Первоенадесять.

Иже имут из разных стран, в Наше Царствие разных вер и ересей ученые свободных наук люди приезжати, ради каких нибудь вин, и восхощут в Нашем Царствии жити: и оных в вере разсмотрения силу даем блюстителю училищ, от Нас устроенных, и учителем и свидетельство от них даяти: и кто по их свидетельству каковыя за своя науки чести, или жалования, или достоинства годен; и тем по их свидетельству совершати: а о них же они судят, яко не суть годны в Нашем Царствии, ради в Вере Нашей развращения быти; и оных абие из Нашего Царствия, яко негодных здешняго пребывания, из Царствующаго града выслати за пределы Нашего Царствия. А без свидетельства училищ блюстителя и учителей иностраннымЪ ученым людем, в Наше Царствие приходящим, в их учениях словесных и письменных, яже имут быти восточной Нашей православной Вере и церковным преданиям противны, никому им во оном не верити, и им не согласовати, и до Нашея Царския милости и жалования таковым не допущати. И Нашего Царскаго Величества державы всяких чинов духовным и мирским людем, никому таковых у себе в домех не держати, и их никаковым образом не защищати, дабы вси знали Наше Царское в православной Вере крепкое, и за сохранением Божиим, никоим либо образом зыблемое пребывание, и тоя яко зеницы ока хранение.

Второенадесять.

Блюстителю того училища и учителем, при достойной их и подобающей чести, даем Нашим Царским повелением силу, ежебы им крепцте наблюдати, дабы от противно святыя Нашея православныя Веры мудрствующих всякаго чина людей, каковыя в Вере противности и распри и раздоры не являлися; аще же явятся, и оных блюстителю Нам Великому Государю изъявляти, и их Веры и святых Отец древняго церковнаго предания противности предлагати; Нам же с советом Святейшаго Патриарха таковым противником, или в противстве Веры и церковных преданиях подозренным со блюстителем училищ и учительми в Вере и церковных преданиях состязания весьма не давати. И не тако Божественная и Святых Отец Наших писания толкующих, якоже толкует истины и всякия веры достойный толковщик, Святая Наша восточная, Соборная и Апостольская Церковь, словес их и разсуждений никакоже приимати, и никому того никоим образом ни яве, ни тай творити, не допущати, ведяще, яко сумняйся в вере, не имать спастися, и яко благочестивая Наша православная Христианская Вера не на лестном разумении есть основана, но на проповеди самаго Творца Нашего Христа Иисуса, во Святом Его Евангелии положенной, и от святых Его Апостол учением, и Пророк прорицанием, и древних святых Отец наших толкованием утвержденная, мученическою же кровию есть запечатленна.

Творящим убо, или глаголющим православной Нашей восточной Вере и церковным преданиям противная, Нашего царствия всякаго чина иностранным и иноверным людем, зде живущим, за достоверным свидетельством блюстителя училищ и учителей, дая им во оном веру, Нашим Царским повелением запрещати и смиряти, и достойным градским судом таковых, яко хулителей Нашея восточныя святыя Веры и церковных преданий целость терзателей, без всякаго помилования судити; воеже бы всякому ведя, Наше Царское крепкое в православной Нашей Вере и в преданиях церковных утверждение, и о защищении тоя присное, усердное, крепкое промышление, никтоже когда коим либо образом восхоте оной делом и словом противен быти, и укоризну каковую той приносити.