытынды

Маркетингтегі шешім қабылдау үрдісі сатып алушыға тікелей байланысты болып келеді және әр-түрлі сипаттармен сипатталуы мүмкін. Шешім қабылдау үрдісі қызмет атқару сферасына тікелей тәуелді болып келеді және осының негізінде әр түрлі формаларға бөлінеді.

Әдістемелік ұсыныстар

Оқыту әдісіекі негізгі категорияға бөлінеді: дидактикалық және интерактивті. Дидактикалық әдіс біржақты бағытта жүргізіледі және кең аудитория үшін қолданылады, мазмұның толық түрде ашады, уақыт тиянақты түрде жоспарланады, себебі аудиториядан кері байланыстын болмауы материалды түсінбеушілікке әкеліп, қосымша уақыт кетуі мүмкін.

Сұрақтар

1. Шешім қабылдау дегеніміз не?

2. Стратегиялық маркетингтегі шешім қабылдау үрдісін сипаттаңыз.

3. Өнеркәсіп саласындағы сатып алу үрдісін сипаттаңыз.

Әдебиеттер

1. Е., Хершген X. Практический маркетинг: Учеб.пособ / Пер.с нем. 2.А.М.Макарова; Под.ред.И.С.Минко. - М.:Вычш.шк.,ИНФРА-М, 1996г.

2. Немчин A.M. Основы маркетинга: Уче.пособ. - СПб.:ЛИЭИ, 2001г.

3. Котлер Ф.Основы маркетинга:Пер.с англ. - М.: Прогресс, 2002г.

Тақырып - 8 (8-жұма) жаңа тауар өндіріп шгығару стратегиясы. Жарнама, жеке сату, тура маркетинг, паблик рилейшнз.

Мақсат: Жаңа тауар өндіру үрдісін қарастырып мәнің ашу және нарықтағы орнын табу жолдарын қарастыру.Маркетинг жүйесіндегі жарнаманы сипаттау және жарнама түрлерін қарастыру

1. Жаңа тауар түсінігі және оны жоспарлау

2. Жаңа тауарды жасау процесіндегі идеяларды іздеу кезеңдері

3. Жарнама, жеке сату, өткізуді ынталандыру, тура маркетинг, паблик рилейшнз

1 Жаңа тауар түсінігі және оны жоспарлау

Жаңа тауарды өндіру үрдісін нақтылай қарастыру үшін келесі анықтамаларға назар аударылуы тиіс: жаңа тауар және инновация түсінігі; инновация құрылымы; жаңа затты бағалау критерилері: нарықтық, тауарды мінездейтін, өткізу, өнеркәсіптік. Жаңа тауарды құрудағы негізгі кезеңдер: жаңа идеялардың қалыптасуы, идеяларды таңдау, ойдағыны құрастыру және тексеру, маркетинг стратегиясын құру, өнеркәсіптік және өткізу мүмкіндіктерінің анализі, тауарды құрастыру, нарықтық жағдайында тексеру, коммерциялық өндірісті жандандыру.

Жаңа тауарды әзірлеу процессі баға саясатымен тығыз байланыста болады. Бұл үрдіс келесі түсініктермен тығыз байланыста болады: бағалық шкала әдісі; шығынның анализ әдісі; шығынсыз нүктені орналастыру; тауардың өміршеңдігі; тауардың өміршеңдік кезеңдері – құрастыру, нарықққа енгізу, өсу кезеңі, құлдырау кезеңі; тауар өміршеңдігінің барлық кезеңдерінде маркетингтік стратегияны қолданудың талаптары.

Уақыт ағымына қарай тұтынушылардың талғамы мен сұранысы өзгереді.Өнім ұзақ уақыт бойы нарықта қалауы үшін фирма тауардың ассортиментін жаңалап, тұтынушы талаптарына сай олардың сапасын жақсартып отыру қажет.

«Жаңа тауар» - бұл өнімнің мадификациясы, жаңалық енгізу және жаңартпасы.

Жаңғыртып, жетілдіру (модификациясы) – бұл тауарлар сипаттамасының сапалық немесе физикалық өзгерісі. Өнімді жаңғыртып, жетілдіруге мынадай жағдайлар жатады:

• тауардың химиялық, физикалық және функционалдық сипаттамасының ( материалдық түрі, тұтыну мерзімі, қауіпсіздігі, жайлылығы, әмбебабтылығы ) өзгеруі;

• тауардың эстетикалық сипаттамасының ( сыртқы түрі, дизайны, түсі, қорабы) өзгеруі;

• Тауардың таңбалаудағы (тауар белгісінің, символының) өзгерістер.

Жаңа енгізулер – ол фирмада бұрын қндірілмеген және сатылмаған өнім.

Инновациялық тауар – бұл нарықта бұрын болмаған, алғашқы түпнұсқадағы тауарлар. Нарыққа бірінші рет шыққан кезеңде видеокамералар, дербес компьютерлер инновациялық тауарлар есебінде болды. Инновациялық тауарларды кейде «нарықтық» жаңа тауарлар деп атайды. Жаңа тауарлардың тек 10%-ын ғана «әлемдік» деп атауға болады.

Жаңа тауарды шығару туралы шешім қабылдау күрделі болып есептеледі, алайды олар фирманың дамуына үлкен үлес қосады. Американдық Тауарлық менеджменті мен тауар жасау ассоциациясының мәліметтеріне жүгінсек, дамыған елдердегі фирма пайдасының 46%-ын жаңа тауарлар құрайды. Ал «А.С. Нильсен» фирмасының бағалау мәлеттері бойынша, жана тауарлар табыстылығының деңгейі жылдан – жылға өсіп отыр, қазір 50-60%-ға дейін жетті. Жаңа тауарларды шығару кқп шығындарды қажет етеді. Түтыну тауарларын шығаратын ірі компаниялардың бірінде 64 ұсынылған идеялардың ішіндегі жаңа тауарды енгізу шығындары шамамен 14 млн доллар құрады ( 36).

Жүйелік прцедурасын қолдана отырып, жаңа тауар енгізудегі тәуекелділікті төмендетуге болады. Батыс елдерінің ірі фирмаларында жалпы инновация процесін бағыттайтын арнайы құрылымдар құралады. «Нестле» «Джонсон  Джонсон», «Дженерал Фудз» фирмаларында жаңа тауар шығарумен айналысатын менеджмент бөлімдері бар. Кейде нақты тауарды жасау үшін немесе жаңа қызмет бағытына жауап беретін «венчурлік топтар» құрылды.