Алтын бесік -отбасы.

Қай  заман, қай  қоғамда  болсын, адамзат  баласы  жас  ұрпақ  тәрбиесіне  зор мән  беріп  келген. Өркениет  жолында  алға  ұмтылған  ұлт  ең  алдымен, жастарға  оқу-білім  беру  ісін  дұрыс  жолға  қоюы  тиіс. Алтын бесік - отбасы болса, алтын ұя - мектеп. Иә, олардың алтынға балануы неліктен? Екеуі де қасиетті, әрі  қастерлі. Өйткені, отбасы Адамды дүниеге әкеліп, қалыптастырып, дамытып, жетілдіріп жатса, мектеп ақылы мен білімі адамзаттық құндылықтармен толысқан, жан-жақты жетілген,өз бетімен өмір сүруге бейім, қоршаған ортамен тікелей байланысқа шыға алатын, толыққанды Адам етіп тәрбиелеп шығарады.  Осы екі ортаның да  мақсаты - ортақ, міндету - біреу.

  Отбасында балаларды саналы етіп тәрбиелеуде ұлттық мақтаныш сияқты қасиеттерді де оятудың мәні бар. Себебі,  ұлттық құндылықтар - ата бабаларымыздан бізге жетіп келген салт-дәстүр: Наурыз салтанаттары, көктемде дән себу, ұлды үйлендіру, қызды тұрмысқа шығару, Отанды сүю, тағы сол сияқтыларға үндейті құрал болып есептеледі.

  Ата-бабаларымыздан халқымызға мұра болып қалған меймандостық, тазалық, адалдық және Отанды сүю сияқты қасиеттерді жастардың санасына тәлім-тәрбие барысында сіңіру, олардың болмасын халқымыздың керемет маржандарымен байыту және ұлттық құндылықтарды терең пайдалануға көңілді баса бөлу аса қажет.  Адам бойындағы Отанға адал болу сезімі тума қасиет емес. Ол - бала туылғаннан кейін сол өзі туылған отбасы мен өзі өскен ортада қалыптасатын адамгершілік қасиет. Оның қалай қалыптасатыны сол өзі өскен ортаға байланысты. Ендеше баланы адал етіп тәрбиелеу - тек ата-ананың ғана емес, қоғам-әлеуметтің міндеті.     

• Сөздік

Жас ұрпақ – молодое поколение

Өркениет – цивилизация

Ұлт – нация

Алтын бесік – золотая колыбель

Қалыптастыру – формировать

Жетілдіру – совершенствовать

Дамыту- развивать

Адамгершілік - человечность

Меймандостық - гостеприимство

Тазалық - чистота

Адалдық - честность

2. Сұрақтарға жауап беріңіз

Отбасы неге «алтын бесік» деп айтылады?

Мектеп неге «алтын ұя» аталады?

Ұлттық құндылықтар деп нені айтады?

Баланы адал етіп тәрбиелеу деген не?

Грамматика: Көп мағыналылықтың сөйлеу тілінде қолданылуы

Сөз белгілі зат, құбылыс, ұғым, түсініктердің атауы болады да, негізінде, сол бастапқы атауы мағынасында айтылады. Кейде сөйлем ішінде сөз бастапқы, тура мағынасында қолданылмай, өзге бір түсінік ретінде ауыспалы мағынада да қолданылады. Мысалы, Құрман ұстаның сегіз сиыры бар. Апай майлы төстікті отқа үйте бастады деген сөйлемдердегі сегіз, майлы деген сөздер өздерінің бастапқы тура мағыналарында қолданылған. Ал Семіздің аяғы сегіз («М. М.»), Ол үйдің дастарқаны майлы деген сөйлемдердегі сегіз, майлы деген сөздер өздерінің бастапқы мағыналарында айтылмай, ол сөздерге жаңа келтірінді, ауыспалы мағыналар жүктелген. Мұндағы сегіз деген сөз санды білдірмей, көп деген ұғымды білдіріп тұр, яғни мал семіз болса, еті көп болады деген ұғымды береді. Дастарқаны майлы дегендегі майлы деген сөз дастарқанға май жұққан, кірлеген деген ұғымды бермей, ол үйдің дастарқанының үстінде асы мол болады, яғни ол үй асты мол береді деген ұғымда айтылып тұр. Сөйтіп, сөздің зат, құбылыс, ұғым, түсінік, болмыс, амал-әрекеттерге тағылған атау түріндегі бастапқы мағынасын тypaмaғынa дейді. Ал сөз мағынасы ауыстырылып, бастапқы мағынасынан өзге мағынада қолданылса, оны сөздің кeлтipiндi немесе ayыcпaлымaғынасы дейді. Сөздің көп мағыналылығы Тілдегі бір сөз, негізінде, бір мағынаға ие болады. Әр сөзді сөйлемде өз орнына, өз мағынасында дұрыс қолдану үшін сөздің негізгі мағынасын білу өте қажет. Сөздердің мағынасы сөйлем ішінде белгілі контексте ғана айқындалады. Тілдегі сөздердің барлығы бірдей дербес ұғымды, бір мағыналы болып келмейді. Кейде бір сөздің әр сөйлемде әр түрлі сөздердің тіркесіне қарай беретін мағыналары құбылып, көп мағыналы болып та келеді. Мысалы, Жер бір тәулікте өзінің осін бір айналып шығады. Колхозшылар жер жыртуға кірісті. Олар екеуі екі жерде тұрады. Шырағым, қай жерің ауырады деген сөйлемдердегі жер сөзінің мағынасы әр сөйлемде әр түрлі болып құбылылып тұр. Бірінші сөйлемде планета ұғымында, екіншіде егіс ұғымында, үшіншіде орын деген мағынада, тертіншіде apa деген ұғымда қолданылып тұр.