10. Сад̇д̇асамат̇анаанад̇т̇аад̣̇и

354. саммукаавинаяод̇и ваа сад̇ивинаяод̇и ваа – имз д̇хаммаа наанад̇т̇аа наанааб̣яан̃ж̇анаа уд̣̇ааху згад̇т̇аа б̣яан̃ж̇анамзва наанам̣? саммукаавинаяод̇и ваа амуул̣хавинаяод̇и ваа…бз… саммукаавинаяод̇и ваа бадин̃н̃аад̇агаран̣анд̇и ваа… саммукаавинаяод̇и ваа язбхуяяасигаад̇и ваа… саммукаавинаяод̇и ваа д̇ассабаабияасигаад̇и ваа… саммукаавинаяод̇и ваа д̇ин̣авад̇т̇аарагод̇и ваа – имз д̇хаммаа наанад̇т̇аа наанааб̣яан̃ж̇анаа уд̣̇ааху згад̇т̇аа б̣яан̃ж̇анамзва наанам̣? саммукаавинаяод̇и ваа сад̇ивинаяод̇и ваа – имз д̇хаммаа наанад̇т̇аа жзва наанааб̣яан̃ж̇анаа жа. саммукаавинаяод̇и ваа амуул̣хавинаяод̇и ваа…бз… саммукаавинаяод̇и ваа бадин̃н̃аад̇агаран̣анд̇и ваа… саммукаавинаяод̇и ваа язбхуяяасигаад̇и ваа… саммукаавинаяод̇и ваа д̇ассабаабияасигаад̇и ваа… саммукаавинаяод̇и ваа д̇ин̣авад̇т̇аарагод̇и ваа – имз д̇хаммаа наанад̇т̇аа жзва наанаа б̣яан̃ж̇анаа жа.

355. [жуул̣ава. 224] виваад̣̇о виваад̣̇аад̇хигаран̣ам̣, виваад̣̇о но ад̇хигаран̣ам̣, ад̇хигаран̣ам̣ но виваад̣̇о, ад̇хигаран̣ан̃жзва виваад̣̇о жа? сияаа виваад̣̇о виваад̣̇аад̇хигаран̣ам̣, сияаа виваад̣̇о но ад̇хигаран̣ам̣, сияаа ад̇хигаран̣ам̣ но виваад̣̇о, сияаа ад̇хигаран̣ан̃жзва виваад̣̇о жа.

д̇ад̇т̇а гад̇амо виваад̣̇о виваад̣̇аад̇хигаран̣ам̣? ид̇ха бхигкуу вивад̣̇анд̇и д̇хаммод̇и ваа ад̇хаммод̇и ваа…бз… д̣̇удтуллаа аабад̇д̇ийд̇и ваа ад̣̇удтуллаа аабад̇д̇ийд̇и ваа. яам̣ д̇ад̇т̇а бхан̣д̣анам̣, галахо, виг̇г̇ахо, виваад̣̇о, наанааваад̣̇о, ан̃н̃ат̇ааваад̣̇о, вибажжад̇ааяа вохааро, мзд̇хагам̣ – аяам̣ виваад̣̇о виваад̣̇аад̇хигаран̣ам̣.

д̇ад̇т̇а гад̇амо виваад̣̇о но ад̇хигаран̣ам̣? маад̇ааби буд̇д̇зна вивад̣̇ад̇и, буд̇д̇оби маад̇араа вивад̣̇ад̇и, бид̇ааби буд̇д̇зна вивад̣̇ад̇и, буд̇д̇оби бид̇араа вивад̣̇ад̇и, бхаад̇ааби бхаад̇араа вивад̣̇ад̇и, бхаад̇ааби бхаг̇инияаа вивад̣̇ад̇и, бхаг̇инийби бхаад̇араа вивад̣̇ад̇и, сахааяоби сахааязна вивад̣̇ад̇и – аяам̣ виваад̣̇о но ад̇хигаран̣ам̣.

