О явлении преподобнаго Ферапонта, како явися старцу Андреяну и старцу Иеву первие на месте, нарицаемем Устье, идеже ныне манастырь стоит.

И в некое время прииде старец на место, моляшеся по обычаю своему и, воздремався//(л. 45 об.), успе на месте том, и видех некоего странна человека, пришедша к нему, рече: «Старче, не трудися о месте сем. Ино место будет ти в селитву, и манастырь воздвигнеши, идеже услышите звоны и пения церковная. Место же то обреташеся на бреге реки Монзы. И явится тамо человек свят, и по сему разумети имаши – того ради места исцелеют два юноши от лютых болезней». Старец же кабы возбну и не можаху двигнутися. И вопрошаше старець: «Ча//(л. 46)до, ты кто еси и како нарицается имя твое?» И отвеща ему той человек: «Отец ми еси будеши и имя мое увеси». Рече же ему старец: «Коего града еси или веси?» Он же отвеща ему: «Сожитель есмь Василиев, иже есть на Москве». И не виде его старец ктому. Убуждьшеся же старцу, и имы в уме своем, яко той есть человек, его же виде старец Пафнутий древле в Павлове манастыре во областе града Вологды. И поведа старец видение всей братии. Един же ста//(л. 46 об.)рец от братии имянем Иев, и той поведав, яко «и аз видех того человека в сию нощь. И глагола ми не трудитися о месте, его же желаше Нифонт. И рече ми пророчеством: “Не будет ти в покой сие и оно место, идеже услышите звоны и пения церковная. Ты же разстояние имети будеши от места сего тридесят поприщь”. И паки невидим быст».

О збытии пророчества преподобнаго, како прорицаше о месте, «идеже услышите звоны и пения церковная».// (л. 47)

Времени же некоему мимошедшу, приближися время святаго и великаго поста и минувши недели поклонения Честнаго и Животворящаго Креста в четверток же тоя крестопоклонныя недели, слышав старец, и братия, и вси людие, живущие в манастыре, благовест в великий колокол к заутреннему пению, еще тме сущи. И изыде старец, и братия, и сущии с ними вне манастыря на слышание то. Слышав же и звон велик по обычаю три часы//(л. 47 об.), стояше же на долг час и вопрошаху друг друга, откуду звон сей слышашеся тяжьки, камбанария имущи окрест наю, не вемы такого звону.

В тои же день празднующе память святых великомученик четыредесять, иже в Севастии, ни храма вемы мучеников, где бе. Глагола же старец: «Того есть места звон. Се же ми поведа явивыися человек, его же Иев видех». Звон же слышашеся сверху реки Моньзы, точию места//(л. 48) не ведех, кое бе. Старец же по времени иде к сущим окрест их людий и вопроси их, слышаху ли на праздник святых мученик четыредесят, иже в Севастии, к заутреннему пению благовест и звон велик. Живущие же людие, иже есть древодели, делающе насады на бреге реки Моньзы на месте, нарицаемем Вонгомаз, сии глаголаху: «Слышахом, отче, у вас в манастыре звон велик. Откуду убо привезоша великия колоколы или хто их вдаде в манастырь? Мы//(л. 48 об.) же радостию радовахся о великом строении том». Старец же глаголаху: «Мы слышахом и чаяхом от вашего жительства звон той, негли хозяин привезе великия колокола». В то же время не бе его ту. Старец же отоиде от них, скорбя вельми о неведении места.

И прииде старец на починок новы, иже нарицается Стенино, его же зачат в пожитие некий человек имянем Иоанн по реклу Вакорин. Жена же его имянем Пелагея, и вопроси их старец о зво//(л. 49)ну том. Они же отвещаше ему: «Слышахом в твоем манастыре звон велик и радовахуся, откуду Бог тебе дарова такия великия колокола». Он же рече им: «Не в манастыре бе звон тои». Жена же глаголаху: «Аз разумно слышах, яко в манастыре звон той и мужеви своему глаголах: “Звон той выше манастыря на реке, на Моньзе, идеже есть бор и сосеник. Велие место же то конец нашего поля вниз по реке по Моньзе”».

Старец же иде на место, идеже поведа//(л. 49 об.) ему жена, и обрете бор велик близ того Стенина, идеже живяше прежереченый Иоанн Вакорин, и взыде старец на место высоко бору того от Моньзы реки, аки вержение камени. И видев, яко красно место и леса угодны к строению церквам и манастырю, точию во округ прилежаше блато велие непроходно, обхожаху бо его по брегу Костромы реки. Печаль же имеяше старец, видя место непространно на хлебной пашне, и помолив//(л. 50)ся Пречистой Богородице, и назнаменав место, и постави крест медян в древе, имый в мысли своей, негли Господь Бог и Пречистая Мати Божия и паки явит о месте том. И надеяся на явившагося ему человека, точию имый в мысли, яко не знаяше его, и иде же старец в манастырь, и поведа братии и всем сущим с ними, яко звон той слышах вси людие, яко и место обрете, точию и еще не смеяше истинныя мысли изложити на то место, яко бы зачати здания здати.

