Доцент Ж.Ш.Әбіш

Іскерлік әлемі. Экономикалық терминология негіздері. Сөздің дәлдігі.

Тақырыптың тірек сөздері: іскерлік әлемі, іскери қарым-қатынас, кәсіпкер, кәсіби, кәсіптік, тәуекел, әріптес, сөзжасам, айтылым, жазылым, оқылым, тыңдалым, дәлдік, негіз, ақпарат, ақпараттық жүйе, жобалау, дерекқор (деректер базасы), сараптау, жаңа технологияларды енгізу, экономикалық ақпаратты өңдеу, мамандық, мамандандыру, біліктілікті арттыру, ақпаратты сақтау мен өңдеудің осы заманғы әдістері, ұстаным, келісімшарт, көзқарас, қамтамасыз ету.

1-тапсырма. Мәтінді оқыңыз, орыс тіліне аударыңыз.

Іскерлік әлемі

Іскерлік (тапқырлық) кәсіпкердің бір-бірімен байланысты 4 қызметі арқылы сипатталады. Олар:

• кәсіпкер жер, капитал және еңбек ресурстарын өндіріс пен қызмет үдерісінде ұштастыру үшін өз тарапынан ынталылық білдіре отырып, оларды өз қолына алады;

• кәсіпкер бизнесті ұйымдастыру және жүргізу үдерісінде кәсіпорынның әрекет ету бағытын және оның тиімді жұмыс істеуін анықтайтын негізгі шешімдерді қабылдау үшін өзіне міндеттеме алады;

• кәсіпкерлер – жаңашыл коммерциялық негізде жаңа өнімдер, жаңа өндірістік технология және тіпті бизнесті ұйымдастырудың жаңа формаларын енгізуге ынтасы зор адамдар;

• кәсіпкерлер – тәуекелге бел буған адамдар.

Жоғарыда айтылғандардан шығатын қорытынды: кәсіпкер өз уақытымен, еңбегімен, тіпті өзінің іскерлік атағымен де тәуекелге барады.

Іскер адамдардың алдында жаңалық енгізудің көздерін, сондай-ақ табысқа қол жеткізу мүмкіндіктерін көрсететін өзгерістері мен белгілерін мақсатты түрде іздеп табу міндеті тұр. Сол сияқты тапқыр адамдардың жаңалық енгізудің негізінде ойдағыдай шешілген принциптерді білулері және пайдалана алулары қажет. Инновациялық шешімнің басты мақсаты – жұмсалған ресурстардан алынатын өтемді арттыру. Қазіргі экономикалық пайымдауда жаңалық – тұтынушылардың ресурстардан алынатын бағалылығы мен пайданы өзгертетін құбылыс.

2-тапсырма. Ойтүркі. Сұрақтарға жауап беріңіз.

а) Өз ісіңізді ашқыңыз келе ме?

ә) Әлдебіреудің фирма компаниясында жұмыс істей бергіңіз келе ме?

3-тапсырма. Айтыңыз.

Варианттарды таңдаңыз:	Жақсы жағы	Жаман жағы
а) егер өз ісіңізді бастасаңыз, ә) басқа фирма компанияда, бюджетте істейтін болсаңы,	............. ............	............. .............

4-тапсырма. Сұраққа жауап беріңіз.

Егер өз ісіңізді бастайтын болсаңыз, қаржыны қайдан аласыз?

Варианттарды таңдаңыз:	Жақсы жағы	Жаман жағы
а) жинаған қаржымды жұмсаймын; ә) әкемнен қаржы сұраймын; б) туысымнан қаржы сұраймын; в) достарымнан қаржы сұраймын; г) достарыммен бірігемін; ғ) демеуші (спонсор) іздеймін; д) әріптес іздеймін; е) инвестор іздеймін; ё) үйімді сатамын, вагонеткада тұра тұрамын.	............. ............. ............. ............. ............. ............. ............. ............. ............. .............	............. ............. ............. ............. ............. ............. ............. ............. ............. ............

5-тапсырма. Мәтінді оқыңыз.