д̇ад̇т̇а гад̇амам̣ ад̇хигаран̣ам̣ но виваад̣̇о? ануваад̣̇аад̇хигаран̣ам̣, аабад̇д̇аад̇хигаран̣ам̣, гижжаад̇хигаран̣ам̣ – ид̣̇ам̣ ад̇хигаран̣ам̣ но виваад̣̇о.

д̇ад̇т̇а гад̇амам̣ ад̇хигаран̣ан̃жзва виваад̣̇о жа? виваад̣̇аад̇хигаран̣ам̣ ад̇хигаран̣ан̃жзва виваад̣̇о жа.

356. [жуул̣ава. 224 аад̣̇аяо] ануваад̣̇о ануваад̣̇аад̇хигаран̣ам̣, ануваад̣̇о но ад̇хигаран̣ам̣, ад̇хигаран̣ам̣ но ануваад̣̇о, ад̇хигаран̣ан̃жзва ануваад̣̇о жа? сияаа ануваад̣̇о ануваад̣̇аад̇хигаран̣ам̣, сияаа ануваад̣̇о но ад̇хигаран̣ам̣, сияаа ад̇хигаран̣ам̣ но ануваад̣̇о, сияаа ад̇хигаран̣ан̃жзва ануваад̣̇о жа.

д̇ад̇т̇а гад̇амо ануваад̣̇о ануваад̣̇аад̇хигаран̣ам̣? ид̇ха бхигкуу бхигкум̣ анувад̣̇анд̇и сийлавибад̇д̇ияаа ваа аажааравибад̇д̇ияаа ваа д̣̇идтивибад̇д̇ияаа ваа ааж̇ийвавибад̇д̇ияаа ваа. яо д̇ад̇т̇а ануваад̣̇о, анувад̣̇анаа ануллабанаа анубхан̣анаа анусамбаван̇гад̇аа аб̣бхуссаханад̇аа ануб̣алаббад̣̇аанам̣ – аяам̣ ануваад̣̇о ануваад̣̇аад̇хигаран̣ам̣.

д̇ад̇т̇а гад̇амо ануваад̣̇о но ад̇хигаран̣ам̣? маад̇ааби буд̇д̇ам̣ анувад̣̇ад̇и, буд̇д̇оби маад̇арам̣ анувад̣̇ад̇и, бид̇ааби буд̇д̇ам̣ анувад̣̇ад̇и, буд̇д̇оби бид̇арам̣ анувад̣̇ад̇и, бхаад̇ааби бхаад̇арам̣ анувад̣̇ад̇и, бхаад̇ааби бхаг̇иним̣ анувад̣̇ад̇и, бхаг̇инийби бхаад̇арам̣ анувад̣̇ад̇и, сахааяоби сахааяам̣ анувад̣̇ад̇и – аяам̣ ануваад̣̇о но ад̇хигаран̣ам̣.

д̇ад̇т̇а гад̇амам̣ ад̇хигаран̣ам̣ но ануваад̣̇о? аабад̇д̇аад̇хигаран̣ам̣ гижжаад̇хигаран̣ам̣ виваад̣̇аад̇хигаран̣ам̣ – ид̣̇ам̣ ад̇хигаран̣ам̣ но ануваад̣̇о.

д̇ад̇т̇а гад̇амам̣ ад̇хигаран̣ан̃жзва ануваад̣̇о жа? ануваад̣̇аад̇хигаран̣ам̣ ад̇хигаран̣ан̃жзва ануваад̣̇о жа.

357. аабад̇д̇и аабад̇д̇аад̇хигаран̣ам̣, аабад̇д̇и но ад̇хигаран̣ам̣, ад̇хигаран̣ам̣ но аабад̇д̇и, ад̇хигаран̣ан̃жзва аабад̇д̇и жа? сияаа аабад̇д̇и аабад̇д̇аад̇хигаран̣ам̣, сияаа аабад̇д̇и но ад̇хигаран̣ам̣, сияаа ад̇хигаран̣ам̣ но аабад̇д̇и, сияаа ад̇хигаран̣ан̃жзва аабад̇д̇и жа.

