Жанама әсерлері

Жүйке жүйесі мен сезім мүшесі жағынан: ұйқышылдық, тежеулік, экстрапирамидалық бұзылыстар (сонымен қатар жалған паркинсонизм, дистония, кешкі дискинезия, акатизия, окулогирлі криздер, опистотонус, гиперрефлексия), бастың ауруы, пигменттік ретинопатия, көз бұршағы мен қасаң қабақта жиналу; флуфеназин деканоата үшін, одан басқа, —гипертермиямен жүретін бұлшық ет сіреспесі. Жүрек қан-тамыр және қан (қанның түзілуі, гемостаз) жағынан: АҚ төмендеуі, тахикардия, лейкопения, агранулоцитоз, эозинофилия, қаназдық, панцитопения. АІЖ мүшелері жағынан: жүректің айнуы, іштің қатуы, тәбеттің төмендеуі, сілекей бөлінуінің жоғарлауы/ауыздың құрғауы, холестазды сары ауру. Аллергиялық реакциялар: тері бөртпелері, есекжем, дерматит. Басқада: полиурия, несептің жиналуы, галакторея, дисменорея, еркектерде гинекомастия, фотосенсибилизация, терінің гиперпигментациясы, дене салмағының жоғарлауы, нейролептикалық қатерлі синдром.

Саудаға тіркелген атауы:

Хлорпромазин

(chlorpromazine)

Шығарылу түрі. Егуге арналған ерітінді 2,5%; драже 25 мг, 100 мг

Қолдану көрсеткіштері мен мөлшерленуі.

Психомоторлы қозу^С. Жедел сандырақ жағдайлары^А. Желікпелі-депрессивті психоз кезіндегі желікпелі және гипожелікпелі қозулар^В. Жедел психоз^В. Қорқумен^D, үрейленумен^A, қозумен^C, ұйқының қашуымен^C жүретін әртүрлі генезді психикалық аурулар. Психопатия^D. Алкогольды психоз^C. Ауыр жүректің айнуы мен құсу^В, тоқтамайтын ықылық. Қатты ауырсынуларда анальгетиктердің әсерін күшейту үшін^D. Бұлшық еттер тонусының жоғарлауымен жүретін ауруларда: бас миының қан айналымы бұзылғаннан соң^D, сіреспе^D және б. Премедекация және наркозды потенциялауда^В. Жасанды гипотермия^С. Жедел ауыспалы порфирия^В. Қышымалы дерматоздарда^С. Ересектерге, ішке — 25–600 мг/тәу, ең жоғарғы бір реттік мөлшер — 300 мг. Б/е — 1 г/тәу, ең жоғарғы бір реттік мөлшер — 150 мг. К/т — 250 мг/тәу, ең жоғарғы бір реттік мөлшер — 100 мг. Балаларға — ішке тәулігіне 1 мг/кг дене салмағына.

Кері көрсеткіштері

Жоғары сезімталдық, ауыр бауыр немесе бүйрек жетіспеушілігі, үдемелі бас және жұлын миының жүйелік аурулары, коматозды жағдайлар, бас жарақаты, қан түзілуінің айқын тежелуі, микседема, декомпенсирленген жүрек аурулары, белсенді ревматизм, тромбоэмболиялық синдром, бронхоэктазды аурулар (кешкі сатыларында), өт және несеп тас байлау аурулары, желдел пиелит, АІЖ эрозивті-жаралы ауруларының асқынуы, жүктілік.

Сақтандыру.

Келесі мәселелі жағдайларда тәуекел мен пайданы салыстырып қарастыру қажет:

Өт және бүйрек тас аурулары, жедел пиелит, белсенді ревматизм, асқазан мен ұлтабардың жара аурулары (ішке тағайындау), маскүнемдік (гепатотоксикалық реакцияларға бейім болып келу), қан түзілуінің бұзылыстары, сүт безінің қатерлі ісіктері (пролактин секрециясын фенотиазинмен демеулеу нәтижесінде аурудың үдеуі мен химиотерапияға тұрақтылығының потенциальды тәуекелі жоғарлайды), жабық бұрышты глаукома, қуық үсті безінің гиперплазиясы, Паркинсон ауруы (экстрапирамидалық ықпалдар күшейеді), қояншық, миксидема, тыныс алу бұзылыстарымен жүретін созылмалы аурулар (әсіресе балаларда), Рея синдромы (гепатотоксикалық тәуекелі жоғары), кахексия, егде жастағылар. Ұзақ емделген кезде қанның жасушалық құрамын, протромбин индексін, бауыр мен бүйрек қызметін бақылау қажет. Егуден кейін науқас 1-1,5 сағат төсекте жатуы тиіс.

Әрекеттесуі: 1 қосымшаны қара.

Жүктілік: FDA категориясы С. Қолдануға болмайды.

Емшекпен емізу: Емізулі кезде қолдануға болмайды.