§ 7. Sorawlardí dúziw

MB ǵa kiriw ushın Zapros (soraw) dan paydalanıladı. Bul proсess MB aynasınıń Zapros (soraw) bóliminde jaratıw túymesin shertiw menen baslanadı hám ekranda dialog aynası payda bolıp, onda MB ǵa kiriw ushın Zapros (soraw) dúziwdiń bir qatar usılların usınıs etedi.

Konstruktor - jańa sorawlar dúziw .

Prostoy zapros (ápiwayı soraw)-anıq maydanshalardı tańlap alıw jolı menen soraw dúziw.

Perekrestnıy zapros (kesilisken soraw) - MB da bar bolǵan bir neshshe tabliсa hám sorawlardı aljastırmastan jańa sorawlar jaratıw.

Povtoryayushiesya zapisi (tákirarlanıwshı jazıwlar)-tabliсada yamasa sorawlarda tákirarlanıwshı jazıwlardı izlep tabıw ushın sorawlar dúziw.

Zapisi bez podchinennıx (boysınıwshı jazıwları bolmaǵan)-aǵımdaǵı tabliсaǵa sáykes kelmeytuǵın jazıwlardı izlep tabıw ushın sorawlar dúziw.

Atap aytqanda, Zapros (soraw) járdeminde tiykarǵı MB dan nátiyjeli tabliсanı jaratıw hám onı qayta islew múmkinshiligi payda boladı. Zapros (soraw) menen islegende maǵlıwmatlardı saralaw (filtrden ótkiziw), jıynaw, ajratıw hám ózgerttiriw múmkin. Biraq bul ámel hár waqıtta orınlaǵanda, tiykarǵı MB da hesh qanday ózgeris bolmaydı. Bunnan tısqarı, Zapros (soraw) járdeminde nátiyjelerdi esaplaw, orta arifmetikalıq mánisti tabıw, qosındı payda etiw yamasa bir maydansha ústinde matematikalıq ámellerdi orınlaw múmkin.

7.1. Maǵlıwmatlar bazasında ajratıw ushın soraw

Zapros (soraw) payda etiwdiń túrleri kóp. Biraq eń kóp qollanatuǵın Zapros na «vıborku» (tańlawdı jaratıwshı soraw). Access de Zapros (soraw) dı beriwdiń úsh usılı boladı: avtomatikalıq túrde, qolda hám usta (master) járdeminde.

Z apros (soraw) jaratıw ushın ayrıqsha SQL tili bar, biraq bul tilde islew bir qansha quramalı, sonıń ushın Access de ayrıqsha Úlgili soraw blankası dúzilgen. Bunda Zapros (soraw) elementlerin aynalar aralıq tasıw arqalı ámelge asırıw múmkin. MB da Zapros (soraw) menen kiriw Sozdat (dúziw )túymesin shertiw menen ámelge asırıladı. Onıń dialog aynası Novıy zapros (jańa soraw) dep ataladı. Onda Konstruktor tártibinde is júritiledi. Sonda MB dúzilmesinen kerekli tabliсa hám onıń maydanshaları Zapros (soraw) boyınsha tańlanadı. Tabliсa tańlaw Dobavlenie tabliс (tabliсa qosıw) dialog aynası payda boladı. Bunda MB daǵı barlıq tabliсalar dizimi bar. Ajratılǵan tabliсalar blankasınıń joqarǵı bólegine Dobavit (qosıw) túymesin shertiw menen ámelge asırıladı.

7.2. Úlgili soraw blankasın toltırıw

Úlgili blanka eki panelden turadı. Joqarǵı bóleginde Zapros (soraw)ǵa tiykarlanǵan tabliсalar dizimi dúzilgen. Tómengi bóleginde bolsa Zapros (soraw) dúzilmesi boyınsha dúziletuǵın nátiyjeli tabliсa óz sáwleleniwin tapqan. Blankanıń maydansha jazılatuǵın betinde tabliсadan kerekli maydansha atları ajratılıp ótkiziledi. Tabliсa atı kerekli qatarǵa maydanshalardı kóshiriw proсessinde avtomatikalıq túrde jazıladı (9-súwret).

Sortirovka (saralaw) degen qatarda mısh túymesi basılsa, bir maydandaǵı maǵlıwmatlar saralanadı. Zapros (soraw) blankada Usloviya otbora (tańlaw shárti) qatarı bar bolıp, onda nátiyjeli tabliсanı qanaatlandıratuǵın shárt jaylasqan boladı. Zapros (soraw) Vid (kórinis) túymesin shertiw menen nátiyjeli tabliсa payda boladı. Nátiyjeli tabliсadan shıǵıw ushın Vid (kórinis) túymesin jáne bir márte shertiw kerek.