Рибофлавин (riboflavin)

Шығарылу түрі.

Таблеткалар 10 мг

Қолдану көрсеткіштері мен мөлшерленуі.

Гипо‑ және авитаминоз B₂, гемералопия, конъюнктивит, қасаң қабақтың жарасы, катаракта, ұзақ жазылмайтын жаралар мен жарақаттар, жалпы тамақтанудың бұзылыстары, сәуле аурулары, астения, ішек қызметінің бұзылыстары, гепатит. Көбінесе 0.005‑0.01 г-нан тағайындайды, балаларға 0.002‑0.005 г-нан тәулігіне 1‑3 реттен 1-1/2 ай бойы.

Кері көрсеткіштері.

Препаратқа жоғары сезімталдық. Нефролитиаз.

Жанама әсерлері

Аллергиялық реакциялар болуы мүмкін.

Саудаға тіркелген атаулары:

Токоферол (tocopherol)

Шығарылу түрі.

Ампуладағы майлы ерітінді 5%, 10%, 30%

Қолдану көрсеткіштері мен мөлшерленуі.

Гиповитаминоз, қызбалы синдромдармен жүретін аурулардан кейінгі реконвалесценция жағдайлары, жоғары физикалық күш түсуде, егде жастағыларға, дәнекер аппараты мен бұлшық ет аурулары. Климактериялық вегетативті бұзылыстар. Шаршаған кездегі неврастения, астениялық неврастениялық синдром, біріншілік бұлшық ет дистрофиясы, жарақаттан кейінгі, инфекциядан кейінгі екіншілік миопатия. Омыртқа мен ірі буындардың дәнекер аппараттары мен буындардың дегенеративті және пролиферативті өзгерістері.

Көбінесе тәулігіне 0.1‑0.3 г-нан тағайындайды. Қажеттілікте мөлшерін тәулігіне 1 г-ға дейін жоғарлатады.

Кері көрсеткіштері.

Препаратқа жоғары сезімталдық.

Сақтандыру.

Келесі мәселелі жағдайларда тәуекел мен пайданы салыстыру керек:

кардиосклероз, миокардтың инфаркты, жоғары мөлшерде тромбоэмболия даму тәуекелі жоғары.

Әрекеттесуі: 1 қосымшаны қара.

Жүктілік: ФДА категориясы А. Х ұсынылған мөлшерден артық қолданғанда – тератогенді әсер.

Емшекпен емізу: Төс сүтіне өтеді.

Жанама әсерлері

Аллергиялық реакциялар. Үлкен мөлшерді қоланғанда ‑ диарея, эпигастридің ауруы, креатинурия және жұмыс қабілетінің төмендеуі.

Саудаға тіркелген атаулары:

Эргокальциферол (ergocalciferolum)

Шығарылу түрі.

Майлы ерітінді; сулы ерітінді

Қолдану көрсеткіштері мен мөлшерленуі.

Мешел. Қалқанша маңындағы без қызметінің бұзылуы. Тетания. Остеомаляция. Остеопороз. Сүйек туберкулезі. Туберкулезді қызыл жегі.

Ішке мешелдің алдын алу шаралары үшін 0,0125 мкг (500 МЕ), емдеу үшін 10 00‑15 000 МЕ күніне 30-60 күн бойы (емдеу курсы 500 000‑600 000 МЕ). Мешелдің ауыр түрінде 1 000 000 МЕ 45-60 күн бойы, мешелдің жасырын түрлерінде 2000‑3000 МЕ күніне. Терінің және кілегей қабатының қызыл жегісі кезінде 100 000 МЕ/тәулігіне тағайындайды. Балаларға 16 жасқа дейін 25 000‑75 000 МЕ/тәулігіне жасына байланысты. Үлкен мөлшерімен емдеген кезде бір мезігілде ретинол ацетат 10 000-15000 МЕ/тәулігіне, токоферол ацетат, аскорбин қышқылы және В тобының витаминдерін қосып беру ұсынылады.

Кері көрсеткіштері.

Препаратқа жоғары сезімталдық. Гиперкальциемия. Метастазды кальцификация.

Сақтандыру.

Қанның мониторингі – үдерістің тұрақтануына дейін аптасына 2 реттен, кейін айына 1 реттен; несептің Ca²⁺, қанның фосфаттары – ұзақ емделген әр 1-3 айда.

Эргокальциферолды егде жасатағы және төсекте жатқан науқастарға тағайындағанда сақтықты сақтау қажет. Эргокальциферол атеросклероздың дамуына ықпал жасауы мүмкін. Препарат ағзада жиналуы мүмкін.

Постменопаузальды және инволюциялық остеопороз кезінде, сынықтардың алдын алу шараларында ықпалы кальцитриолмен және холекальциферолмен және алфакальцидолмен бара-бар^А. Теңге қотырды емдеуде витамин D тиімділігі, эргокальциферолдың – ревматоидты артритті және қызыл жегіні емдеуде және жақынжітілік пен невроздардың алдын алу шаралары үшін ықпалдылығы дәлелденбеген.

Әрекеттесуі: 1 қосымшаны қара.

Жүктілік: ФДА категориясы В. Үшінші үшайында қолданылады.

Емшекпен емізу: Төс сүтіне өтеді.

Жанама әсерлері

Үлкен мөлшерін қолданғанда гипервитаминоз D болуы мүмкін, тәбеттің жоғалуымен, жүректің айнуымен, бас аурумен, жалпы әлсіздікпен, дене қызуының жоғарлауымен жүреді, несепте ақуыздың, цилиндрдің, лейкоциттердің пайда болуы, сонымен қатар қанда кальций құрамының жоғарлауы және оның зәрмен бөлінуі, бүйректе, өкпеде және қан тамырларында кальцийдің жиналуы, тіндердің кальцификациясы болуы мүмкін, егер мөлшерін 1,25 мг-да қабылдауды бірнеше ай жалғастырса.

Саудаға тіркелген атаулары: