Кері көрсеткіштері

Карцинома немесе қуық үсті безінің гипертрофиясы, еркектердегі сүт безінің қатерлі ісігінде, әйелдердегі гиперкальцемиямен жүретін сүт безінің карциномасы (остеокласты белсендіретін қабілеті және сүйек тінінің резорбциясын туғызады), жүктілік (эмбриотоксикалық, фетотоксикалық қабілеті бар, қыз бала ұрығының мускулинизациясын туғызу мүмкін), ЖИА, айқын атеросклероз; жүрек жетіспеушілігі және ісіну синдромымен жүретін басқа жағдайлар, жедел және созылмалы бауыр аурулары, сонымен қатар алкоголмен зақымдалған, нефрит, нефротикалық синдром, емшекпен емізу (емшекпен емізуден бас тарту).

Сақтандыру.

Астениялық дененің қалыптасуы, егде жастағы еркектер, ер балалардағы жасөспірім (жынысты даму кезеңінде).

Жүктілік: FDA категориясы Х. Қолдану кері көрсетілген.

Емшекпен емізу: Төс сүтіне өтуі туралы мәліметтер жоқ. Емшекпен емізу кезеңінде қолдануға болмайды.

Жанама әсерлері

Еркектер мен әйелдерде  — атеросклероздың үдеуі (ЛПТТ құнарлығы жоғарлайды және ЛПЖТ құнарлығы төмендейді), темір жетіспеушілікті қаназдық, шеткі ісінулер, диспепсиялық бұзылыстар (іштің және эпигастральды аймақтың ауруы, жүректің айнуы, құсу), бауыр қызметінің бұзылуы срыаурумен жүретін, лейкозтәрізді синдром (лейкоцитарлы формуладағы өзгерістер, ұзын түтікшелі сүйектердегі ауырсынулар), қан кетуге бейім болып келетін гипокоагуляция, гепатонекроз (қара нәжіс, қан құсу, бастың ауруы, дискомфорт сезімі, тыныстың бұзылуы), гепатоцеллюлярлы карцинома, бауыр пурпурасы (зәрдің өзгеруі, нәжістің түссізденуі, есекжем, нүктелі немесе макулезді геморрагиялық тері мен кілегей қабатының бөртпелері, фарингит немесе ангина), холестазды гепатит (қасаң қабақтың және терінің сары түске боялуы, оң қабырға астының ауруы, несеп түсінің боялуы, нәжістің түссізденуі). Әйелдерде — вирилизм (шүртекейдің ұлғаюы, дауысының жуандауы, дис- және аменорея, еркек тәрізді түктің өсуі), гиперкальциемия (ОЖЖ тежелуі, жүректің айнуы, құсу, қалжырау). Еркектерде: препубертатнты кезеңде — вирилизм (безеу бөртпелері, жыныс мүшесінің ұлғаюы, приапизм, екініші жыныстық белгілердің түзілуі), идиопатиялық терінің гиперпигментациясы, бой өсуінің баяулауы немесе тоқтауы (түтікті сүйектердің өсінді эпифизарлы аймағының кальцификациясы); постпубертатнты кезеңде — қуықтың тітіркенуі (кіші дәретке отырудың жиілеуі), сүт безінің тығыздануы, гинекомастия, приапизм, егде жаста — гипертрофия және/немесе қуық үсті безінің карциномасы.

Саудаға тіркелген атауы:

ТЕСТОСТЕРОН

(TESTOSTERONE)

Шығарылу түрі. Егуге арналған ерітінді 250 мг/мл ампулада (энантат); капсула 40 мг

Қолдану көрсеткіштері мен мөлшерленуі.

Еркектерде андрогендердің жетіспеушілігі: жыныстық дамудың тежелуі, олигоспермия, піштіргеннен кейінгі синдром, жыныс мүшелерінің дамымауы, гипопитуитризм, сперматогенездің бұзылуы кезіндегі бедеулік, климаксты синдром, бедеулік, остеопороз.

25 мг күнделікті немесе 50 мг-нан 1-2 күнде немесе 100-200 мг-нан 1 рет 15 күнде, ұстап тұрушы мөлшер – 5-10 мг-нан күнделікті немесе күн ара. Әйелдерде: сүт безінің қатерлі ісігі - 50-100 мг-нан күн ара бірнеше ай бойы, ұстап тұрушы мөлшер 100-200 мг-нан 1-2 аптадан. 40 жастан кейінгі әйелдердегі гиперэстогенизм кезіндегі дисфункциональды қан кетулер – 10-25 мг күн ара. Жатырдың миомасы, эндометриоз, климакс (эстрогендермен біріктіріліп), предменструальды күш түсу синдромы, сүт безінің қатерлі ісігі, остеопороз – 10 мг-нан күн ара немесе 100 мг-нан 1 рет 2-3 аптада.