Тако же//(л. 50 об.) приспе празник Пресвятыя Владычицы Нашея Богородицы Честнаго и Славнаго Ея Благовещения, и вси людие празноваху той торжественный день и снидошася в манастырь на всенощную молитву к церковному пению. И егда же приспеваше время пению, тогда слышаша вси людие на преже реченнем месте на бору благовест и звон ко всякой церковной службе, яко же и преже слышаху, и дивишася вельми людие таковому чюдеси. От того же торжественнаго праздника звон бываше//(л. 51) по вся дни на месте том, овогда един звон, овогда трезвон великий правилу церковнаго пения. Во святую же неделю цветоносия слышав той же звон на том же месте на бору. И по престатии звону старец, поем с собою прежереченнаго Иева старца, и иде на место, идеже бе звон и идеже первие крест поставил, и не дошед место, яко вержение камени, и слышах лики поюще согласно. Речи же их не бе разумеша, и дивишася старцы чюдеси тому, и отоидоша// (л. 51 об.) в манастырь свой.

В ту же неделю цветоностную прииде в манастырь некий древодел имянем Климант, и той делаше суды с людьми своими на реце, глаголемей Моньзе. Случися ему делати противу того места, идеже слышаху звон и пение на друзей стране реки Моньзы. И пришед, поношая, вопрошаше старцов и всех, иже сущих ту, како оставяше церковь и пояше на пусте месте, идеже слышашеся звон, негли звон той от некое//(л. 52)го привидения: «Мы же тамо слышаше и говор людей многих». Старцы же и сущии с ними глаголюще ему: «Никто же от нас сего дни исходяще из манастыря, точию един Андреян, да и той сам совершив божественую литургию во святей Божии церкви». Древодел же, дав милостыню братие, и отоиде здания здати.

Приспе же день самого живоноснаго светлаго Воскресения Христа Бога нашего, и снидошася людие в манастырь, во святую Божию церковь. И ожидающе того же звону (л. 52 об.), яко же и первие слышаху. В подобно же время святаго пения бысть благовест и звон на том же прежереченнем месте на бору, и потом звону всякое церковное пение совершающе. Во время же святыя Божия литургии вси людие идяху ко святей Божии церкви, идяху же и древодели от заделия своего по брегу реки Моньзы. С ними же и хозяин, зовомый по реклу Богдан, и жена его Парасковия. И приидоша противо места того, идеже бяху звон, и вопрошаше Богдан//(л. 53) той: «Что есть звон велик?» Жена же его Парасковия реша ему: «Той звон во вес святый и великий пост слышах по вся дни». И сташа людие близ места того, слушающе звону того и чюдящеся. По престании же звону слышах и пение вельми красно поюще, а никого же видяще//(л. 53 об.), точию древие велие и чащи леса, во округ же блата облежаще. И прииде в манастырь и поведающе старцу Андреяну и всей братии, яко слышаху звон и пение и никого же видяще. Прежереченный же Богдан родом плесенин вдаде в манастырь милостыню довольну и обещася на месте том пребывать до кончины живота своего, яко же и бысть.

По празднице же Светлаго Воскресения Христа Бога Нашего от того преже реченнаго звону не вси людие слышаху, но ему же Бог дарова слышати того же манастыря живущии в починьках мужи и жены, их же имяна суть Никон, Исидор, Козма, Феодор, Иоанн, Климант, жены же Мария, Па//(л. 54)расковия, Пелагия, их же и преже именовахом. Тии слышах овогда великий звон, овогда малый. По празднице же Пянтикостия никто же от ту живущих слышах звон. Когда точию мимо грядущии людие овии реками плаваху, инии сухим путем хождаху и ездяху, тии слышаху звон и вопрошаху ту живущих: «Что есть се, иже на пусте месте звон велий, ниже людий, ниже церкви имуще?» И отвещаше им ту живущии: «Звон той всегда бываше». И мно//(л. 54 об.)зи людие дивишася таковому чюдеси и подаяху в манастырь милостыню велию. Старец же Андреян во многие времена глаголаху братии и всем людем, иже с ним, поставити на том месте молебный храм, сиречь часовня, и вси глаголаху тому быти.

О явлении преподобнаго Ферапонта, како явися многим людем на пути, идущим здати молитвеннаго храма на месте, идеже ныне манастырь стоит.

В день же недельный пригласиша иных людей немало, да бы//(л. 55)ша помогли им здати молебный храм малый. На месте том есть же деревня, зовомое Григориево. Владяше же ею в поместие некто имянем Алексей по реклу Нелидов. Тоя же прежепомянутыя деревни и иных деревень идяху многие люди ко старцу Андреяну сещи бревен на прежепомянутыи молитвенныи храм. И не дойде манастыря, встрете их етер человек, сединами украшен, рубища же худы ношаху, а ино проси их, камо идут. И отвеща ему ко старцу: на устие молебнаго хра//(л. 55 об.)ма здати на месте, идеже звон слышах вси людие. Рече же им человек той: «То ли есть место, идеже и пение бысть?» Они же вопрошаху его: «Ты кто еси, и како знаеши место оно, и коли ты слышах звон или пение?» Он же отвеща им: «Место то свято, и явится на нем человек свят, и будет манастырь в жителство иноком». И еще вопросиша его: «Коего града еси или како ти имя?» Он же рече: «Града есмь Соли Галическия». И не видеша его ктому.

Прииде же мужие в ма//(л. 56)настырь и поведаша вся Андреяну, како стрете мужа того и како им реша о месте, яко свято есть, и явится человек свят, и будет манастырь. Старец же вопроси людей тех, каков бе человек той, и «како вся поведа вам града или веси, и како нарицашеся имя его». Они же реша ему: «Мало глаголах с нами, точию поведах “града есмь Соли Галичеськия”, подобие же его браду имея велику продолговату, сединами сияющу, рубища худы ношаху, о имени же вопросиша его. Он же,// (л. 56 об.) не вемы како отоиде от нас. Мы же смотрихом семо и овамо и не видехом его ктому». Старец же слышав сия и разуме, яко той есть, иже явивыйся ему на месте, идеже Нифонт хотяше манастырь воздвигнути, его же и выше именовахом. Мужие же тии поведаху всей братии человека того, его же видех на пути и вся, яже рече им.

О явлении преподобнаго Ферапонтна, како явися всей братии, идуще по манастырю в келию старца Андреяна.

Братия же вси реша кождо по единому их//(л. 57), яко «И мы видехом во вчерашний день вечера того человека, грядуща ко Андреяну, седины имуща и рубища худы, и вопросих его: “Что орудие имаши к старцу?” Он же отвеща нам: “Звах мене Андреян молитвенаго храма здати”. Мы же вопрошах его: “Кто еси?” Он же рече: “Старец мя весть”. И иде в келию свою, старчю». Прииде же вси к старцу Андреяну братия и вси сущии с ними, и глаголюще ему: «Где той муж, иже прииде к тебе во вчерашний день вечера?» Андреян же, слышав//(л. 57 об.), и рече им: «Никто же ми в сия дни прииде. Имам сию седмицу, яко никого же видех странна, входяща в манастырь или исходяща, точию ваю вижьду днесь пришедших в поможение к строению молитвенаго храма». Пришедшии же реша: «Его же мы видехом на пути и поведахом ти, тои обнощеваше у тебе в твоей келии. Братия его видеша грядуща к тебе». Старец же отрицашеся, яко «не видех никого же в сия дни и в келию мою никто//(л. 58)же входих». Братия же и вси приходящия прияша благословение от старца и иде на место, идеже им молитвенный храм здати, и пришедше х келейце, ея же сам старец созда своими руками преже зачатия молитвеннаго храма, и видех одесную страну келейцы древо велие стояще, в нем же водружен медный крест, его же водрузи старец, яко же выше рехом. У древа же того пред животворящим крестом видех ступени(л. 58 об.) человеческия воглубишася в землю, яко пядь имущи глубины. И дивишася вси таковому стоянию твердому и реша: «Кто есть, иже таковы труды полагаше?» Инии глаголаху: «Андреян приходит семо по вся дни, иже и сию келию созда». И начаша сещи лес, в нем же здати молитвенный храм. Прииде же к ним старец и рече: «Мир вам и благословение». В то же время бысть паки звон на месте том верху их, кабы на древе том, в нем же крест водру//(л. 59)жен, и возрех горе, и не видех ничесо же, точию древие стояще. И чюдишася вельми и показающе старцу ступени древа пред крестом. Старец же вельми дивися тому и помышляше являющагося человека, его же многие люди видяще и не знаяше его. По некоем же времени совершиша молитвенный храм.

Второе начало Благовещенскаго манастыря, что на устье Монзы реки.

По поставлении келии и по соверьшении молитвенаго храма на месте, идеже ныне//(л. 59 об.) манастырь стоит, старец, и братия, и вси сущии с ними мысляше день и нощь и молящеся непрестанно Господу Богу и Пречистой Богоматери, како бы им на прежереченнем месте и идеже поставиша молитвенныи храм и келию, юже сам старец созда, воздвигнути церкви и келии, и манастырь возградити, и преселитися тамо жительствовати. В древнем же манастыре церковь вельми обетша.

Братия же совет сотвориша с ста//(л. 60)рцем и с сущими с ними, и глаголюще положити жребий на древнее место и на новое, идеже стоит молитвенный храм, си речь часовня. И по жребию воздвигнути церкви и манастырь строити, а прежереченная чюдеса, иже слышание звону и пения и явившагося человека, иже и многажды являшеся и глаголаше о месте, яко свято есть, и явится на нем человек свят, и сия вся аки в забвение положиша и уповаша на жребия, и сотвориша два жребия: един на древнее место, а вторыи на новое//(л. 60 об.). И певше молебная пения, и положиша жребия пред образом Пречистыя Богородицы честнаго и славнаго Ея Благовещения на пелене, и пригласиша етера человека, иже не знаяше совета их, и послаша единаго взяти жребий в церкви. Вшед же человек той в церковь и взем жребий, и изнесе пред вся люди, и вопросиша его вси, есть ли вторый жребий. Он же отвещав: «Не видех иного, точию един обретох на пелене лежащь». Старец же и людие еще не поведах ему совета своего и вшедше в церковь премени//(л. 61)ша жребий древняго места, жребий положиша на десной стране, но во местный положиша на шуее и послаша его паки взяти жребий. Вшед же человек той в церковь, и обрете два жребия пред образом Пречистыя Богородицы Честнаго и Славнаго Ея Благовещения, лежаще на пелене, и не познаша, которыи износих первие, и хотяше взяти от десныя страны. И не дадеся ему жребий, прильпоша бо крепце к пелене и не можаше его отторгнути. И взем той же жребий, его же и преже износих, и даде//(л. 61 об.) старцу и показаша всем, яко той же жребий, его же преже износих. И вопросиша его вси, видех ли вторый жребий в церкви. Он же отвеща им: «Видех на пелене лежаща на десней стране, точию не могох его отторгнути». И поношая старцу, и братии, и всем ту сущим: «Вскую тако творите, искушающе люди?» И положиша два жребия, и един приклеиша крепце, а другий свободне учиниша. Слышав же старец, и братия, и вси людие, и ди//(л. 62)вишася таковому чюдеси, и поведаша человеку тому вся по ряду, чесо ради жребия творяху. Человек же той слышав, яко смотрение некое бысть божественно, и обещася ту пребыти до коньчины живота своего, яко же и бысть.

