4. Падарожжа па Беларусі. Знакамітыя мясціны.

Падарожжы – гэта заўсёды рамантыка і непаўторныя адчуванні. А падарожжы з каханым чалавекам або з сябрамі – тым больш. Можна паехаць,напрыклад, у Еўропу, якая так вабіць турыстаў, падзівіцца непаўторнасці краявідаў, адчуць, як сэрца напаўняецца радасцю і шчасцем, калі вось там, у цябе за спіной, знаходіцца той цуд, пра які ты толькі нядаўна чытаў у газеце. Неабавязкова, вядома, купляць квіток у Нью-Ёрк, ці на Мальдывы, каб адпачыць пад час водпуску… Я лічу, у нас таксама есць на што паглядзець, чаму падзівіцца, што сфатаграфаваць. Падарожжа па Беларусі — гэта, перш за ўсё, знаемства са старажытнай гісторыяй краіны, з нацыянальнымі звычаямі, найбагацейшай архітэктурай і традыцыйным беларускім мастацтвам…

Нацыянальны гісторыка-культурны музей-запаведнік "Нясвіж" запрашае наведаць невялікі гарадокТолькі пабываўшы ў Нясвіжы, можна ўбачыць і зразумець гісторыю Беларусі і ў прамым сэнсе слова дакрануцца да яе, наведаўшы знакаміты палацава-паркавы ансамбль і касцёл Божага

Полацк — подых тысячагоддзяў

Полацк — горад-загадка, горад-лабірынт, горад-сімвал. Самы старажытны горад Беларусі. У яго нават ёсць свой бард — Уладзімір Арлоў. Дзякуючы яго праніклівым, замілаваным расподведам Полацк бачыцца нечым неверагодным — местам прывідаў, духаў і таямніц, местам традыцый і пачаткаў,горадам адноўленых святынь і жывой паўнаводнай Дзвіны-вуліцы.

Браславы

Ад адных толькі назваў гэтых азёр перахоплівае дух: Недрава, Струста, Снуды, Войса, Бужа, Неспіш… Нібыта, мы ў часах Герадота. Ледавіковыя рэльефы ды валуны, вёскі, курганы, гарадзішчы, нават найбуйнейшы беларускі рамантычны парк «Бельмонт» з лістаўніцамі, туямі, канадскімі таполямі… На вадзе — рэдкія птушкі і дагістарычныя выспы. Пазычыўшы човен, можна «адкрыць» некалькі з іх.На некаторых азёрах забароненае выкарыстанне маторных лодак, каб спрыяць захаванню экасістэмы… Ідэальны адпачынак у цішыні і яднанні з прыродай.

Шагалаўскі Віцебск

Марк Шагал — сусветны сімвал Віцебска, Марк Шагал і Бэла — адзін з сусветных сімвалаў кахання.У сваіх вобразах мастак ставіў Віцебск на адзін узровень з Парыжам, і можна толькі дзівіцца, чаму сюды яшчэ не едуць закаханыя з усяго свету.

Залессе Агінскага

Сюды, у «Паўночныя Афіны», у пачатку ХІХ стагоддзя вярнуўся з эміграцыі кампазітар-князь Міхаіл Клеафас Агінскі. Сюды ж ён прывёз і маладую жонку-італьянку. Развітаўшыся з Радзімай, якая ўжо была незваротна страчаная, князь накіраваў усю сваю энергію на музыку, сям’ю ды распрацоўку «прысядзібнага ўчастка». Быў пабудаваны мураваны палац, альтанкі, капліца, закладзены новы парк… На радасць сям’і, у Залессі (а былых Дзербах) быў нават заапарк: паводле звестак, медзведзяня было найлепшым сябрам маленькай Амеліі — дачкі Міхаіла Клеафаса і Марыі. Сама Марыя пісала ў Італію: «Залессе — цудоўны куток. Вакол снег і маразы, але мы амаль не заўважаем іх — значыць, праўда, што шчасце можна знайсці паўсюль», калі сэрца адкрытае і любіць».

У Залессі можна прайсціся па паркавых сцяжынках, пасядзець ля невялічкага возера,,а ранняй вясной доўга любавацца жоўтымі першацветамі, якія тут паўсюль…

Канешне, гэта далека не ўсё тое, што можна ўбачыць у Беларусі. Мірскі Замак, возера Нарач, Белавежская пушча… Але калі хочацца пазнаеміцца з нашай краінай бліжэй, то аднаго падарожжа для гэтага наўрад ці хопіць.