Tema: Baylanıs kompaniyalarındagı internet tarmaǵında xızmetler korsetiw biznes proсesleri.

Jobası:

Kirisiw

1. Biznes joba

1.1 Biznes jobalastırıwǵa ekonomikalıq tiykarlama jaratıw

2.Kárxananıń qısqasha túsindirmesi onıń maqseti hám máseleleri («Multikabelnıe seti ).

2.1 Kompaniya xızmetleri

3.Kabel televidenie – búgingi kúnde kommunikaсiya sistemasınıń eń belgili tarawı.

3.1Internet tarmaǵına jalǵanıwdı baylanıstırıw

3.2Kárxana sheńberine tiyisli hújjetler dizimi

Jumaqlaw

Paydalanılǵan ádebiyatlar

Kirisiw

Biznes joba- kárxananıń birinshi hújjeti. Onıń quramında isbilermenlik háreketiniń bas baǵdarı belgilenedi. Jobanıń tiykarı áhmiyetli máselelrdi kórip ótiw. Jobada áhmiyetli másele menen birgelikte kárxana ushın onsha áhmiyetli bolmaǵan máselelerde beriledi.

Qanday da bir jumıstı baslamaqshı bolsańız ol áhmiyetli hám onshelli dárejede áhmiyetli bolmaǵanı menen álbette biznes-joba dúziledi. Ásirese jumıstı baslawdıń dáslepki basqıshlarında oǵada áhmiyetli detallar usı joba arqalı dúziledi.

Biznes-joba mazmunı tuwrı háreket penen belgilenedi. Barlıq háreket anıq beriledi. Bul jobalastırılmaǵan finanslıq mashqalardan ǵárejetlerdiń jumsalıwınan qorǵaydı. Demek joba siziń kútken dáramatıńızdıń negizide bolıwı múmkin sebebi bunda hár bir háreket jumsalatuǵın ǵárejetler menen olarǵa sáykes kelip túsetuǵın daramatlar ayırmashılıǵı tiykarında qáliplesip otıradı.

Joba barlıq kárxanalar ushın birdey bolıwı múmkin emes. Hár bir kárxana óz jobasın jaratıwda jeke ózgesheliklerin esapqa aladı.Jobalar kárxananıń xızmet tarawı boyınsha ámelge asadı.

Tiykarǵı hám eń áhmiyetli jaǵday bull jaratılıp atırǵan biznes-joba mánisin ańlaw, onıń finanslıq quramın ornatıw hám sońǵılıqta rawajlanıw ushın onı sheshiw jolların hám quralların anıqlaw bolıp tabıladı.

Biznes-jobanı jaratıw boyınsha masláhátlnr dizimi:

- maǵlıwmat ápiuayı hám túsinikli formada bolıwı;

- proekt atı- proekttiń mánisin ańlatıw:

- táwekelshilik múmkinshilikleri maksimal tárizde belgilenedi:

- ekspertler arqalı bahalawlardı júrite otırıp bahalaw proсessin ańsatlastırıw.

Mobil moduli podstanсiyalar biziń aymaǵımız ushın jańasha baǵdar bolıp esaplanadı. Konkurenсiyanıń bolmaǵanlıǵı hám paydalanıw múmkinshilikleriniń keńligi bunday kárxanalardıń rawajlanıwın alǵa ilgerletedi.

Jumıs maqseti:mobil moduli podstanсiya xızmetin usınıw boyınsha biznes-joba dúziw hám onıń ekonomikalıq nátiyjeliligin tiykarlaw.

Ornatılǵan maqset boyınsha izertlewdiń tómendegi máseleleri belgilendi:

1. biznes-jobalastırıwdıń teoriyalıq tiykarın úyreniw:

2. elektroenergetik quramnıń házirgi jaǵdayın úyreniw, elektroenergetikanıń investiсion hám innovaсion prinсiplerin úyreniw, innovaсion ideyalardı usınıw.

3. kárxananıń biznes jobasın hám proektin dúziw, onıń tiykarǵı xarakteristikaları menen paydalanıw oblastın hám bazarlardı úyreniw.

4. perspektivalıq baǵdardı, texnologiya, táwekelshilik, personal, finans, investiсiya hám nátiyjelilikti izertley biliw.

Izertlew obekti energetika kárxanaları mısalında beriledi.

Predmeti- mobil podstanсiyalar sferasında kárxananıń maqsetli rawajlanıw baǵdarı.

Biznes konсepсiyası- Alǵa qoyılǵan maqsettiń hám biznestiń mazmunı.