О забытии пророчества преподобнаго Ферапонта, и о исцелении юношь, и о явлении преподобнаго, како явися родителем болящим юнош и како явися разслабленному юноше в церькви, осязающе нозе его.

Времени же некоему мимошедшу, приехаша людие в дву судах//(л. 62 об.) малых ладийцах рекою Костромою. Едина ладийца от града, нарицаемаго Соли Галицкия, вторая от Буя града снизу Костромы реки, привезоша два юноши болящих: един огнем жгом уже к смерти варит. Ум его от огня отяся, не знаяше и своих ему. Вторыи же, иже града Буя, разслаблен ногами, ни двигнутися можаху. Болезнь ему велия бысть, и от той болезни юноша той умираше. Извещенно же бысть в манастыре старцу и всей братии, и повелеша//(л. 63) принести болящих в манастырь и положити в церкви пред образом Пресвятыя Богородицы Честнаго и Славнаго Ея Благовещения. Старец же воспомянув явившагося ему преже и рекшаго, яко того ради места исцелеют два юноши от лютых болезней, созвав же братию, и поведа им вся по ряду прежеписанная, како ему явися человек на прежереченнем месте, идеже Нифонт хотяше манастырь воздвигнути, и како рече ему не трудитися о том месте, и како поведа ему новое оно//(л. 63 об.) место, идеже и ныне манастырь стоит, и како прорече ему, яко того ради места исцелеют два юноши от лютых болезней. И заповеда старец всей братии в ту нощ молитися и без сна пребывати, дабы Господь Бог исцелил юноши оны. И глаголаше старец братии: «Аще Господь Бог и Пречистая Мати Божия ваших ради святых молитв исцелит юноши сия, истинно веруем о новом Богом показанном месте, идеже молитвенный храм, сиречь//(л. 64) часовня и келия стоит, тамо воздвигнем и церкви и манастырь устроим, аще Бог повелит».

Братия же, слышав от старца, с радостию слово его прияша. День же преклоняшеся уже к вечеру сущи, и глаголаше Андреян родителем болящих юношь: «Молитися прилежне Господу Богу и Пречистой Его Богоматера, а во утрии молебны пети». Всем же ставшим на молитве всю нощь, братия же по отпущении вечерняго пения разыдошася по келиям и подвизашеся//(л. 64 об.) на молитву во всю нощь, яко же заповеда нам старец. Сам же прилежаше с боляшими и с родителема их, обнощь всю молящеся и, многие каноны певше, и вопрошаше старец родителей болящих тех, како им прииде мысль приити семо и помолитися. Они же рекоша ему един по единому: «Аз, отче, жительство имею во граде, нарицаемом Буе. Имя же мое Лукиан нарицаюся, и в сию седмицу, бывшу ми на реце, ловях рыбу, и пустих удицу в реку, и седях в ладийцы моей//(л. 65), и мыслих о сыне своем, яко зле стражет ногами, люте раслаблен зело, и, забывся, воздремах, и слышах глас, глаголющ ми: “Етер старец грядет по брегу реки сея. Ты его удержи, и вопроси о сыне своем, и повеждь ему болезнь его, чим болит. И аще ти речет что, то сотвори”. Глас же слышах, никого же видех. Коснящу ми на реце и помышлях гласа, его же слышах, и чюдився велми. И молящу ми ся с воздыханием, и слезы от очию моею исходяще, и возрех//(л. 65 об.) на десную страну брега, и видех старца, стояща противо ладейцы моей, браду имея продольговату, сединами сияющу. Аз же ужасохся, не видех его идуща, точию внезапу яви ми ся стояще. И вскоре обрадовах ми ся сердце, и рекох ему: “Благослови мя, отче святый”. Он же отвеща ми: “Бог да благословит тя, чадо”. Аз же молих его, дабы со мною беседование сотворил. И рече ми: “Прииди семо на он пол”. Аз же, преехав к нему и поклонихся ему до земли и вопросих его, которые о//(л. 66)бители есть, и откуду грядет, и камо идет. Он же рече ми: “Аз есмь Благовещенскаго манастыря, с устья Монзы реки, идох во град, нарицаемый Кострома. Старец мене послах наяти делателей преносити манастырь на новое место, идеже ему Бог показа чюдесами многими. Иже того ради места целятся недуги и болезни многи”. Аз же еще его вопросих: “Идох ли прежде тебе кто путем сим?” Он же рече ми: “Не свем никого же шествующаго предо мною”. И поведах ему о сыне своем//(л. 66 об.), яко лежит в дому моем люте разслаблен ногами и скончеваются дние его. Он же рече ми: “Веди его ко старцу Андреяну на устье, да тамо новаго ради места исцелеет”. Аз же обещахся тако сотворити и молихся, да бых обитель в дому моем. И всадих его в ладийцу мою, и везох в дом мой, и вопросив его, “которыя церкви имате на устие, им же ми помолитися”. И рече ми он: “На новом месте церковь во имя Воскресение Господа Бога и Спаса Нашего Иисуса Христа да вели//(л. 67)каго чюдотворца Николы. Ветхая же церкви Пресвятыя Богородицы Честнаго Ея Благовещения, а распадшаяся церковь во имя собор архистратига Божия Михаила в ветхом манастыре, иже ныне жителство имеем, а зватися имать место отныне и до века Благовещеньской манастырь на устье”. И приехавшу ми на брег к дому моему, и излезох на брег. Аз же взем мрежие, им же рыбы ловях, и несох во двор мой, а старец остах на бреге. Аз же изыдох звати старца, да бых шел в дом мой//(л. 67 об.) и не обретох его ктому, и поисках повсюду, иже по реце плавающи и путем шествующих вопрошах, и никто же его не видех. И не вемы, како или камо отыде от очию моею, и имяни его не уведех, и вельми о том скорблю. И ныне аз, отче, по гласу невидимаго и по повелению старца, его же ти поведах, иже от твоея обители грядущаго, привезох сына моего, да молит ваше преподобство всемогущаго Бога и Пречистую Его Богоматерь, да исцелеет сын мой, и покажи нам Господа ради//(л. 68) церковь Воскресение Христа Бога Нашего и великаго чюдотворьца Николы и место оно новое, идеже церкви сооружены, да и мы быхом помоливеся тамо».

Старец же Андреян слагаше вся глаголы сия в сердцы своем (Лк 2:19), ведяше истинно, яко никто же от него из манастыря изхождаше, и никогоже отпусках. Рече же ему вторый человек, отец болящаго: «Аз, отче святый, жилище имею во граде Соли Галическия, сын мой люте огнем жгом уже вторый месяц проходит. Аз же ремезство имея, железо ко//(л. 68 об.)вах, и бывшую ми в кузнице своей, ковавшу ми железа плужные, ими же землю орах. И жалящу ми о сыне моем, яко зле стражет во огни. И преклонихся на стул, на нем же млатом биях, и бых аки в забытии. И внезапу предста ми етер старец. Аз же не видех, како влезе в кузницу мою, токмо рече ми: “Что скорьбиши и дряхлуеши?” Аз же рече ему: “Сына моего ради болезнует ми сердце, жегалицею болит сын мой люте зело, уже и дние его//(л. 69) скончеваютца”. И вопроси мя старец: “Колико время болезнует сын твой?” Аз же отвещах ему: “Седмую седмицу не востает с постеля своея, люте огнем жгом. Мню, яко в сий день изыдет дух его. Мати же его слепотует от многаго плача. У мене же кости моя изсышут от многия туги”. И рече ми старец: “Веси ли манастырь на устье Монзы реки?” Рекох же ему: “Аз добре знаю место то, и старца Андреяна, и прочую братию вем, точию тебе единаго не вем, тамо ли жи//(л. 69 об.)тельство имаши”. Он же рече ми: “Тамо живу со старцем Андреяном во единой келии”. И рече ми: “Вези сына своего. Тамо ныне Андреян преносит манастырь на новое место вверх по реке по Моньзе, идеже ему и всем сущим людем с ним Бог показа многими чюдесы звоном и пением ангельским. И будет тамо манастырь, и место то свято есть”. Аз же его вопросих: “Какое орудие имаши зде?” То же ми отвещах, яко “старец//(л. 70) Андреян послах мене наяти делателей преносити монастырь на новое место”. И молих его аз, дабы обитал в дому моем. Он же не восхоте в дому моем быти и рече ми: “Иду в монастырь свои”. Аз же по глаголу его привезох сына своего, да молит Бога ваше преподобство, да исцелеет сын мой. И покажи ми старьца того, его же аз видех». Рече же Андреян: «Никто же от мене в сие время исходих из манастыря старца, его же поведаете ми, несть//(л. 70 об.) такого у нас пребывающаго в манастыри. Мню, яко сила некая Божия есть». Родители же болящих рекоста Андреяну: «Веди нас и сыны наши на оно новое место, идеже стоят церкви Воскресе//(л. 70 об.)ние Христа Бога Нашего и великаго Чюдотворца Николы, и тамо помоливеся с верою, да исцелеют сыны наши».

Приспевшу времени утреняго пения, братия же сшедшеся во святую Божию церковь, в той же день празднуется праздник обновления храма Воскресения Христа Бога Нашего. И наченьшу утреню, и по сконьчании псалмов и по ектении возгласиша: «Бог Господь и явися нам, благословен грядый во имя Господне». В то же время двигнуся разслабленый ногами, и седе на постели своей, и нача вопрошати: «Где есть той старец, иже в сию нощь осяза ми нозе? И глагола ми: “Иди на новое Богом показанное место, да тамо совершенне исцеление получиши”. Аз же молихся ему, да бы вел мя тамо. Он же рече ми: “Аз же ти путь поведаю//(л 71 об.), ты же сам доидеши”. Молюся ему, да бых указал путь той, ныне же недуга моего не чюях, токмо аки мраз знобит ми нозе. Покажите ми старца того». Братия же предсташа вси болящему. Он же глядаше на них и рече: «Не обретаю того, иже ми нозе осяза, и глаголяй со мною». И паки рече ко старцу Андреяну: «Отче святый, камо его ты отослах, иже в сию нощь с тобою каноны певше и глаголяй с тобою вести нас на место оно?» И вопросиша болящаго, каков бе старец, «иже нозе твои//(л. 72) осяза и глаголяй с тобою?» Он же поведах подобие его, яко же и родители болящих реша. Старец же и братия слагаше вся глаголы сия в сердцах своих (Лк 2:19) и помышляше в себе, яко некая сила Божия есть.

Кончану же бывшу утреннему пению, и внезапу возопи болящии жегавицею: «Вскую куплете мене в реках сих? Сердце мое дрожаше, аки от мраза люта». И мняше его, яко ото огня люта глаголет нелепая, и приступиша к нему родители его, и старец, и братия. И видевше с него воду течаху//(л. 72 об.) или пот его аки вода. И вопросиша его родители его: «Како ти бысть здравие от болезни твоея?» Он же рече: «Не чюях болезни, точию мраз знобит ми сердце и тело. Ведите мене, идеже ми теплоту обрести». И воста сам с постели своея, и хожах по церкви, и отираше пот лица своего, и глаголя: «Начните пети молебная пения, уже и мраз от мене ходит. Се здрав есмь, не слышу недуга своего». Болящии же ногами начат велми плакати и рыдати и глагола: «Прогневах Господа Бога Мо//(л. 73)его, и Пречистую Богоматерь, и старца, его же видех в сию нощь. Ныне же его не вижду. Клеврет ми здравие получи и воста с постели своей. Аз же востати не могу, не чюю бо недуга своего и болезни, ею же болех, токмо востать не могу». Родители же его плакаста горько и начаша молебная пения и, певше каноны Воскресению Христа Бога Нашего, и Благовещению Пресвятыя Богородицы, и собору святаго архистратига Божия Михаила, и великому Чюдотворцу Николе. По сконьчании же молебнаго пения//(л. 73 об.), воста разслабленый и прииде сам к Животворящему кресту.

И по освященной воде, по отпущении же святыя Божии литургии старец Андреян и братия ведоста людей тех, иже исцеление получиша и родитей их на оно Богом показанное новое место. И пришедше в молитвенный храм, еже есть часовня, и помолихся Животворящему Кресту и святым иконам. И воздаша хвалу Богу, и Пречистой Его Богоматери, и архистратигу Божию Михаилу, и великому чюдотворцу Николе//(л. 74). И вдаша милостыню довольну старцу и братии, и отоидоша в домы своя с миром и радостию великою, яко исцеление истинно получиша.

Старец же, и братия, и вси сущии с ними совет положиша, и веру истинную прият на новом Богом показанном месте церкви воздвигнути и манастырь строити. И иде старец Андреян в царьствующий град Москву, и прииде в Чюдов манастырь ко архимариту Пафнутию, его же и преже именовахом. И поведа ему вся по ряду бывшая о явлении святаго новаго//(л. 74) места, о звону и о слышании пения, и о явлении человека Божия, и о исцелении болящих, и о всех бывших чюдесех. Архимарит же, слышав сия, вельми возрадовася радостию велиею и вдаде ему казны своея, много вяще первыя на строение церквей и манастырю. И молиша святейшаго Иева патриарха Мовсковскаго и всея Русии, да бы благословил старца Андреяна на новом богопоказанном месте церкви воздвигнути и манастырь строити. Святитель же повеле ему дати сво//(л. 75)ю благословенную грамоту и вдаде ему милостыню довольну на создание церкве и манастырю и антимисы ко освящению церквам безпошлинно. И отпусти старца Андреяна с миром во свою ему пустыню. Архимарит же Пафнутий обещается старцу Андреяну, яко да и «аз буду в твоей пустыни в сию зиму, понеже умолю благовернаго царя для моей старости свободит мене из Чюдова манастыря. Ты же, брате, назидай место оно, его же ти Бог показа звоном, и пением, и иными чю//(л. 75 об.)десы, их же ты поведал ми еси. В сию же нощь препочини в келии моей. Во утрии же помоливеся и отойдеши в путь свой».

О явлении преподобнаго Ферапонта, како явися паки архимариту Пафнутию.

Наставши же нощи и по отпущении келейнаго правила, отойде архимарит во обычный свой чюлан, идеже ему починути. И виде в тою нощь некоего старца, пришедша в чюлан его. И рече ему: «Не помниши совета моего, его же ти поведах. В Павлове манастыре не лет ти со Андре//(л. 76)яном жити. Ты же имаши быти на Крутицах с митрополитом Деонисием». Архимарит же, возбнув и не виде никого же, и мня видению быти от соннаго уныния. И поведа старцу Андреяну: «Сон видех в сию нощь. Во сне некто старец прииде ми в чюлан мой и глаголяй со мною: “Не лет ти будет жити со Андреяном, а быти тебе на Крутицах з Деонисием митрополитом”. Аз же посмеяхся привидению тому. Аз не хощу на Крутицах быти, а у митрополита товарыща не бывает»//(л. 76 об.). Помянув же ему Андреян: «Не той же ли ти явися, иже древле в Павлове манастыре, и повеле мене послати на взыскание места нашего, идеже ныне жительствуем?» Архимарит же, помолчав на долг час, и рече Андреяну: «Подобие таково имея и браду, только мних, а его же в Павлове видех, прост людин». Андреян же архимариту рече: «В нашей пустыни многие люди видеша: прост людин являшеся, а инии во мнишеском чину видеша, яко же аз тебе поведах//(л. 77) о исцелении болящих и о родителех их. Сии видеша старца пречюдна, како им повеле ити в нашу пустыню и молитися о исцелении болящих, иже исцелеша». Пафнутий же глагола: «От соннаго уныния сия мечта, тяготил мене сон велий». И отпусти Андреяна с миром во свою ему пустыню.

