1.«Қазақстанның қазіргі заманғы тарихы» пәні қоғамдық тарихи сананы қалыптастырудағы маңызын айшықтаңыз.

«Қазақстанның қазіргі заманғы тарихы» пәнінің мазмұны-Қазақстан Республикасының мемлекеттік тәуелсіздік алуына орай өткенді жан-жақты және объективті зерттеу, негізгі міндеттері халықтың тарихи жадын жаңғырту, ұлттық сананы және азаматтық бірлікті насихаттау, жастарды отансүйгіштік пен толеранттық рухта тәрбиелеу болып табылады.Мемлекеттің біртұтас сиаптын көрсету, қоғамдық сананы қалыптастыру, ұлттық идеология, азаматтардың жасампаздық белсенділігін дамыту, елдің зияткерлік әлеуетін көтеру осы пән шеңберінде жүзеге асады. Қазақстанның қазіргі заманғы тарихының көп қырлылығы мен тарихи маңызы сонда, бұл пән қазақстандық біртұтастықты орнықтырушы, Мәңгілік ел құруды ғасырлар бойы армандаған халқымыздың өршіл рухының идеялық негізі. Осыған байланысты ол мемлекеттік маңызы бар оқу пәні болып табылады.

«Қазақстанның қазіргі заманғы тарихы» пәнінің мақсаты- бүгінгі Ұлы Дала елі аумағындағы тарихи үдерістің бастаулары, негізгі кезеңдері мен ерекшеліктері туралы объективті мағлұмат беру; Қазақстанда тәуелсіз мемлекеттіліктің қалыптасуы мен дамуы, рухани мәдениет, этногенез сабақтастығы мәселелеріне студент назарын бағыттау; студенттерге тарихтың іргелі мәселелерінің мәнін жеткізу; тарихи танымның ғылыми әдістерін пайдалануға студенттерді үйрету және олардың ғылыми көзқарасы мен азаматтық ұстанымын қалыптастыру.

«Қазақстанның қазіргі заманғы тарихы» пәнін оқу барысында студент төмендегідей құзыреттіліктерді меңгереді:

- өткен тарихи оқиғалар мен көріністерді сыни талдау, ретроспективті, салыстырмалы-тарихи және де басқа да ғылыми зерттеу әдістері негізінде оларды адамзаттың әлемдік-тарихи дамуымен байланыстыра көрсетуге дағдылану;

- әлемдік және еуразиялық тарихи үдерістер бастауларында тәуелсіз Қазақстан мемлекетінің қалыптасу алғышарттарын,кезеңдері мен олардың тарихи негіздерін білу;

- қазақстандық даму үлгісінің өзіндік басымдылықтарын, ерекшеліктері мен маңыздарын шынайы және жан-жақты ескеру;

- күрделі тарихи үдерістерді, құбылыстарды және қазіргі Қазақстанның тарихи тұлғаларының қызметін оқытуда аналитикалық және аксиологиялық талдаулар жасау дағдысын меңгеру.

Қазақстанның қазіргі заманғы тарихы қоғамдық сананың орынды әрі жарасымды ұштастырылуының, жеке мүдде мен ұжымның еркін есепке алудың және келісудің бірте-бірте жүріп жатқан игі үдерісін айқындайды.

Қоғамдық сана қоғамдық өмірдің барлық саласын қамтитын алуан түрлі рухани құбылыстардың жиынтығы болып табылады.Қоғамдық сананың негізгі формалары-мораль,өнер,дін, философия,ғылым,саясат,құқық.Қоғамдық сана,бір жағынан, материалдық-экономикалық өмірдің ықпалымен қалыптасады.Екінші жағынан,азаматтардың дайындығына сәйкес келетін кемел қоғамдық сана болған кезде саяси және экономикалық өзгерістер неғұрлым сәтті болады.Дәлірек айтқанда,қоғамдық сана прогресшіл үрдістер мен әлеуметтік мүмкіндіктерді іске асыру үшін өзге бір өріс жасауға қабілетті.

Қазақстанның қазіргі заманғы тарихы нарықтық экономикаға негізделген тәуелсіз мемлекет құруды,жаңа саяси жүйені қалыптастыруды қамтиды.Қысқа кезең ішінде елде қоғамдық жүйе ауысты,жаңа мемлекеттік басқару нысаны дүниеге келіп,қалыптасты,жаңа әлеуметтік құрылым,әлеуметтік топ жасақталды,құрылымдық экономикалық реформалар жүзеге асырылды.Он бес жыл бойына экономиканың құлдырауы,90-жылдардың алғашқы жартысы мен орта тұсындағы экономикалық дағдарыс өз мәресіне жетіп,бірте-бірте одан шығу қадамдары жасалды.2000-2006 жылдары нық сеніммен тиянақты және тұрақты экономикалық өсуге қадам басу басталды.Қазақстан Республикасының халықаралық қатынастар жүйесінің толық құқылы субъектісі ретінде орнығуы және басқа да бірқатар сапалық жаңа құбылыстар Қазақстан қоғамының келбетін түгелдей өзгертті.Тарихтың бұл кезеңі елді,қоғамды және Қазақстан халқын түбірімен өзгерткен түбегейлі реформаларды,әлеуметтік қайта құруларды қамтиды.

Сонымен, қоғамдық сананың екі өлшемі – этникалық сана мен әлеуметтік- саяси сана – қазақстандықтардың қаралып отырған тарихи кезеңдегі дүниетанымының және құндылықтары жүйесі түрленуінің мәні мен бағытын айқындады. Қоғамдық сананың қарама-қайшылықтарын еңсеру үшін барлық этностар мен әлеуметтік жіктерді біртұтас Қазақстан халқына топтастыра алатын жалпықазақстандық ұлттық идеяның тұжырымдамалық негіздерін әзілеу міндеті тұрды.

Тарих ғылымының болашағын ойласақ, оны әдістемелік жағынан қайтадан жарақтандыру керектігі бірден көзге түседі, бұл үшін әлемдік тарихнаманың әдістері мен амалдарын кеңінен пайдалану қажет. Проблемалық, суреттеп жазу, салыстырмалы, құрылымдық, феноменологиялық, идеографиялық әдістерді, тарихи және сыни тұрғыдан талдауды, аналогиялық тәсілді, т.б. әдіс-амалдарды қолдану-тарихтың түйіңді тұстарына аса бай фактологиялық материалдарды шоғырландыруға жағдай туғызып, белгілі деген тарихи жағдаяттардың өзін жаңаша талдап-түсіндіруге мүмкіндік берер еді, сөйтіп зерттеу жұмыстарына соны серпін туғызар еді.

Тарих ғылымы нақты тарихи жағдайды саралау әдісін колдана отырып, тарихи фактілерді зерттеліп отырған уақыттың көзімен талдап бағалауға ұмтылуы керек. Өткен заман оқиғаларын баяндағанда, тек елдің саяси тарихын, мандай алды саясаткерлердің қызметін әңгімелеумен ғана шектеліп қалмай, сонымен бірге рухани және материалдық мәдениет тарихын барша болмыс-бітімімен толық зерттеген дұрыс. Бұл ретте бұрынғы ұғымдық аппаратты жаңғырту, ескірген әсіре идеологиялық терминологиядан бас тарту қажет.Қазіргі Қазақстанның тарихы ғылымы алдында мынадай міндеттер тұр:

— Тарихи ілім-білімнің үзіктігі мен біржақтылығынан мүмкіндігінше арыла отырып, өткен тарихымыздың шынайы бейнесін жасау;

— Кеңес дәуіріндегі Қазақстан тарихын қайта пайымдау;

— Еліміздің осы заманғы тарихының толғақты мәселелерін зерттеуді күшейту;

— Қазақ диаспораларының тарихын зерделеу;