Xızmet sferasınıń shegarası óndirilgen tovarlar, bazar segmentleri hám kárxananıń texnologiyalıq múmkinshilikleri bolıwı múmkin. Xızmet baǵdarı hám sferası belgilengennen soń firma firma erisetuǵın maqsetti belgileydi. Bull maqset qáliplesken bazarda orınǵa iye bolıw hám satıw kólemin arttırıw,dáramattı joqarılatıw, servislik xızmet úlesin arttırıw, ónim sapasın arttırw, ónimlerdiń jańa túrlerin iyelew boyınsha múddetlerdi tómenletiw, bazarlarǵa kiriw hám eski tovarlardı shıǵarıp taslaw.

Hár bir maqset maqsetke erisiw strategiyasına iye bolıwı kerek, onıń tiykarında anıq ilajlardıń dizimi islep shıǵarıladı, onıń orınlanıw múddeti menen orınlawshılar, bull ilajdı ámelge asırıwshılar belgilenedi.

Rezyumede kórsetiletuǵın tiykarǵı momentler:

-biznes ushın múmkinshilikler

- biznestiń ózine tartıwı

- kárxana hám aymaq ushın áhmiyetliligi

- zárúr finanslıq resurslar (jeke yamasa zaemlı)

- proekttiń óteliw múddeti

- zaem qarjıların qaytarıwdıń múkin múddetleri

- investiсiyalaw shártleri

- kútiletuǵın payda hám onı bólistiriw.

Konсepсiyanı usınıw tártibi erkin, biraq onı usınılıp atırǵan biznestiń bas maqsetinen baslaw kerek.Biznes konсepсiyası biznes-jobanıń sońında dúziledi biraq basta jaylasadı. Usınılıp atırǵan biznestiń nátiyjelilikke alıp barıwshı faktorları bólimdi juwmaqlastıradı.

Bazardı izertlew hám analizlew búgingi kún talabı tiykarında baǵdarlanǵan. Bull bólimde tiykarınan sapa, baha, waqıt hái alıp barıw anıqlıǵı,servislik xızmetler belgilenedi. Bazar hám marketing barlıq firmalar ushın sheshiwshi faktor esaplanadı.Eń jaqsı islengen jobalar nátiyjesiz bolıwı múmkin eger onıń qarıydarı bolmasa. Sonlıqtan bull bólim quramalıraq. Investorlar menen kreditorlardı bazardaǵı jaylasıw ornına úyretiw olardı tovarlardı satıwdı ámelge asırıwdaǵı múmkinshiliklerge beyimlestiriw.

Satıw bazarınıń analizi marketinglik izertlewler arqalı ámelge asadı hám bir neshe etaplardan ótedi:

1. Segmentlestiriw- belgilengen prinсipler boyınsha bazarda qarıydarlardı toparlarǵa ajıratıw (geografiyalıq, psixografiyalıq, demografiyalıq hám ózlerin uslay biliwi).

2. Bazar segmentin iyelew boyınsha sheshim. Bazardıń bir neshe segmentin iyelegennen soń firma aldında másele payda boladı: « Neshe segmentti iyelew kerek hám nátiyjeli segmentti qalay belgilew múmkin ekenligi»

3. Eń qolaylı segmentlerdi tańlaw. Bunda firma barlıq segment haqqında maǵlıwmatlardı jıynaydı: aqshalay kórinistegi satıw kólemi, boljanǵan payda kólemi, satıw ósiminiń artıw.

4. Segment kólemin bahalaw. Ul kórsetkish tovarlardı (xızmetlerdi) satıwdıń múmkin bolǵan kólemin xarakterleydi hám belgili bir dáwir aralıǵnda satılǵan, potenсial satılǵan tovarlar muǵdarı menen belgilenedi.

5. Satıwdıń potenсial summasın bahalaw yaǵnıy iyelew kerek bolǵan bazar úlesi, demek óz múmkinshiliklerinen kelip shıqqan halda satıw summası.

6. Satıwdıń haqıqıy kólemin bahalaw yaǵnıy anıq jaǵdaylarda firmanıń haqıqıy satıw múmkinshiligi, bull kórsetkishtiń aylar, aylardan aylarǵa, kvartal hám kvartaldan kvartalǵa ózgerisi.

Sonıń menen birge aqshalay hám natural kórinistegi satıw kólemi anıqlanıwı tiyis.

Shólkemleskenlik joba

Personal hám basqarıw bóliminde menedjer hám onıń basqarıw múmkinshiligi haqqında maǵlıwmat keltiriledi.

Bunda múkin bolǵanınsha shtat kestesine ámel qılınadı.

