It саласы

Компьютер, теледидар, тоңазытқыш пен басқа да заманауи құралдар әрдайым сұраныста болған нарық. Сұраныс бар жерде – ұсыныс та болады. Бұл жерде тек қана импортты атап өтпей, отандық өндірушілерді де ұмытпаған жөн. Себебі, соңғы бірнеше жылда Қазақстан Айти саласындағы өз мүмкіншіліктерін арттырды. Қазіргі заманауи технология кезі бұрында қолданыста болғанына ұқсамайды, Кеңес Одағындағы жағдай қазіргісімен салыстырғанда «елес» сияқты. Себебі, 20 жылда әрбір қазақстандық үйінде тұрмыстық техниканың түр-түрін жинап үлгерді. Оның арасында ұялы байланыс пен ғаламторды ерекше атап өтсек болады.

Сарапшылар қазір сапалы өсімнен бөлек, сандық өсімін де тіркеп отыр. 2 жылдық төмендеуден кейін, биылғы өсім көзге анық түсіп отыр. Сарапшылар бүгінгі отандық тұрмыстық техника нарығын 1,5 млрд. долларға бағалап отыр. Егер компьютер, оргтехника жағын алар болсақ, мұндағы көрсеткіш 2 млрд-тан асады. Бүгінде отандық нарықта үлесі 70 пайызды құрап отырған 4 ірі ойыншы бар. Қалғаны аймақтық маңызы бар, дайын өнімдерді қала ішінде және оған қарасты елді мекендерге жеткізіп отырған ұйымдар. Сатушылар Қазақстанды сатып алу мүмкіндігі жоғары нарық деп бағалап отыр. Алайда, 16 млн. тұрғыны бар елде тұтынушының кез-келгені маңызды болатыны айдан анық.

Баға саясаты мен түрлі науқандардан бөлек, сатылымның артуына мерчиндайзинг – тауарды қажетті орнына орналастыру жүйесі әсер етіп отыр. Айта кететін жайт, тауар өндірушілері дүкен иелерімен өз өнімдерін ең тиімді жерге орналастыру жайында келіседі екен. Оған соңғылары қаржы төлеп отыруға дайын. Демек, компания қалаған өнімін сату үшін нағыз жаңа ғылымды ойлып табуда. Өнім өндірушілері басқа салада да бәсекеге түсіп отыр. Бұл жаңа өнімдер. Тұрмыстық техника шығарып отырған құрылымдар оның жаңа түрін шығару арқылы тұтынушыларды көптеп тартуда. Демек, тұтынушыларға инновациялық шешімдерді ұсынып отыру арқылы олардың көңілін жаулап алуға болады.

Инновация – бұл техника құрылысына кетіп отырған қаржының төмендеуі ғана емес. Бұл өнім түрінің ерекше болуы. Қазақстандықтар үйінде тұрған зат, сәнді әрі үйлесімді болуы үшін көп қаржы жұмсап отыруға дайын. Тұтыушылық сұраныс пен техникаға деген қызығушылықтың жоғары болуы жаңа ойыншыларды тартып отыруға жағдай жасап отыр. Көбіне Қазақстанға Италия, Жапония, Корея, Ресей, Польша мен Беларусь өз өнімдерін тасымалдап отырады. Отандық тауарлар дүкен сөрелерінде аз кездесіп жатыр. Алайда, Үкімет елдегі Айти техникасының өндірісін мықтап қолға алды. Естеріңізге сала кетсем, қазір Қазақстан радиоэлектронды өнім мен монитор, компьютер, телекоммуникация саласының құралдары мен ғылыми технологияларды шығарып келеді. Алайда, оның ауқымы көп емес. Алдағы уақытта Үкіметтің қолдауымен олардың саны артатын болады деп болжануда.

http://www.caspionet.kz

Бағдарламалардың шығaрылымы – 13.09.2011

Тапсырма: Мәтінді оқып, түсіндіріңіздер. Мәтіннен түсініксіз сөздерді теріп алып мағынасын түсіндірмелі сөздіктен қараңыздар. Үйден өздеріңіз IT саласы бойынша жаңалық тауып келіңіздер.