Кері көрсеткіштері

Жоғары сезімталдық, емшекпен емізу.

Сақтандыру.

Келесі мәселелі жағдайларда тәуекел мен пайданы салыстырып қарастыру қажет:

Бүйрек және/немесе бауыр жетіспеушілігі, қуық үсті безінің қатерсіз гипертрофиясы, анамнезендегі тырысу жағдайлары, Паркинсон ауруы, цереброваскулярлы бұзылыстар, Альцгеймер ауруы, қант диабеті, эозинофилия, миелопролиферативті аурулар, салды илеус, жабық бұрышты глаукома, QT ара қашықтығын ұзартатын препараттармен бір мезгілде қолдану (әсіресе егде жастағыларда), дегидратация, гиповолемия, миокардтың инфаркты анамнезенде, жүрек жетіспеушілігі, сүт безінің қатерлі ісігі, сонымен қатар анамнезенде, жүктілік, 18 жасқа дейін (қауіпсіздігі мен тиімділігі белгіленбеген).

Оланзапин метаболизмін баяулататын факторлармен біріктіру (әйел жынысы, егде жастағылар, темекі тартпайтындар) кезінде, аз мөлшерде тағайындау керек. Өзін өзі өлтіруге бейім адамдарға қатаң бақылаумен тағайындайды, әсіресе емнің басында. Емделу кезінде бауыр трансаминаза белсенділігін үнемі бақылау керек, әсіресе бауыр қызметі бұзылған науқастарда. Емделу кезінде науқастар жоғары көңіл қоюды, тез психикалық және қозғалыс реакцияларын талап ететін потенциальды қауіпті қызмет түрлерімен айналысуға болмайды.

Емделу кезінде алкологьды қолдануға болмайды. Қатерлі нейролептикалық синдром симптомдары көрінген кезде (қызба, бұлшық ет күш түсуі, акинезия, тахикардия, лейкоцитоз, креатинфосфокиназаның жоғарлауы), тез арада препаратты қолдануды доғару керек. Акатизия даму мүмкіндіктерін ескеріп, емдеу кезінде пайда болған қозғалыс мазасыздануында, шыдамсыздықта, үнемі қозғалысқа ұмтылуда мөлшерді азайту және паркинсонизмге қарсы заттар тағайындалынады.

Әрекеттесуі: 1 қосымшаны қара.

Жүктілік: FDA категориясы С. Шұғыл жағдайлармен қолдану шектелген.

Емшекпен емізу: Емізулі кезде қолдануға болмайды.

Жанама әсерлері

Жүйке жүйесі мен сезім мүшесі жағына: бастың айналуы, бастың ауруы, бас сақинасы, әлсіздік, астения, ұйқышылдық, ұйқының қашуы, үрейлік, өшпенділік, қобалжу, эйфория, амнезия, деперсонализация, фобия, обсессивті-компульсивті симптомдар, невралгия, бет жүйкесінің парезі, гипестезия, экстрапирамидалық бұзылыстар, сонымен қатар кешкі дискинезия, атаксия, мойын бұлшық еттерінің сіреспесі, бұлшық еттердің тартылуы, дірілдеу, акатизия, дизартрия, кекештену, синкопальды жағдайлар, делирия, өзін өзі өлтіру тенденциясы, қатып қалу, кома, субарахноидальды қан құйылу, инсульт, нистагм, диплопия, мидриаз, көз бұршағында пигментің жиналуы, катаракта, ксерофтальмия, көзге қан құйылу, аккомодацияның бұзылуы, амблиопия, глаукома, қасаң қабақтың зақымдалуы, көздің ауруы, кератоконъюнктивит, блефарит, құлақтың шулауы, кереңдік, дәмді сезінудің бұзылыстары.