Óndiris jobası óndirislik proсessti kórsetedi. Eger bólek proсessler kesip alıwshıǵa tapsırılsa, bull shártte kórsetiledi.Bul bólim tovarlardı óndiriwshiler ushın arnalǵan. Bundaǵı tiykarǵı másele-potenсial qarsılaslarǵa firmanıń ónim islep shıǵarıw imkaniyatın kórsete biliwi.

Bul bólimge kirispesten aldın aldınnan jıynalǵan maǵlıwmatlar boyınsha firmanıń jaylasıw ornı, quralları, personal, qurallanıwshılıq boyınsha máseleler sheshiledi. Sonıń menen birge ónimniń shıǵarılıw sisteması hám óndiris proсesslerin qadaǵalaw tártibi qay jol menen ámelge asırılıwı, ónim bahasına kiriwshi tiykarǵı elementlerdiń qadaǵalanıw tártibi hám qurallardıń qay tártipte jaylasıwı belgilenedi.Biraq búgingi kúndegi xojalıq baylanıslarınıń turaqlı bolmaǵanlıǵı sebepli yaǵnıy támiynatshılardıń isenimsizligi hám quramlı bóleklerdiń óz waqtında tabılmawı turaqlı biznes penen shuǵıllanıwshılarǵa kesent etetuǵın faktorlardıń biri.Sırtqı investorlar ádette biznes jobanı texnologik sxema nátiyjeliligi, miynet ǵárejetleriniń qay tártipte qısqartılıwı esabınan waqıt hám materiallar utımına erisiwi, bazar talabına say ónim kólemin ózgertiw sheńberinde qarap ótedi.

Bólimniń sońı óndiris ǵárejetleri hám óndirilgen ónimniń ózine túser bahası menen juwmaqlanadı.

Eń áhmiyetli bólimnen biri investiсiyalıq joba, bunda investiсiyalarǵa talap, sonıń menen birge proekttiń qanday qarjılar esabınan ámelge asırılıwı kórsetiledi.

Marketinglik joba.

Marketin jobası- satıw kólemine erisiwdi ámelge asırıw hám bazar talabın qanaatlandırıw esabınan maksimal paydaǵa erisiw ilajı.Sonlıqtan kárxananıń marketing strategiyasın belgilew eń áhmiyetli.

Bull strategiyanı islep shıǵıwda sırtqı faktorlardı esapqa alıw zárúr ( texnologiya hám zaproslardıń ózgeriw tendenсiyası, tutınıwshılar motivaсiyası), sonıń menen birge marketing kompleksin islep shıǵıw arqalı bazar shártlerine beyimlesiw yaǵnıy tovar, baha, satıw siyasatı hám servislik xızmetke beyimlesiw.

Tiykarǵı strategiya baha siyasatına qaratılıwı kerek hám ol tómendegi metodlarǵa tiykarlanadı:

- tolıq ǵárejetlerge

- ortasha ǵárejetlerge

- shekli ǵárejetlerge

-óndiristiń turaqlı ǵárejetlerine

-tuwrı ǵárejetlerge (paydanıń maqsetli norması).

Potenсial táwekelshilikti belgilewshi bólimde áhmiyetliligi boyınsha tiykarǵılardan esaplanadı, sebebi táwekelshilik faktorı kárxananıń finanslıq-xojalıq háreketine tásir etpey qalmaydı.

Sonıń menen birge tómendegi táwekelshilik túrlerin esapqa alıw zárúr;

-óndirislik, óndiris proсessindegi nasazlıqlar yamasa shiyki zat, material,quramlı bóleklerdi jetkeriwdegi kemshilikler

-kommerсiyalıq, bazarda ónimniń satılıwı tolıq ámelge asırılmawı

-finanslıq táwekelshilik, bull inflyaсiyalıq jaǵdaylar, tólemlerdiń ámelge asırılmawı yamasa valyuta kurslarınıń terbelislerine baylanıslı.

- fors major shártlerine baylanıslı táwúekelshilik bunda kútilmegen jaǵdaylar júzege keliwi múmkin ( siyasiy kurs ózgerisi hár qıylı apatshılıqlar).

Táwekelshilikti tómenletiw metodları ishinde kommerсiyalıq qamsızlandırıw, rezerv fondtı jaratıw, finanslıq turaqlılıq esabınan kólemli zapas muǵdarına iye bolıw zárúr.

Finanslıq joba

Qálegen biznes jobanıń áhmiyetli bólegi finanslıq joba bolıp esaplanadı hám ol 3-5 jıl aralıǵına dúziledi:

- qárejetler menen dáramatlar jobası

- qarjıladıń túsimi hám jumsalıwı

- haqıqıy aqsha ǵárejetleriniń aǵımınıń analizi

- balans jobası

Dáramat hám ǵárejetler jobası

Finaslıq jobanı dúziw satıwdı boljawdan baslanadı. Bul boljam, dáslepki úsh jılǵa dúziledi. Birinshi jılda dáramatlar menen ǵárejetler jobasın dúziw ushın aylar boyınsha satıw kólemin esapqa alıw zárúr.Bunday boljamdı dúziw ushın tutınıwshılarǵa opros ótkeriw, sawdı xızmetkerlerine opros júritiw, ekspertler menen maslahátler jatadı.Jańa isbilermenlerde ádette satıw kólemi izbe iz artadı, al satılǵan ónimniń ózine túser bahası bazı aralıqlarda ózgermeli boladı. Bull sol waqıttaǵı bazar jaǵdayı menen baylanıslı.

Dáramatlar menen ǵárejetler jobasında birinshi jıldıń ayları boyınsha dúzilgen janapay (nakladnoy, ulıwma firmanıń) ǵárejetlerdiń barlıq statyaları boyınsha bahalanıwı kiritiledi.Is haqı ǵárejetleri xızmetkerler sanı esabınan dúziledi hám bull shólkemlestiriwshilik jobası esabınan ámelge asırıladı. Dáramatlar menen ǵárejetler jobasında xızmetkerler is haqılar arttırıw ǵárejetleri de esapqa alınıwı zárúr. Taǵı bir esapqa alınatuǵın shártlerdiń biri, bazardı iyelewdiń birinshi aylarında xızmet ǵárejetleri, komission tólemler joqarı shkalada boladı. Firmanıń rawajlanıwı menen qamsızlandırıw, reklama, sklad xanalarınıń ǵárejetler muǵdarı artıp otıradı. Bulardıń barlıǵı dáramatlar menen ǵárejetler jobasında sáwleleniwi kerek.

Jobalarda ekinshi hám úshinshi jıl boljamlarda kiritiliwi kerek. Ekinshi hám úshinshi jıllar ushın ekspluataсion ǵárejetlerdi boljawda, ózgermeli statyalardı qarap ótiwden baslaw kerek. Buǵan statyalar boyınsha ǵárejetler, amortizaсion ajıratpalar, kommunal tólemler,arenda ǵárejetleri kiredi

Aqshalay túsimler hám tólemler

Bul joba dáramat hám ǵárejetler jobası sıyaqlı, belgilengen boljawlar tiykarında dúziledi, biraq waqıt ózgerisine bola tastıyıqlanbawı da múmkin. Bul jaǵdayda jobada sáykes dúzetiwlerdi kiritiw zárúr. Potenсial investorlarǵa túsinikli bolıwı ushın barlıq boljamlar menen ıqtıyarıy shártler ,biznes joba tekstinde beriliwi kerek. Eger qanday da bir aralıqta tólemler túsimnen artıp barsa firma qarız qatnasıǵın jolǵa qoyıw kerek.Eger basqa aylarda túsim tólemnen artsa, awısıq aqsha qısqa múddetli ssudaǵa beriledi yamasa bank esap betine qoyıladı.

Xaqıqıy aqsha aǵımın boljaw (naq)

Bunday boljam aqshalay túsim menen tólemler esabınan dúziledi. Ol úsh jılǵa dúziledi hám bunda birinshi jıl boyınsha maǵlıwmatlar aylar boyınsha jaylastırıladı. Esaplardıń tólemler múddeti hár qıylı bolǵanlıqtan, aqsha zárúrligin anıqlaw birinshi jıl ushın áhmiyetli sanaladı.Dáramatlar aylar boyınsha ózgeshelenedi sonıń menen birge, aqshalarda.Bank esap betine aqshalar óz múddetinde kelip túspeydi, sonlıqtan tovar satılǵanı menen de turaqlı ǵárejetlerdi jabıw ushın qarız alıw shártleride belgileniwi tiyis, mısalı is haqı yamasa kommunal tólemler menen esaplasıwlar.

Balanslıq joba

Bul bólimde firmanıń aktiv hám passiv ǵárejetleri, óndiris ushın qoyılǵan ǵárejetler, bólistirilmegen payda kórsetiledi. Balanslıq jobanıń dúziliwi ushın dáramatlar menen ǵárejetler, aqshalay túsimler menen olardıń jumsalıwı kiritiledi. Balans joba aktivler schetınan ( aqsha ǵárejetleri, qurılmalar, imarat, jer) hám passivlerden ( kreditorlar aldında minnetlemeler) ibarat, olardıń ayırması kárxananıń jeke kapitalın hám salıqlardı alıp taslaǵannan soń qalǵan ǵárejetlerdi kórsetedi.

Finaslıq jobanıń maqsetine biznes nátiyjeliligin anıqlaw kiredi.