Старец же отойде в путь свой, радуяся о святителеве благословении и совете архимарита Пафнутия и имея с собою сокровище немало на создание церквей и манастырю, и прииде в пустыню//(л. 77 об.), и поведа братии и всем сущим ту, како его благослови святитель Иев патриарх и даде ему грамоту на антимисы безпошлинно, даде же ему и милостыню довольну. Поведа же и совет архимарита Пафнутия и казну его на строения манастыря и приезд его, яко хощет быти зимним путем в сию нашу пустыню. Братия же радовашеся о всех слышащих от старца, и совет сотвориша о создании церьквей и о строении манастыря на новом Богом показанном месте, и наняли дела//(л. 78)телей многих, и принесоша келии, и устроиша шесть келии в пожитие братии, и о церквах размышляше. Овии глаголаху быти церкви святых великомученик четыредесяти, иже в Севастии, понеже первие звон слышах на праздник святых мученик. Старец же помяну глагол болящих, иже и исцеление получиша, и родителей ею, их же выше именовахом, яко церкви Воскресению Христову да великому Чюдотворцу Николе, и по мале времени воздвигнуша церковь во имя Воскресение// (л. 78 об.) Христа Бога Нашего да в приделе престол великаго Чюдотворца Николы.

Времени же некоему мимошедшу, создаша и теплую церковь во имя Пресвятыя Владычицы Нашея Богородицы и Приснодевы Марии Честнаго и Славнаго Ея Благовещения. Вся же сия создашася милостию Божиею и содействием Святаго и Животворящаго Духа и молитвами святых отец в мале времени поспешествующе Святому Духу.

О пришествии преподобнаго Ферапонта в Благовещенской манастырь на устье Монзы реки ко старцу Андрея//(л. 79)ну и к братии.

Прииде же преподобный Ферапонт от града, нарицаемаго Костромы. Тамо бо есть обитель, именуема Воздвиженьский манастырь. Тамо бе пребываше преподобный Ферапонт. В том же манастыре и прият ангельский образ. А иже града, или веси, или родителю его пребывания нами не обретохом, или коликими леты возраста своего бе, егда во образ иноческаго жития прииде, но едино точию обретохом от туду живущих мних и от боголюбивых мужей. Бесед духовных в мале от сих//(л. 79 об.) истязах беседами великими в пользу духовную хотящим спасения душам своим и сих ревновати по Бозе житию, яко же сей преподобный Ферапонт, жительствуя в преже реченней обители с пребывающими тамо мнихи и соодолев тем послушанием ко архимариту и всей, еже о Христе, братии в заповеданых ему службах. К сему же многим воздержанием изнуряше тело свое и соодолеваше всем бесовским страстем. Любим же бе и славим от всех тамо пре//(л. 80)бывающих и от самого архимарита обители тоя за многое послушание, и кротость, и смирение, яко образ ему быти во всех добродетелех тамо пребывающих и исправлениих жития.

Почиташа же его и приходяще к нему вси людие града того от мала даже и до велика и до самых началнейших людей, рекше воеводы, и дьяки, и всяких чинов людие града того. И прошаше благословения от него. Преподобный же Ферапонт овем любезне благословенныя глаголы изглаголаша и молитвы//(л. 80 об) творяше о них, овем же прещением запрещаше от слабаго жития и не прилежати в пустошьных мира сего, и возбраняше от злаго наука пиянственнаго, и к беззаконным нечистотам прикасающихся крепце утвержая, да бы целомудренно житие имели. И славим бе по всему граду. Он же уклоняяся от славы человеческия. Архимарит же тоя обители вельми его прославляше и свята его мужа нарицая.

Блаженный же Ферапонт утаився архимарита и всех сущих тоя обители, отойде во область града Гали//(л. 81)ча, в весь, нарицаемую Корежьскую, в Благовещенской манастырь на устье Монзы реки, идеже Андреян живяше, и прият благословение от старца и от всей братии, и молиша их, да бы препочинути у них. Старец же и братия молиша его, дабы и жительство имел с ними. Во един же от дний позна преподобнаго Ферапонта старец Иев, его же и выше именовахом. И глагола Андреяну: «Не презре Бог моления нашего. Сей старец, иже ныне прииде во обитель сию, той есть//(л. 81 об.) иже являшеся в зачале места сего, и мнози видевше его в явлении воистинну». Той есть, его же и ты виде на оном месте, идеже Нифонт и ты хотех манастырь сей воздвигнути». Старец же, слышав се от Иева и аки от сна мыслию воспрянув и рече, яко «той есть, его же аз видех на оном месте, идеже хотех манастырь воздвигнути».

