II.4. Фитопрепараттар

ДИМЕТИЛАМИНОАРГЛАБИНА ГИДРОХЛОРИД

(DIMETHYLAMINOARGLABINI HYDROCHLORIDI)

Шығарылу түрі. Егуге арналған ерітіндіні дайындау үшін лиофилизирленген ұнтақ 40 мг флаконда.

Қолдану көрсеткіштері мен мөлшерленуі.

Арглабинді ересектердегі және балалардағы өкпе, сүт безінің, бауырдың қатерлі ісігі кезінде, ісіктерге қарсы заттар ретінде, басқа ісіктерге қарсы дәрілермен бірге біріктіріп қолданады. Арглабинді көктамырға бір реттік мөлшерде құю арқылы енгізеді, 5-6 мг/кг салмаққа есептегенде анықталынады. Препаратты күнделікті тағайындайды. Емдеу курсы 15-20 егуге. 2% ерітіндіні флакон (0,04 препаратты) ішіндегісін 2 мл физиологиялық ерітіндіде еріту жолымен тікелей егу алдында дайындайды. Қайталау курсын 3 апталық үзіліспен жүргізеді.

Кері көрсеткіштері. Жеке көтере алмау және жоғары сезімталдық. Басқа кері көрсеткіштер анықталмаған.

Әрекеттесуі: 1 қосымшаны қара.

Жүктілік: Зерттелмеген.

Емшекпен емізу: Зерттелмеген.

Сақтандыру. Жоқ.

Жанама әсерлері. Анықталмаған.

Саудаға тіркелген атауы

Арглабин; Қазақстан, егуге арналған ерітіндіні дайындау үшін лиофилизирленген ұнтақ 40 мг флаконда.

III. Иммуносупрессивті препараттар

III.1. Антипролиферативті иммунодепрессанттар (азатиоприн, мофетила микофенолат)

III.2. Глюкокортикостероидтар (гидрокортизон, дексаметазон, метилпреднизолон, преднизолон)

III.3.Моноклональды антидене препараттары (алемтузумаб, базиликсимаб, иматиниб, ритуксимаб, трастузумаб)

III.4. Басқа да (циклоспорин)

III.1. Антипролиферативті иммунодепрессанттар

Аталған топтың препараттары Т- және В-лимфоциттер пролиферациясын (мофетил микофенолат, циклофосфамид) және тек Т- лимфоциттерді (азатиоприн), сонымен қатар антидене өнімдерін тежейді. Антипролиферативті иммундыдепрессанттар алкилдеуші препараттарға қарағанда, интакты жасушаларға цитотоксикалық әсері төмендеу екендігі белгілі. Соған қарамастан, Антипролиферативті иммундыдепрессанттармен химиотерапияны талдағанда (әсіресе біріктірілген) және науқастармен кеңескенде 1.1 бөліміндегі ақпаратқа көңіл бөлу қажет.

АЗАТИОПРИН

(AZATHIOPRINE)

Шығарылу түрі. Таблеткалар 50 мг; егуге арналған ерітіндіні дайындау үшін ұнтақ 50 мг флаконда.

Қолдану көрсеткіштері мен мөлшерленуі.

Трансплантанттың қабылдамау реакциясының алдын алу шараларына (біріктірілген ем құрамында). Аутоиммуннды аурулар. Ішке. Мөлшерлеу тәртібін жеке белгілейді. Тәуліктік мөлшері 1 мг/кг-нан 5 мг/кг-ға дейін өзгереді. Емделуі ұзақ.

Кері көрсеткіштері. Жүктілік, азатиопринге және/немесе меркаптопуринге жоғары сезімталдық.

Сақтандыру. Науқастарды бақылау: қанның жалпы анализі+тромбоциттер – емнің бірінші 2 айында 1 реттен аптасына, үдерістің тұрақтануы кезінде анализ жиілігін азайтады. Лейкоциттер саны < 4000/мкл кезде – мөлшерін азайтады, < 3000/мкл кезде – доғарады. Ұзақ емделу кезінде – лейкопенияны мөлшерін төмендету арқылы түзетеді. Бауыры және/немесе бүйрек қызметі бұзылған науқастарға, сонымен қатар аллопуринолды бір мезгілде қолданғанда, азатиопиринді төмен мөлшерде тағайындайды.

Әрекеттесуі: 1 қосымшаны қара.

Жүктілік: Кері көрсетілген.

Емшекпен емізу: Кері көрсетілген.

Жанама әсерлері.

Миелодепрессии, екіншілік инфекциялар дамуы, мегалобласты эритропоэз және макроцитоз. Жүректің айнуы, құсу, анорексия, тері бөртпелері, артралгии, миалгии, дәрілік қызба, холестазды гепатит. Трансплантант реципиенттерде панкреатит байқалған, АІЖ эрозивті-жаралы зақымданулары мен қан кетулері, ішектің некрозы мен перфорациясы.

Саудаға тіркелген атауы

МОФЕТИЛА МИКОФЕНОЛАТ

(MYCOPHENOLATE MOFETIL)

Морфолиноэтилді эфир микофенолды қышқыл, Pennicillinum stoloniferum өндіретін. Инозинофосфатдегидрогеназаны баяулату арқылы, гуанозинді нуклеотидтер синтезін бұзады. Т- және В- лимфоциттер пролиферациясын, сонымен қатар антидене өнімін тежейді.

Шығарылу түрі. Капсулалар 250 мг.

Қолдану көрсеткіштері мен мөлшерленуі.

Бүйректі қондырғаннан кейінгі қабылдамау реакциясының алдын алу және емдеу. Циклоспорин мен глюкокортикоидтармен біріктіріп емдеудің құрамында ғана қолданылады. Қондыруды қабылдамау реакциясының алдын алу үшін бірінші мөлшерді операциядан кейін бірінші үш тәулікте қолданады. Ұсынылатын мөлшер ішке – 2 г/тәулігіне 2 қабылдауға. Қабылдамау реакциясын емдеу үшін препаратты 3 г/тәулігіне тағайындайды.

Кері көрсеткіштері. Микофеналат мофетилге жоғары сезімталдық.

Сақтандыру. Науқастарды бақылау: емдеу үдерісінде үнемі шеткі қанның көрсеткіштерін бақылау қажет. Нейтрофилдер саны 1300/мкл-ге төмендеген кезде, мофетил мөлшерін төмендету немесе оны доғару керек. Микофенолат мофетилді қолданатын науқастарда, лимфома даму және басқа да қатерлі ісіктердің даму тәуекелі жоғары, көбінесе терінің қатерлі ісігі.

Әрекеттесуі: 1 қосымшаны қара.

Жүктілік: Кері көрсетілген.

Емшекпен емізу: Кері көрсетілген.

Жанама әсерлері.

Лейкопения, тромбоцитопения, қаназдық. Бүйрек түтікшесінің некрозы. Артериальды гипер/гипотензия, су-электролит алмасуының бұзылыстары, жүректің айнуы, құсу, іштің қатуы немесе диарея, гастрит, проктит. Гепатит. Гирсутизм, алопеция, қышыма, акне, терінің жаралануы, терінің қатерлі ісіктері. Бастың айналуы, дірілдеу, ұйқының бұзылуы, депрессия, парестезия. Конъюктивит, амблиопия, катаракта. Гипергликемия, гиперхолестеринемия, гиперурикемия. Дене салмағының жоғарлауы, қалқанша маңы безі қызметінің бұзылуы. Миалгия, артралгия, тырысулар. Жөтел, ентігу, бронхоспазм.

Саудаға тіркелген атауы