Жүрек қан-тамырлар мен қан (қан түзілу, гемостаз): ортостатикалық гипотензия, тахи- және брадикардия, жүректің соғуы, қарынша экстрасистолиясы, ЭКГ өзгеруі, жүректің тоқтауы, цианоз, вазодилатация, транзиторлы лейко- және нейтропения, эозинофилия, лейкоцитоз, тромбоцитопения, геморрагиялық синдром. Респираторлы жүйе жағынан: ринит, фарингит, ларингит, дауыстың өзгеруі, жөтелдің күшеюі, диспноэ, апноэ, бронхиальды демікпе, гипервентиляция. АІЖ мүшелері жағынан: тәбеттің жоғарлауы булимияға дейін, шөлдеу, ауыз қуысының құрғауы, сілекей бөлінуінің жоғарлауы, афтозды стоматит, гингивит, глоссит, дисфагия, кекіру, эзофагит, жүректің айнуы, құсу, гастрит, гастроэнтерит, энтерит, мелена, тік ішектен қан кету, іштің қатуы, метеоризм, нәжістің ұсталмауы, бауыр трансаминаза белсенділігінің өтпелі жоғарлауы, гамма-глутамилтранспептидаза және креатинфосфокиназа, гепатит. Зат алмасу жағынан: гиперпролактинемия, дене салмағының жоғарлауы (сирек төмендеу), қант диабеті, гипергликемия, диабеттік кетоацидоз, диабеттік кома, зоб. Несеп жыныс жүйесі жағынан: дизурия (сонымен қатар полиурия), гематурия, пиурия, альбуминурия, несептің ұсталмауы, несеп шығару жолдарының инфекциясы, цистит, либидоның төмендеуі, бедеулік, шәуеттің бұзылыстары, приапизм, гинекомастия, галакторея, сүт безінің ауруы, жатырдың фиброзы, етеккір алдындағы синдром, мено- және метроррагия, аменорея. Қозғалыс-қимыл аппараты жағынан: артрит, артралгия, бурсит, миастения, миопатия, балтыр бұлшық етінің тырысулары, сүйектердегі ауырсынулар. Тері беткейі жағынан: фотосенсибилизация, алопеция, гирсутизм, терінің құрғауы, экзема, себорея, контакты дерматит, терінің жаралы зақымдалуы, тері түсінің өзгеруі, макулопапуллезді бөртпелер.

Аллергиялық реакциялар: есекжем.

Басқалар: қызба, қалтырау, грипп тәрізді синдром, лимфоаденопатия, көкіректің ауруы немесе іштің ауруы, шеткі ісінулер, алып тастау синдромы.

Саудаға тіркелген атауы:

Рисперидон

(Risperidone)

Шығарылу түрі. Таблеткалар 1 мг, 2 мг, 3 мг, 4мг, сору үшін 1 мг, 2мг; ішке қолдануға арналған ерітінді 1 мг/мл, бұлшық етке егуге арналған суспензияны дайындау үшін ұнтақ 25 мг, 37,5 мг, 50 мг

Қолдану көрсеткіштері мен мөлшерленуі.

Шизофрения (жедел және созылмалы)^А және басқа да продуктивті (сандырақ, елес, озбырлық), негативті (тоқырауланған аффект, эмоциональды және әлеуметтік бейтараптылық, аз сөйлеу) немесе аффективті (үрейлі депрессия) симптоматикалардың басым болып келетін психотикалық жағдайлары; деменция тұсындағы мінез құлықтың бұзылыстары^В (озбырлық симптомдар пайда болған кезде, қызметтің бұзылыстары немесе психотикалық симптомдар) әлде сана сезім дамуының тоқтауы немесе ойлау қабілеті деңгейінің төмендеуі (деструктивті мінез құлықтың басым болуы кезінде); биполярлы бұзылыстар кезіндегі тұнжырау^С (көмекші терапия). Ішке, 1–2 қабылдауға. Бастапқы және тиімді мөлшер: шизофрения кезінде және биполярлы бұзылыстарда — 2 мг/тәу және 2–6 мг/тәу мінез құлық бұзылыстарында сәйкес 0,25 мг-нан және 0,5 мг-нан тәулігіне 2 реттен, егде жастағы науқастарда және бауыр мен бүйрек аурулары тұсында 0,5 мг-нан және 1–2 мг-нан тәулігіне 2 реттен.