Автомобильдердің сенімділігі мен оның талдауы
туралы ақпарат
Пайдаланудағы автомобильдердің сенімділігі туралы ақпаратты жинау мен өңдеу автомобиль конструкциясын жетілдіруге, оларды дайындау технологияларына, пайдалану мен жөндеу ережелері мен әдістеріне қажетті мәліметтерді алу үшін; өнімді аттестаттау мен сенімділік көрсеткіштерінің бақылауын жасайды.
Автомобильдердің сенімділігі туралы ақпаратты жинау және өңдеу міндеттері: бұйымның сенімділігін төмендететін конструктивті және технологиялық кемшіліктерді, сондай-ақ пайдалану мен жөндеуді ұйымдастырудағы жетіспеушіліктерді анықтау; бұйымның сенімділігін шектеуші элементтер мен құрамдас бөліктерін белгілеу; істен шығу критерийлерін, шекті күйлерін және қосалқы бөлшектер шығыны шамасын анықтау; бұйымның сенімділігін арттырудағы тиімді іс-шараларды бағалау.
Автомобильдің сенімділігі туралы ақпаратты жинау және өңдеуді салалық нормативті-техникалық құжаттардың (НТҚ) талаптарына сай жасап, осы саладағы ақпаратты жинау мен өңдеу жүйесінің құрылымын; ақпаратты бақылау мен өңдеуді жоспарлау әдісін, көрсеткіштер мәнін анықтайтын (жинақталған ақпараттардың дұрыстығы), ақпаратты жинау сенімділігін; бұйымдардың түрлерін бақылау бағдарламаларының талаптарын; ақпаратты жинау мен өңдеуді техникалық қамтамасыз етуін; іс-шаралар дайындаудағы тәртіп, кәсіпорындардағы және салалық ұйымдардағы ақпараттарды тиімді пайдалануды бағалауын; ақпарат алмасу мен беру ережелерін; жұмысты автоматтандыру тәсілдерін бекітеді.
Ақпаратты жинау мен өңдеу жүйесі бір сала аясында немесе бірнеше салалар арасында ұйымдастырылуы мүмкін. Ақпаратты жинау мен өңдеу жүйесін ұйымдастыру үшін басты ұйымдар министрлікпен (мекемелермен) белгіленеді, олардың алдында келесі негізгі міндеттер тұр: ақпаратты жинау мен өңдеу жүйесі құрылымын әзірлеу; ақпаратты жинау мен өңдеу кезіндегі белгіленген талаптарға сай НТҚ әзірлеу; ақпаратты бақылау мен өңдеуді жоспарлау міндеттерінің шешімдері кезінде ғылыми-әдістемелік басқару; жүйені енгізуде бақылау жасау; бұйымның сенімділігі туралы деректер қорын жүргізу.
Сала аясындағы жүйені ұйымдастыру кезінде басты ұйым министрлік (мекемелік) бұйрық бойынша жобаны әзірлейді, ол осы техника жайлы ақпарат жинау мен өңдеуге жауапты базалық ұйымдардың (техника түрлері бойынша) құрамын, сонымен бірге барлық жүйенің құқықтық және заңды жауапкершілігін анықтайды. Ақпаратты бұйымды ұйымдастырушы-әзірлеушілердің, кәсіпорын-дайындаушылардың, пайдаланушы және жөндеу ұйымдарының қатысуымен жинайды және өңдейді.
Бұйымды ұйымдастырушы-әзірлеушілер: бұйымдардың тәжірибелі үлгілерінің сенімділігі туралы ақпаратты жинау мен өңдеуді; бұйымдардың істен шығу себебі мен шекті күйлерінің талдауын; жөндеуші, пайдаланушы ұйымдар мен кәсіпорын-дайындаушылар дан келетін бұйымдардың сенімділігі туралы ақпаратты өңдеу; қорытынды ақпараттың деректер ауқымын қалыптастыруды жүзеге асырады. Қорытынды ақпаратты басты ұйымға ақпаратты жинау мен өңдеу бойынша есеп кезеңіндегі бұйымның сенімділігі туралы жалпыланған мәліметтерден тұратын қорытынды құжаттар түрінде мерзімді бағыттап отырады (есеп беру, қорытынды ақпараттың жиынтық түрі және т.б.)
Бұйымды кәсіпорын-дайындаушылар сериялы дайындалған өнімнің сенімділігі туралы алғашқы ақпаратты жинау мен өңдеуді және кепілдік мерзім кезеңіндегі бұйымның істен шығу себептерінің талдауларын жасайды. Пайдаланушы және жөндеуші ұйымдар бұйымның сенімділігі туралы алғашқы ақпаратты жинайды (пайдаланудың кепілдік мерзімінен кейін).
Пайдаланымдағы [16] бұйымның сенімділігі туралы ақпаратты жинау мен өңдеудің әдістемелік нұсқауы типтік сұлбасын ұсынады (1.1-сурет).
Нақты бұйымдарды бақылау бағдарламалары ақпаратты жинау мен өңдеуді техникалық міндеттерге сәйкес жасайды.
Жалпы жағдайда бақылау бағдарламалары келесілерді анықтайды: ақпаратты жинау мен өңдеудің мақсаты мен міндеттерін; бақылаудағы бұйымдардың тізімін; бұйымдардың санын; бақыланатын бұйымдардың ұзақтығын; ақпарат жинайтын номенклатура көрсеткіштерін; жұмыстарды зерттеу мен орындау кезеңінің мерзімділігін; ақпаратты жинау орындарының саны мен аумақтық орналасуын; ақпаратты жинау мен өңдеу әдістері талаптарын; сондай-ақ сыртқы қоздырушы факторлар мен пайдалану режимдерінің әсері есебінің әдісін; жалпы алғашқы ақпараттардың мерзімділігін, қорытынды мәліметтерді дайындау мен оларға қызығушылық танытқан ұйымдар мен кәсіпорындарға жіберу; есеп берушіліктің мерзімділігі мен формалары; ақпарат келіп түсетін және жинақталған, өңделген мәліметтерді бағыттайтын кәсіпорындар мен ұйымдардың тізімін.
