Компанияның маркетингтік қызметін талдау

Кәсіпкер өз қызметінің алғашқы сатысында көптеген мәселелермен кездеседі, солардың бірі – шаруашылық кеңістікте өзін табу болып табылады. Кәсіпкерге міндетті түрде нарық жағдайын, кәсіпкерді қызықтыратын сала бойынша сол немесе басқа да тауарлар мен қызметтің түріне деген сұраныс пен ұсыныстарды, аймақтағы кәсіпорынның мамандануын анықтап, оларды оқып-зерттеуді қажет етеді. Сонымен, адамның қажеттіліктерін анықтай отырып, кәсіпкер маркетингтік зерттеу аймағын сипаттайды.«Маркетинг» ұғымы ағылшын тілінен «market» сөзін аударғанда рынок, яғни рынок аймағындағы әрекет деген мағына береді. Рынок сегментациясы///Рынокты зерттеу тауардың тұтынушылық қасиеттері мен тұтынушылар тобына байланысты дифференциалау (бөлшектеу) құрылысы ретінде қарастыру қажеттілігін болжайды, яғни кең мағынада «рынок сегментациясы» ұғымын анықтайды.Рыноктың мақсатты сегменттерін таңдау///Рынокты қамту стратегиясының үш мүмкіндігі бар, олар: бөлшектенген, бөлшектенбеген және байытылған маркетинг.Бөлшектенбеген маркетинг – бұл сегменттердің айырмашылықтарын менсінбеу және рыноктың барлығына бір ғана ұсынысты үндеу. Маркетингтің бұл түрі фирма рыноктың ең ірі сегменттеріне есептелген тауарды құрған жағдайда қолданыладыБөлшектенген маркетинг – фирманың бірнеше рынок сегменттеріне шығуы және олардың әрқайсысы үшін жеке ұсыныстарды өңдеу. Бұған қазір көптеген фирмалар жүгінеді, мысалы «Дженерал моторс» корпорациясы «әр түрлі қалталы адамдар үшін, кез-келген мақсат үшін, әр түрлі тұлғалар үшін» автокөліктер шығаруға тырысады.Байытылған маркетинг – бір немесе бірнеше субрыноктардың үлкен үлесін байыту күшейтілген. Мысалы, «Фольксваген» фирмасы рыноктағы өз күшін жанар майды аз жұмсайтын автокөліктерді шығаруын күшейтті.

Компанияның есептік саясатындағы өзгерістер (қехс 8 )

Кәсіпорынның есеп саясаты сол кәсіпорында қолданылатын бухгалтерлік есеп жүйесінің тұтастығын және оны құраушы әдістемелік, техникалық, ұйымдастырушылық жақтардың барлығын қамтиды.Есеп саясатының әдістемелік жағына мына элементтер кіреді: мүлік пен міндеттемелерді бағалау әдістері, мүліктің әрбір түрлері бойынша амортизация (тозу) есептеу әдістері, табысты (түсімді) есептеу әдістері және тағы сол сияқты.Есеп саясатын негіздеу және таңдау кезінде барынша жалпы танылған талаптар мен қағидалар басшылыққа алынады, оны сақтаған жағдайда  кәсіпорын үшін де, шаруашылық жағдайына бейімделген есеп саясатын қалыптастыру мүмкіндігі туады. Есеп саясатын әзірлеген кезде кәсіпорын өз мүліктері мен міндеттемелерін басқа кәсіпорынның мүліктері мен міндеттемелерінен бөліп көрсетуі тиіс, кәсіпорын өзінің көз жетерлік болашақ кезеңінде өз қызметін жалғастыруды көздейтін болса, яғни өз қызметін тоқтату жөнінде  ниетінің жоқтығын білдірсе, онда толассыздық, үздіксіздік қағидасын сақтағаны болып табылады, кәсіпорын өзі таңдап алған бухгалтерлік есепті жүргізудің тәсілін жүйелі пайдаланып, тек тиімді түзетулерді ғана жасап отырса,онда ол жүйелілік қағидасын сақтағаны, ал егерде кәсіпорында орын алған барлық шаруашылық фактілерін сол кезеңіне жатқызатын болса, онда мерзімділігі анықталған қағидасын ұстағаны болып табылады. Есептік саясат кәсіпорында бірнеше жыл бойы қолданылады. Кәсіпорынның  қабылданған есептік саясатының тағайындалуы бірінші кезекте оның жұмысы туралы толық, объективті, нақты ақпарат алуға арналған. Мұндағы ақпарат оған қызығушылық танытатын субъекті мен шаруашылық байланысы бар және байланыс орнатуды қалайтын барлық пайдаланушыларға қажет. Осыған байланысты есептік саясатты таңдау кезінде басшылыққа алатын талаптарға келесілер жатады: толықтық, сақтық, мазмұнның формадан артықшылығы, қарама-қайшы еместігі рационалдық және т.б. осы талаптарға сәйкес қабылданған есептік саясат кәсіпорындағы бухгалтерлік есеп жүйесінің бүтіндігін қамтамасыз етеді.