В то же время прииде в манастырь некий человек преже помянутыя деревни Григорьева имянем Феддей//(л. 82 об.) по реклу Дружина Глухой да тое же деревни Григорьева вторый человек Потапий Дружина по реклу Голова. И видевше преподобнаго Ферапонта, и познаша его, яко той есть, его же встрете, егда идяху на поможение молитвеннаго храма здати на сем месте. И глагола Андреяну: «Сей старец, иже прииде ныне во обитель твою, той есть его же мы и видехом на пути, егда идоша молитвеннаго храма здати на сем месте. Он нам рече о месте сем, яко свято есть и//(л. 82 об.) явитца на нем человек свят. Тогда его видехом прост людин, ныне же одеян во иноческий образ. Воистинну той есть». Андреян же истинно разуме, яко той есть, иже многим являяся благими явленьми, и о месте прорицаше, яко свято есть, и будет манастырь, и явится человек свят. Но не смеяше его вопрошати подробну и являющагося ему извести, да бы его в глаголание привести, негли речет, яко «аз есмь, его же вы видеша». Старец же Андреян ко преподобно//(л. 83)му многими беседами духовными беседоваше и вопрошаше обещания его, которыя обители суть и где жительство имеяше. Он же отвещав: «Постриженик Воздвиженскаго манастыря града Костромы и пришлец бех в царьствующий град Москву, и живях близ дому блаженнаго Василия о едином тыну». Андреян же, слышав сия от преподобнаго и радостен быв вельми, яко истинно уведав иже являшеся и в явлении глаголаше: «Сожитель есмь Василиев, иже есть//(л. 83 об.) на Москве». Воистинну той есть, точию размышляше житие блаженнаго Василия, яко покрова не име и наго хождаше, преподобный же дом имяну и тын помянув. И прохождаше слава о нем повсюду окрест Благовещенскаго манастыря, яко прииде в манастырь преподобный старец и велми свят муж.

Преподобный же Ферапонт молиша священноинока старца Андреяна, дабы умолчал о нем и не яви его творил. И просиша у него, да бы его приял сына духовнаго//(л. 84). Старец же радостию радовахся прияти его в духовенство, да бых уведал житие его, и творяше молитвы исповеданию. Во исповеди же преподобный ни единаго греха именовав на себе, точию молиша Андреяна, а ино прещением прещаше, да не яви дела его творит, доньдеже в житии сем, и удержит глагол сей, иже являшеся древле на месте сем, и прорицаше о месте, яко свято есть и много от духовных глагол глаголаша преподобный Андреяну старцу//(л. 84 об.). О чюдо, яко сын отца наказуя и уча духовными глаголы. Андреян же, пад на нозе его, поклонися и рече: «Не требуют здравии врача (Мф 9:12; Мк 2:17; Лк 5:31), ты же цел еси, како прииде к недужному целитися?» Преподобный же рече ко старцу: «Помысли его же еси древле видел на бреге Костромы реки, на месте, идеже ты хоте манастырь сей воздвигнути и рекох ти: “Отец ми еси будеши и имя мое увеси”. Се ныне исполнися, яко отец ми еси и имя мое знаеши, но паки мо//(л. 85)лю тя, да не повеси никомуже реченнаго мною иже глаголяй с тобою. И буди, яко истиннии отцы хранителие тайнам человеческим. Ты же сохрани глаголы моя, яже ти глаголах, донелиже есмь в житии сем». И назнаменаше отшествие свое от жития сего и рече Андреяну: «От днешняго дне яже ти исповедах грехи своя по прехождении дву лет и шести месяц узриши о мне, яже Бог повелит». По том же времени преподобный Ферапонт на всяк день старца Андреяна приимаше благословение, изхождах //(л. 85 об.) из манастыря и прехождаше реку Монзу, и хождаху в дебри в чащи леса, и молящеся Богу наедине, дабы никто его ведал, укрывашеся от славы человеческия.

Един же от братии старец имянем Кирил той поропта на преподобнаго, иже исходит из манастыря по вся дни, а с ними не обреташеся на страде манастырьской. И бысть во едину от нощей той преже реченный Кирил видит пришедших к нему в келию множество ефиоп черных, и похваляху его велми о ро//(л. 86)птании на преподобнаго и рече ему: «Отгоните от места сего, на него же ты поропта, ленив бо есть и нерадив о работе манастырьской. Его же вы туне питаете, пред вами ся творит аки свят, отходя же в чащи леса спит, точию нам спону велию творит». Старец же Кирил, воспрянув, вельми ужасеся и едва избеже ис келии своея, испаде лице его от страха, и иде ко Андреяну, и поведа ему все по ряду, како к нему прииде беси яве, и глагола изгнати преподобнаго от места, и «мене//(л. 86 об.) похваляху о роптании». Старец же Андреян, знаменав его крестным знамением и отосла его паки в келию его. Кирил же помолився, и возлеже паки на одр свой, и паки прииде к нему беси, и рыкающе на него, аки львы дивии, и скрегчюще зубы своими, да бы его жива пожерьли, и глаголюще ему: «Почто поведах совет наш старцу, иже ти реша на лениваго вашего, на него же ты добре поропта? Мы поведах ти леность//(л. 87) его и порадовахся о роптании твоем, да бы больши воздвигл еси гнев на него. Ты же оклевета нас старцу». Старец же Кирил, аки мертв от страха, лежаше, ни двигнутися можах. И прииде ему во ум преподобный Ферапонт, и не можаху уст своих отверсти, точию в мысли своей моляшеся и прощения просяше от него о роптании своем на преподобнаго и да бы ему помог в беде той.