д̇ад̇т̇а гад̇амаа аабад̇д̇и аабад̇д̇аад̇хигаран̣ам̣? бан̃жаби аабад̇д̇игканд̇хаа аабад̇д̇аад̇хигаран̣ам̣ . сад̇д̇аби аабад̇д̇игканд̇хаа аабад̇д̇аад̇хигаран̣ам̣. аяам̣ аабад̇д̇и аабад̇д̇аад̇хигаран̣ам̣.

д̇ад̇т̇а гад̇амаа аабад̇д̇и но ад̇хигаран̣ам̣? сод̇аабад̇д̇и самаабад̇д̇и – аяам̣ аабад̇д̇и но ад̇хигаран̣ам̣.

д̇ад̇т̇а гад̇амам̣ ад̇хигаран̣ам̣ но аабад̇д̇и? гижжаад̇хигаран̣ам̣ виваад̣̇аад̇хигаран̣ам̣ ануваад̣̇аад̇хигаран̣ам̣ – ид̣̇ам̣ ад̇хигаран̣ам̣ но аабад̇д̇и.

д̇ад̇т̇а гад̇амам̣ ад̇хигаран̣ан̃жзва аабад̇д̇и жа? аабад̇д̇аад̇хигаран̣ам̣ ад̇хигаран̣ан̃жзва аабад̇д̇и жа.

358. [жуул̣ава. 223] гижжам̣ гижжаад̇хигаран̣ам̣, гижжам̣ но ад̇хигаран̣ам̣, ад̇хигаран̣ам̣ но гижжам̣, ад̇хигаран̣ан̃жзва гижжан̃жа? сияаа гижжам̣ гижжаад̇хигаран̣ам̣, сияаа гижжам̣ но ад̇хигаран̣ам̣, сияаа ад̇хигаран̣ам̣ но гижжам̣, сияаа ад̇хигаран̣ан̃жзва гижжан̃жа.

д̇ад̇т̇а гад̇амам̣ гижжам̣ гижжаад̇хигаран̣ам̣? яаа сан̇гхасса гижжаяад̇аа гаран̣ийяад̇аа абалоганагаммам̣ н̃ад̇д̇игаммам̣ н̃ад̇д̇ид̣̇уд̇ияагаммам̣ н̃ад̇д̇ижад̇уд̇т̇агаммам̣ – ид̣̇ам̣ гижжам̣ гижжаад̇хигаран̣ам̣.

д̇ад̇т̇а гад̇амам̣ гижжам̣ но ад̇хигаран̣ам̣? аажарияагижжам̣ убаж̇жхааяагижжам̣ [убаж̇жхааяагижжам̣ сагижжам̣ (га.)] самаанубаж̇жхааяагижжам̣ самаанаажарияагижжам̣ – ид̣̇ам̣ гижжам̣ но ад̇хигаран̣ам̣.

д̇ад̇т̇а гад̇амам̣ ад̇хигаран̣ам̣ но гижжам̣? виваад̣̇аад̇хигаран̣ам̣ ануваад̣̇аад̇хигаран̣ам̣ аабад̇д̇аад̇хигаран̣ам̣ – ид̣̇ам̣ ад̇хигаран̣ам̣ но гижжам̣.

д̇ад̇т̇а гад̇амам̣ ад̇хигаран̣ан̃жзва гижжан̃жа? гижжаад̇хигаран̣ам̣ ад̇хигаран̣ан̃жзва гижжам̣ жаад̇и.

ад̇хигаран̣абхзд̣̇о нидтид̇о.

д̇ассуд̣̇д̣̇аанам̣ –

ад̇хигаран̣ам̣ уггодаа, аагаараа буг̇г̇алзна жа;

нид̣̇аанахзд̇убажжаяаа, муулам̣ самудтаанзна жа.

аабад̇д̇и ход̇и яад̇т̇а жа, сам̣садтаа нид̣̇аанзна жа [сам̣садтаа нид̣̇аанабабхаваа (сий.)];

хзд̇убажжаяамуулаани, самудтаанзна б̣яан̃ж̇анаа;

виваад̣̇о ад̇хигаран̣анд̇и, бхзд̣̇аад̇хигаран̣з ид̣̇анд̇и.